يتاليا مەن يسپانيا – شيرەك فينالدا!
سارسەنبى, 20 ماۋسىم 2012 7:34
دۇيسەنبى كۇنى حورۆاتيا-يسپانيا, يتاليا-يرلانديا قۇرامالارى ويىندارىنىڭ قورىتىندىلارى يسپاندار مەن يتاليانداردى شيرەك فينالعا شىعاردى. ولاردىڭ ەندىگى قارسىلاستارى وتكەن تۇندە انگليا-ۋكراينا, شۆەتسيا-فرانتسيا كوماندالارى اراسىنداعى ماتچتاردا انىقتالدى.
سارسەنبى, 20 ماۋسىم 2012 7:34
دۇيسەنبى كۇنى حورۆاتيا-يسپانيا, يتاليا-يرلانديا قۇرامالارى ويىندارىنىڭ قورىتىندىلارى يسپاندار مەن يتاليانداردى شيرەك فينالعا شىعاردى. ولاردىڭ ەندىگى قارسىلاستارى وتكەن تۇندە انگليا-ۋكراينا, شۆەتسيا-فرانتسيا كوماندالارى اراسىنداعى ماتچتاردا انىقتالدى.
حورۆاتيا-يسپانيا 0:1. تۋرنيردى وسى تۇسىنان تاستاپ بارا جاتقان «كىشكەنتاي ەلدىڭ 23 ارىستانىن» فۋتبول جانكۇيەرلەرى ونشالىقتى كوپ كىنالاي العان جوق. ولار رەسەيلىكتەرگە قاراعاندا, ايتارلىقتاي تارتىستى دا جىگەرلى ويىن كورسەتتى. جەڭىلىسكە دە ماتچتىڭ ەڭ سوڭىنا قاراي تاپ بولدى. ال كوماندانى قارسىلاستارىنان كەم وينادى دەپ ەشكىم دە ايتا الماسا كەرەك. ءتىپتى, كەي ساتتەردە ول الەم مەن قۇرلىقتىڭ قازىرگى چەمپيونىنان ارتىقتاۋ دا شىعىپ وتىردى. ولاردىڭ جاتتىقتىرۋشىلارى سلاۆەن بيليچ يسپاندارعا ارنالعان مۇلدەم جاڭا تاكتيكا ۇسىندى.
ەكى كوماندا دا ءبىرىنشى تايمدا كوپ تاۋەكەلگە بارا قويمادى. تەك جاناما ماتچتا يتاليانداردىڭ ەسەپ اشقاندارىن ەستىگەننەن كەيىن عانا ەكى جاق ەداۋىر ىشقىندى. سولاردىڭ ىعىتىندا تالاي گول سوعاتىن ساتتەر بوسقا ءجىبەرىلدى. ونىڭ اقىرى يسپانداردىڭ باقتارىن اشىپ, جۇلدىزدارىن جاندىردى.
يتاليا-يرلانديا 1:0. بۇل كەزدەسۋ ءبىرشاما ەكى ۇدايلى وي قالدىردى. بىلايىنشا ءبارى تابلوداعى ەسەپپەن ولشەمدەس كەلەتىن سياقتى. يتاليا توپتىڭ اۋتسايدەرىن ەمىن-ەركىن ۇتىپ شىعىپ, كەلەسى كەزەڭگە قادام باستى. ناتيجە بويىنشا «سكۋادرا ادزۋررا» تۋرنيردەگى ۇزدىكتەردىڭ ءبىرى بولىپ تانىلدى. ال ويىن ساپاسى جونىنەن… ەڭ ناشارى دەۋگە بولادى. بۇرناعى كۇنگى ويىندى كورگەندەردىڭ كوبى وسىنداي ويعا قازىق بايلادى. نەگە؟ بالكىم, چەزارە پراندەلليدىڭ قۇرامادا جاساعان قاۋىرت وزگەرىستەرى ويىن دەڭگەيىنىڭ ءتۇسىپ كەتۋىنە اسەر ەتكەن شىعار. ال ءوز جانكۇيەرلەرىنە قاتتى رازىلىق بىلدىرگەن يرلانديا قۇراماسىنىڭ جىگىتتەرى بارىن سالدى. بىراق قاشاندا مىقتىنىڭ اتى – مىقتى, قانشا قارسىلاسىپ باقسا دا, ولار ءوز قاقپاسىن گولدان امان ساقتاپ قالا المادى.
بۇگىن – چەمپيوناتتا ءۇزىلىس. ال ەرتەڭ شيرەك فينالدىڭ ويىندارى باستالادى.
ماتچ مينياتيۋرالارى
* بۇرناعى كۇنى وتكەن يتاليا-يرلانديا, حورۆاتيا-يسپانيا اراسىنداعى ماتچتاردا 3 گول سوعىلدى.
* چەمپيونات باستالعالى بەرى وتكەن 24 ويىندا بارلىعى 57 گول سالىندى. ولاردىڭ ءاربىر ماتچقا كەلەتىن ۇلەس سالماعى – 2,37 دوپ.
* دۇيسەنبى كۇنى ەكى ستاديوندا 77 870 ادامنىڭ باسى قوسىلدى. جالپى, بىرىنشىلىكتىڭ العاشقى كۇنىنەن بەرگى كورەرمەن سانى 957 154-كە جەتتى.
* وسى كەزگە دەيىنگى ەڭ كوپ كورەرمەن (64 640) 15 ماۋسىم كۇنى كيەۆتىڭ وليمپيالىق ستاديونىندا شۆەتسيا-انگليا ماتچىنا جينالدى. ال ەڭ از كورەرمەن (31 840) 13 ماۋسىمدا لۆوۆتاعى «لۆوۆ-ارەنا» ستاديونىندا دانيا-پورتۋگاليا اراسىندا وتكەن ويىندا تىركەلدى.
* مەرگەندەر كوشىندە ەشقانداي وزگەرىس جوق. ونىڭ باسىندا 3 گول سوققان شابۋىلشىلار كەلەدى.
* وتكەن ەكى ويىندا ويىنشىلارعا ءبىر «قىزىل» قاعاز كورسەتىلىپ, 12 رەت ەسكەرتۋ جاسالدى. الاڭنان يرلانديا قۇراماسىنىڭ ويىنشىسى كيت ەندريۋس قۋىلدى. ال شون سەنت-لەدجەر ەكىنشى رەت ەسكەرتۋ الدى. ال حورۆاتيا-يسپانيا كەزدەسۋىندە حورۆاتتار جاعىنا 6 ەسكەرتۋ بەرىلدى دە, يسپاندار مۇلدەم «تازا» شىقتى. جالپى, بىرىنشىلىك باستالعالى 88 فۋتبولشىعا «سارى قاعاز» كورسەتىلدى.
* ەكى ويىندا ۇزدىك ويىنشى اتاعىنا اندرەس ينەستا (يسپانيا) مەن انتونيو كاسانو (يتاليا) يە بولدى.
ويلار, پىكىرلەر, كوزقاراستار
شون سەنت-لەدجەر,
يرلانديا قۇراماسىنىڭ قورعاۋشىسى:
– توپتاعى ەكىنشى ويىننىڭ سوڭعى ون مينۋتىندا ورىن العان جاعداي مەنىڭ ەسىمدە ۇزاق ۋاقىت ساقتالىپ قالادى. بۇل كەزدە ءبىز يسپانيادان 0:4 بولىپ ۇتىلىپ جاتقانبىز. سولاي بولسا دا جانكۇيەرلەرىمىز بىزگە قول سوعىپ, قولداۋ كورسەتىپ تۇردى. ولار ءبىرازدان سوڭ وتەلگە كەلگەن كەزىمىزدە دە قوشەمەتىن جالعاستىردى. بۇل ءبىزدى قاتتى تەبىرەنتتى.
روي حودجسون,
انگليا قۇراماسىنىڭ باس جاتتىقتىرۋشىسى:
– قالاي تەڭ ويناۋعا بولاتىنىن تۇسىنبەيمىن. ءبىز قاشاندا تەك جەڭىس ءۇشىن كۇرەسەمىز. توپتىق راۋندتاعى سوڭعى ويىن قارساڭىندا ۋەين ءرۋنيدىڭ ديسكۆاليفيكاتسيادان كەيىن قاتارعا ورالعانىنا قۋانىشتىمىن. بۇل بىزگە تىڭ كۇش قوسادى. بۇعان قوسا ۋەين سپورتتىق بابىندا ەكەن. مەن ۋكرايندارمەن وتەتىن وتە قيىن ماتچتا ونىڭ كوپ كومەك كورسەتەتىنىنە سەنەمىن. الاڭ يەلەرى جانكۇيەرلەرىنە ءبىزدىڭ قارسى قوياتىن بىردەن-ءبىر قارۋىمىز جاقسى ويناۋ بولماق.
ميروسلاۆ كلوزە,
گەرمانيا قۇراماسىنىڭ شابۋىلشىسى:
– ءبىزدىڭ گرەكتەرمەن ويىندا گول سوعاتىن ساتتەردى كوپتەپ تۋدىراتىنىمىزعا سەنىمدىمىن. قارسىلاستارىمىز قورعانىستا جاتىپ العان كۇندە دە ونى بۇزىپ-جارىپ وتەمىز. بىزدە قازىر قوسالقى قۇرامدا دا قانشاما تاماشا ويىنشىلار وتىر. ولاردىڭ كەز كەلگەنى ستارتتىق قۇرامدا شىعىپ جۇرگەن فۋتبولشىلاردى لايىقتى الماستىرا الادى. ماعان ەڭ الدىمەن ولاردىڭ جاتتىعۋعا دەگەن جاقسى كوزقاراستارى ۇنايدى.
ايتپاقشى…
* دانيا قۇراماسىنىڭ شابۋىلشىسى نيكلاس بەرندنتەر وعاش قىلىعى ءۇشىن ءبىر رەسمي ماتچقا قاتىسپاۋ مەن 100 مىڭ ەۋرو كولەمىندە ايىپ تولەۋگە جازاعا تارتىلدى. ول بۇعان پورتۋگالياعا قارسى ويىندا گول سوققاننان كەيىن جەيدەسىنىڭ ەتەگىن ءتۇرىپ, شورتىن تىزەسىنە دەيىن سىپىرىپ جىبەرگەن ادەپسىز قىلىعى ءۇشىن دۋشار بولدى.
* فرانتسيا قۇراماسىنىڭ باس جاتتىقتىرۋشىسى لوران بلان اعىلشىننىڭ «توتتەنحەم» كلۋبىمەن كەلىسسوز جۇرگىزىپ جاتىر, دەپ حابارلادى Sky Sports. ايتا كەتەيىك, وسىنىڭ الدىندا عانا «شپورلار» كوماندانى 2008 جىلدان بەرى جاتتىقتىرىپ كەلە جاتقان حارري رەدناپپ ەسىمدى باپكەرمەن قوش ايتىسقان ەدى.
* پولشانىڭ پوزنان قالاسىندا جەرگىلىكتى تۇرعىندار مەن يرلانديا قۇراماسى جانكۇيەرلەرىنىڭ باسىن قوسقان فلەشموب وتكىزىلدى, دەپ حابارلايدى zczuba.pl. پوزنان مەن گدانسك جۇرتشىلىعى چەمپيونات كەزىندە وسى ەلدى مەكەندەردە كەرەمەت اتموسفەرالىق احۋال تۋدىرعاندارى ءۇشىن يرلاند فاناتتارىنا وسىلايشا العىس سەزىمدەرىن ءبىلدىرىپتى.
دەرەك پەن دايەك
(توپتارداعى قورىتىندى تۋرنير كەستەلەرى)
ا توبى
| № | كوماندالار | و | ۇ | ت | ج | دوپ | ۇپ |
| 1 | چەحيا | 3 | 2 | 0 | 1 | 4:5 | 6 |
| 2 | گرەكيا | 3 | 1 | 1 | 1 | 3:3 | 4 |
| 3 | رەسەي | 3 | 1 | 1 | 1 | 5:3 | 4 |
| 4 | پولشا | 3 | 0 | 2 | 1 | 2:3 | 2 |
B توبى
| № | كوماندالار | و | ۇ | ت | ج | دوپ | ۇپ |
| 1 | گەرمانيا | 3 | 3 | 0 | 0 | 5:2 | 9 |
| 2 | پورتۋگاليا | 3 | 2 | 0 | 1 | 5:4 | 6 |
| 3 | دانيا | 3 | 1 | 0 | 2 | 4:5 | 3 |
| 4 | گوللانديا | 3 | 0 | 0 | 3 | 2:5 | 0 |
D توبى
| № | كوماندالار | و | ۇ | ت | ج | دوپ | ۇپ |
| 1 | يسپانيا | 3 | 2 | 1 | 0 | 6-1 | 7 |
| 2 | يتاليا | 3 | 1 | 2 | 0 | 4-2 | 5 |
| 3 | حورۆاتيا | 3 | 1 | 1 | 1 | 4-3 | 4 |
| 4 | يرلانديا | 3 | 0 | 0 | 3 | 1-9 | 0 |
