چەلاحتىڭ ءىسى قارالۋدا
سەيسەنبى, 20 قاراشا 2012 7:19
كەشە تالدىقورعان قالالىق سوتىنىڭ عيماراتىندا قىلمىستىق ىستەر جونىندەگى مامانداندىرىلعان اۋدانارالىق اسكەري سوتتىڭ سۋدياسى ەربول احمەدجانوۆتىڭ توراعالىعىمەن قازاقستان رەسپۋبليكاسى قىلمىستىق كودەكسىنىڭ 96 بابىنىڭ 2-بولىگىنىڭ «ا, ۆ, د, ك, ن» تارماقتارىندا, 175-بابىنىڭ 2-بولىگىنىڭ «ب» تارماعىندا, 172-ءشى بابىنىڭ 1-ءشى تارماعىندا, 175-بابىنىڭ 2-بولىگىنىڭ «ب, ۆ» تارماقتارىندا, 255-بابىنىڭ 3-بولىگىنىڭ «ا» تارماعىندا, 251-بابىنىڭ 1-بولىگىندە, 387-بابىنىڭ 2-بولىگىندە, 373-بابىنىڭ 2-بولىگىندە, 145-بابىنىڭ 2-بولىگىندە قاراستىرىلعان قىلمىستاردى جاسادى دەپ ايىپتالعان چەلاح ۆلاديسلاۆ ۆالەرەۆيچكە قاتىستى قىلمىستىق ءىس بويىنشا اشىق سوت وتىرىسى ودان ءارى جالعاستى.
سەيسەنبى, 20 قاراشا 2012 7:19
كەشە تالدىقورعان قالالىق سوتىنىڭ عيماراتىندا قىلمىستىق ىستەر جونىندەگى مامانداندىرىلعان اۋدانارالىق اسكەري سوتتىڭ سۋدياسى ەربول احمەدجانوۆتىڭ توراعالىعىمەن قازاقستان رەسپۋبليكاسى قىلمىستىق كودەكسىنىڭ 96 بابىنىڭ 2-بولىگىنىڭ «ا, ۆ, د, ك, ن» تارماقتارىندا, 175-بابىنىڭ 2-بولىگىنىڭ «ب» تارماعىندا, 172-ءشى بابىنىڭ 1-ءشى تارماعىندا, 175-بابىنىڭ 2-بولىگىنىڭ «ب, ۆ» تارماقتارىندا, 255-بابىنىڭ 3-بولىگىنىڭ «ا» تارماعىندا, 251-بابىنىڭ 1-بولىگىندە, 387-بابىنىڭ 2-بولىگىندە, 373-بابىنىڭ 2-بولىگىندە, 145-بابىنىڭ 2-بولىگىندە قاراستىرىلعان قىلمىستاردى جاسادى دەپ ايىپتالعان چەلاح ۆلاديسلاۆ ۆالەرەۆيچكە قاتىستى قىلمىستىق ءىس بويىنشا اشىق سوت وتىرىسى ودان ءارى جالعاستى.
كۇننىڭ ەكىنشى جارتىسىندا سوتتالۋشى ۆ.چەلاح بەكەتتى ورتەگەنىن جانە تاپانشانى ۇرلاعانىن مويىنداپ, تاعىلعان ايىپپەن ءىشىنارا كەلىستى.
وسىدان كەيىن سوت كۋاگەرلەردى سۇراۋعا كىرىستى. ايىپتاۋ جاعى «ارقانكەرگەن» شەكارا بەكەتىنىڭ كۋاگەرلەردىڭ ايتۋلارى بويىنشا قۇراستىرىلعان سىزبا جوسپارىن ۇسىندى.
2484 اسكەري بايلانىس ءبولىمىنىڭ باستىعى جاسۇلان دوسقاەۆ «ارقانكەرگەن» شەكارا بەكەتىندە جۇمىس جاعدايىندا تۇرعان بايلانىستىڭ ءتورت ءتۇرى بولعانىن, بايلانىسشىلاردىڭ بايلانىستى «بايلانىس جونىندەگى وكىمگە» سايكەس جۇزەگە اسىرۋعا ءتيىس بولعانىن حابارلادى.
سول سياقتى «توقجايلاۋ» قىستاۋىندا جاسىرىنىپ جۇرگەن ۆ.چەلاحتى تاپقان اسكەري قىزمەتشىلەر, ىزدەۋ توبىنىڭ ءمۇشەلەرى دە تىڭدالدى. ولاردىڭ ايتۋلارىنشا, توڭىرەكتى سۇزە ءجۇرىپ, ولار قىستاق ىشىنەن جۇمىس ىستەپ تۇرعان تەلەديدار داۋىسىن ەستىگەن, سودان سوڭ جاقىن كەلىپ, تەرەزەدەن ىشكە تۇسكەن. اسكەري قىزمەتشىلەر ۇستىندە سپورتتىق كيىمى بار چەلاحتىڭ ەدەندە, كەرەۋەت استىندا جاتقانىن كورگەن. قىستاقتى قاراعان كەزدە شەكارا بەكەتىنەن جوعالىپ كەتكەن زارداپ شەككەندەردىڭ دۇنيە-م ۇلىكتەرى (نوۋتبۋك, ۇيالى تەلەفوندار, ت.ب.) تابىلعان. چەلاحتى ۇستاپ, شەكارا زاستاۆاسىنا جەتكىزگەن.
العاشقى كۇنى سوت 7 كۋاگەردى تىڭدادى. اشىق سوت وتىرىسى بۇگىن ودان ءارى جالعاسۋدا.
«ەگەمەن-اقپارات».
