ويتكەنى بىرىنە ساۋاتتى كادرلار جەتىسپەسە, ەكىنشىلەرىنە قارجى تاپشى, ۇشىنشىلەرى جاساعان بۇيىمدارىن ساتا المايدى. جاقىندا «اتامەكەن» ۇلتتىق كاسىپكەرلەر پالاتاسى مەن ايەلدەر كاسىپكەرلىگى قولداۋ قورىنىڭ باستاماسىنا جەرگىلىكتى ديزاينەرلەر ءۇن قوستى. «ALTYN OIMAQ» بايقاۋىنا قاتىسۋ جەرگىلىكتى ديزاينەرلەرگە كاسىبي ماماندار ورتاسىمەن تانىسۋعا جوداما بەرەدى, ەگەر جەڭىمپاز بولا قالعان جاعدايدا قولىنا تيەتىن 1 ميلليون تەڭگە تاعى بار. ول كاسىبىن, شىعارماشىلىعىن دامىتۋعا تۇرتكى بولادى.
«بۇل بايقاۋ ءبىز ءۇشىن ۇلكەن وقيعا دەسە بولادى. تىگىن ديزاينەرلەرى مەن تىگىنشىلەردىڭ پروبلەمالارى جەتەرلىك. تىگىن قۇرالدارى مەن ماتالار, بىلىكتى تىگىنشىلەر جەتپەيدى, جارناما بەرۋ دە قيىن. «ALTYN OIMAQ» بايقاۋى وسى ماسەلەلەردىڭ شەشىمىن تابۋىنا, ءبىز «made in Kazakhstan» برەندىمەن كيىم كيۋىمىزگە جاسالعان العاشقى قادام دەپ بىلەمىن» دەيدى 27 جىلدان بەرى وسى سالانىڭ ىستىق-سۋىعىنا كۇيىپ جۇرگەن ماليكا تولەمىسوۆا.
وبلىستىق كاسىپكەرلەر پالاتاسىنىڭ ديرەكتورى مۇرات ابەنوۆ سالالىق قاۋىمداستىقتاردىڭ قۇرىلۋى كوپتەگەن پروبلەمالاردىڭ شەشىمىن تابۋىنا كومەك بولاتىنىن ايتادى. وبلىستا بۇگىندە قۇرىلىسشىلار, تۋريستىك, رەستوراندىق جانە قوناق ءۇي بيزنەسى وكىلدەرىنىڭ قاۋىمداستىعى تابىستى جۇمىس ىستەپ جاتىر. ول تىگىن سالاسى كاسىپكەرلەرى قاۋىماستىققا بىرىگىپ جاتسا تەك كومەك بەرەتىنىن مالىمدەدى.
وبلىستاعى ديزاينەرلەر كەڭەسە كەلە «ALTYN OIMAQ» بايقاۋىنا وبلىستان 8 ديزاينەردىڭ قاتىسۋى كەرەك دەپ شەشتى.
