جەلاياق باستاعان وتباسىلىق مارافون
جۇما, 20 شىلدە 2012 7:26
ەكىباستۇز – باياناۋىل – جاسىباي كولى باعىتىنا ارنالدى
بۇل جاياۋ جارىستى ەكىباستۇز قالاسىنىڭ قۇرمەتتى ازاماتى, گيننەستىڭ رەكوردتار كىتابىنا 7 رەت ەنگەن سپورتشى مارات جىلانباەۆتىڭ باستاماسىمەن قالالىق ءبىلىم ءبولىمى ۇيىمداستىردى. ارينە, ەكىباستۇزدىقتار جىلانباەۆتاي الەمگە اتى تانىلعان جەلاياقتىڭ ءوز قالالارىندا تۇرىپ جاتقانىن ماقتان ەتەرى ءسوزسىز.
جۇما, 20 شىلدە 2012 7:26
ەكىباستۇز – باياناۋىل – جاسىباي كولى باعىتىنا ارنالدى
بۇل جاياۋ جارىستى ەكىباستۇز قالاسىنىڭ قۇرمەتتى ازاماتى, گيننەستىڭ رەكوردتار كىتابىنا 7 رەت ەنگەن سپورتشى مارات جىلانباەۆتىڭ باستاماسىمەن قالالىق ءبىلىم ءبولىمى ۇيىمداستىردى. ارينە, ەكىباستۇزدىقتار جىلانباەۆتاي الەمگە اتى تانىلعان جەلاياقتىڭ ءوز قالالارىندا تۇرىپ جاتقانىن ماقتان ەتەرى ءسوزسىز.
سونىمەن, جاياۋ جارىس قالاداعى «قاينار» ءبىلىم بەرۋ جانە بوس ۋاقىتتى قامتۋ كەشەنى الاڭىنان باستالدى. مارافونشىلار جارىسىنا 80-نەن استام جاياۋ جۇگىرۋشى, 12 وتباسى جانە «زيۋۆس» تۋريستىك كلۋبىنىڭ تاربيەلەنۋشىلەرى, مۇعالىمدەر, وقۋشىلار قاتىستى. ءتىپتى, ولاردىڭ اراسىندا ەڭ جاس مارافونشىلار – 4 جاستاعى داۋرەن ماساليم مەن 6 جاستاعى داۆيد ۋرساكي دا بار بولىپ شىقتى. جاياۋ جۇگىرۋشىلەر ەكىباستۇزدان باياناۋىلعا دەيىنگى 135 شاقىرىمدى جۇگىرىپ ءوتتى. تاڭعى ساعات 7-دە ولار مارەگە جەتتى.
كۇننىڭ اپتاپ ىستىعىنا قاراماي ءوز دەنساۋلىقتارىن شىڭداپ, سالاماتتى ءومىر سالاتىن قولدايتىن جاياۋ جۇگىرۋشىلەرگە سىيلىقتار مەن سەرتيفيكاتتار تابىستالدى. بۇل سپورتقا شىڭدالۋ مارافونىنا جەلاياق, كاسىپكەر مارات جىلانباەۆ, «ەكىباستۇز» بق ديرەكتورى تاتيانا شميدت, «نار-ترانس» جشس باس ديرەكتورى ريزۆان تسيناەۆ, «اۆەرس» تەحنيكالىق ورتالىعىنىڭ ديرەكتورى, قالالىق ءماسليحاتتىڭ دەپۋتاتى سەرگەي لەپەحين, ەلدار ابدينوۆ دەمۋشىلىك قولداۋ كورسەتتى. مارافونشى وتباسىلارى جاسىباي كولى جاعاسىندا دەمالىپ, كوتەرىنكى كوڭىل-كۇيمەن ۇيگە ورالدى.
فاريدا بىقاي,
«ەگەمەن قازاقستان».
پاۆلودار وبلىسى,
ەكىباستۇز قالاسى.
