كوماندا ەسەبى تابىلعان امال ما؟
سەيسەنبى, 3 ءساۋىر 2012 8:20
ەلباسى نۇرسۇلتان نازارباەۆ بىلدەي مەكەمەگە بىلىكتى دەپ تاعايىنداعان ازاماتتاردىڭ بارا سالىپ ءوز كومانداسىن جينايتىنىن الدەنەشە رەت سىنعا العان ەدى. بىراق تىزگىن-شىلبىردى قولعا الا سالىپ, بار بيلىك مەندە دەپ توڭىرەگىنە تامىر-تانىسىن, جاقىن-جۇراعاتىن, تاعى باسقالاردى جياتىندار ايىلىن تارتار ەمەس. ەل كورىپ, ءبىلىپ وتىرسا دا پرەزيدەنت ءسوزىن سىرتتاي قابىلداعانمەن, ىشكى ەسەپتەرىنەن جاڭىلماي كەلەدى.
سەيسەنبى, 3 ءساۋىر 2012 8:20
ەلباسى نۇرسۇلتان نازارباەۆ بىلدەي مەكەمەگە بىلىكتى دەپ تاعايىنداعان ازاماتتاردىڭ بارا سالىپ ءوز كومانداسىن جينايتىنىن الدەنەشە رەت سىنعا العان ەدى. بىراق تىزگىن-شىلبىردى قولعا الا سالىپ, بار بيلىك مەندە دەپ توڭىرەگىنە تامىر-تانىسىن, جاقىن-جۇراعاتىن, تاعى باسقالاردى جياتىندار ايىلىن تارتار ەمەس. ەل كورىپ, ءبىلىپ وتىرسا دا پرەزيدەنت ءسوزىن سىرتتاي قابىلداعانمەن, ىشكى ەسەپتەرىنەن جاڭىلماي كەلەدى.
ءبىز كەيدە وزىمىزدە بار جۇمىسشىلاردى اكەلەدى دەپ شەتەلدىكتەرگە رەنىش بىلدىرەتىنىمىز بار. ال ءبىزدىڭ «كومانداشىلار» قازىر ولاردان كەم سوعىپ جۇرگەن جوق. مەكەمە قوجايىنى كەتەدى ەكەن دەسە, ونداعى قىزمەتكەرلەردىڭ ۇرەيى ۇشادى. جاڭا باسشى كەلگەننەن باستاپ جۇمىسىمدا قالدىرا ما الدە سىرعىتىپ جىبەرە مە دەپ ءارى-ءسارى كۇي كەشەدى. مۇندايدا ءىس وڭا ما؟ ءبىرىن كەتىرىپ, ءبىرىن كەلتىرىپ ءجۇرىپ ءوزى تايىپ «جىعىلاتىن» باسشىلار دا جوق ەمەس. ەڭ باستىسى – الگى كەتكەندەر مەن كەلگەندەردىڭ بىلىگى ەلباسىنىڭ بيىلعى جولداۋىندا ايتىلعانداي: «ء…بىلىمى مەن كاسىبيلىگى, جوعارى مورالدىق سيپاتى, باستاماشىلدىعى مەن تاپسىرىلعان ۋچاسكەدەگى جۇمىسىنىڭ تابىستىلىعى ولشەمدەرى» تالاپقا ساي ما دەگەندى سارالاپ كورەتىن ۋاقىت جەتكەن سەكىلدى.
مىسالى, ءبىر مەكەمەنىڭ, نە جوعارى وقۋ ورنىنىڭ باسشىسى اۋىسسا, الىپ كەل, بارىپ كەل دەيتىن «قولبالاسىنان» باستاپ, ءتوڭىرەگى تۇگەل «جاڭارىپ» شىعا كەلەدى. بۇل جەردە قول يىنىنە تارتاتىن باسشى مەن ەرتىپ جۇرەتىن «قوسشىلارىنىڭ» ىشكى باقايەسەپتەرى دە جاتاتىنىن ەكىنىڭ ءبىرى بىلەدى. بۇل اللا الدىندا الالاۋ, وبال-ساۋاپ بار عوي دەمەۋ, ءوز «كوماندام» دەپ ەرىپ كەلگەندەرگە تولىقتاي جاعداي جاساۋ, وسى رەتتە, ءتىپتى, اكەلە سالىپ ءۇي بەرۋ – ساناعا سىيمايتىن ءىس. ال ەڭ قيىنى, سوندايلاردىڭ كەسىرىنەن ەلباسى ايتقان, ماسەلەن, قولجەتىمدى باسپاناعا ناقتى مۇقتاج جانداردىڭ كەيىنگە ىسىرىلىپ, ۇكىلەگەن ءۇمىتى جەلگە ۇشاتىنى وكىنىشتى-اق.
سابان استىنان سۋ جىبەرگەندەي, كەيبىر باسشىلاردىڭ از جۇرتتى وسىلايشا الالايتىنىن ەشكىم جوققا شىعارا الماس. وسى ءبىر كەلەڭسىزدىكتى كورگەندە, كوماندا – ەسەبى تابىلعان امال ما دەۋگە تۋرا كەلەدى-اق.
سۇلەيمەن مامەت.
