بولجام جاساۋ قيىن
سارسەنبى, 13 ماۋسىم 2012 7:15
ۋكراينا جانە پولشا جەرىندە ءوتىپ جاتقان Eۋروپا بىرىنشىلىگى بارشا ەلىمىزدەگى فۋتبول جانكۇيەرلەرى ءۇشىن ۇلكەن توي بولىپ وتىرعانى تۇسىنىكتى. كوپتەن كۇتكەن قۇرلىقتىق دودا كەزىندە اركىم ءوزىنىڭ سۇيىكتى كومانداسىنا جانكۇيەر بولىپ, ناعىز فۋتبول سپەكتاكلدەرىن تاماشالايتىن ءسات تۋدى.
سارسەنبى, 13 ماۋسىم 2012 7:15
ۋكراينا جانە پولشا جەرىندە ءوتىپ جاتقان Eۋروپا بىرىنشىلىگى بارشا ەلىمىزدەگى فۋتبول جانكۇيەرلەرى ءۇشىن ۇلكەن توي بولىپ وتىرعانى تۇسىنىكتى. كوپتەن كۇتكەن قۇرلىقتىق دودا كەزىندە اركىم ءوزىنىڭ سۇيىكتى كومانداسىنا جانكۇيەر بولىپ, ناعىز فۋتبول سپەكتاكلدەرىن تاماشالايتىن ءسات تۋدى.
وسى كۇندەرى قازاقستانداعى كەز كەلگەن اقپارات قۇرالى ەۋرو-2012 تۋرالى كۇندەلىكتى اقپاراتتار تاراتىپ, كۇندىز-ءتۇنى ەفيردە سوعىلعان گولداردى كورسەتىپ, تۇگەل گازەتتىڭ ءبىر بەتىن ارناپ ماقالالار جازىپ, تاڭ اتىسىمەن راديولاردا كەشە تۇندە بولىپ وتكەن ويىنداردىڭ ءناتيجەلەرىن حابارلاۋدا. ءبىر سوزبەن ايتقاندا, وسى كۇندەرى بىزدەر فۋتبولمەن تىنىستاۋدامىز دەسەك, ارتىق ايتقاندىق ەمەس.
الەۋمەتتىك جەلىلەردە, جالپى عالامتور بەتىندە دە, ءبىزدىڭ بايقاۋىمىزشا, بارلىق جاڭالىقتار دا, ءوز پاراقشالارىندا اقپاراتتار جازىپ جاتقان ينتەرنەت بەلسەندىلەرى دە وسى ءدۇبىرلى دوپ دوداسى جايىندا وزدەرىنىڭ كورگەن-بىلگەندەرىن جازىپ قالۋدا. ازىرگە توپتىق كەزەڭنىڭ العاشقى ويىندارى عانا ءوتىپ جاتقاندىقتان, جارىستىڭ نەگىزگى بولىگى الدا دەپ ويلايمىن. قىسقاسى, تويدىڭ كوكەسى ءالى الدا.
العاشقى تۋرلاردىڭ ويىندارىنا قاراپ ايتار بولساق, كۇتپەگەن ناتيجەلەر كەزدەسىپ, ادەمى سوعىلعان گولداردى كورۋدەمىز. جارىس جولى قىسقارا بەرگەن سايىن ويىندارداعى تارتىس تا ودان ءارى كۇشەيە تۇسپەك.
ال ەندى وسى تۋرنيردە كىم جاسىنداي جارقىلداپ كوپ گول سالادى دەگەنگە توقتالاتىن بولساق, ارينە, ەندىگى ەكى گولدان سوعىپ قويعان الان دزاگوەۆ, ماريو ماندجۋكيچ, اندرەي شەۆچەنكو سەكىلدى ويىنشىلاردى ەرەكشە اتاپ وتكەنىمىز ءجون. بىراق, ەڭ كوپ گول سوعىپ, وسى دودانىڭ باس مەرگەنى اتاناتىن ويىنشىلار رەتىندە ءوز باسىم گوللانديالىق روببين ۆان پەرسي مەن اعىلشىندىق ۋەين ءرۋنيدى اتاپ ءوتپەكپىن. ال كىم چەمپيون اتانۋى ىقتيمال دەگەن ساۋالعا گوللانديا مەن انگليا قۇراما كوماندالارىنىڭ ءبىرى دەپ ايتار ەدىم.
ەرمۇحامەد ماۋلەن,
“قازاقستان” ۇلتتىق تەلەارناسىنىڭ سپورت كوممەنتاتورى.
