اتتەستاتتاۋ
جۇما, 2 قاراشا 2012 7:09
سۇرىنگەندەر دە بار
ەلباسىنىڭ «قازاقستان رەسپۋبليكاسى قۇقىق قورعاۋ ورگاندارى قىزمەتكەرلەرىن كەزەكتەن تىس اتتەستاتتاۋدان وتكىزۋ تۋرالى» جارلىعىنا سايكەس, الماتى وبلىستىق پروكۋراتۋرا قىزمەتكەرلەرى سىناق تاپسىردى. بۇل جايىندا تالدىقورعاندا جۋرناليستەرمەن ءوتكەن ءباسپاسوز بريفينگىندە وبلىس پروكۋرورى عابيت ميرازوۆ «پروكۋراتۋرا ورگاندارى قىزمەتكەرلەرىن كەزەكتەن تىس اتتەستاتتاۋدان وتكىزۋ كەزىندە نەگىزگى باعالاۋ ءولشەمدەرى قىزمەتكەرلەردىڭ قابىلەتتەرىن, ولارعا جۇكتەلگەن ءمىندەتتەردى ورىنداۋ جانە جۇمىس ءناتيجەلەرى, سونىمەن بىرگە تەوريالىق بىلىمدەرىنىڭ, تاجىريبەلىك بىلىكتىلىكتەرىنىڭ دەڭگەيىن انىقتاۋ بولىپ تابىلدى. ەرەجەگە ءسايكەس زاڭنامانى بىلۋىنە كومپيۋتەرلىك سىناق, پسيحولوگيالىق تۇراقتىلىق سىناقتاماسى, اڭگىمەلەسۋ بويىنشا ءۇش كەزەڭنەن تۇردى.
جۇما, 2 قاراشا 2012 7:09
سۇرىنگەندەر دە بار
ەلباسىنىڭ «قازاقستان رەسپۋبليكاسى قۇقىق قورعاۋ ورگاندارى قىزمەتكەرلەرىن كەزەكتەن تىس اتتەستاتتاۋدان وتكىزۋ تۋرالى» جارلىعىنا سايكەس, الماتى وبلىستىق پروكۋراتۋرا قىزمەتكەرلەرى سىناق تاپسىردى. بۇل جايىندا تالدىقورعاندا جۋرناليستەرمەن ءوتكەن ءباسپاسوز بريفينگىندە وبلىس پروكۋرورى عابيت ميرازوۆ «پروكۋراتۋرا ورگاندارى قىزمەتكەرلەرىن كەزەكتەن تىس اتتەستاتتاۋدان وتكىزۋ كەزىندە نەگىزگى باعالاۋ ءولشەمدەرى قىزمەتكەرلەردىڭ قابىلەتتەرىن, ولارعا جۇكتەلگەن ءمىندەتتەردى ورىنداۋ جانە جۇمىس ءناتيجەلەرى, سونىمەن بىرگە تەوريالىق بىلىمدەرىنىڭ, تاجىريبەلىك بىلىكتىلىكتەرىنىڭ دەڭگەيىن انىقتاۋ بولىپ تابىلدى. ەرەجەگە ءسايكەس زاڭنامانى بىلۋىنە كومپيۋتەرلىك سىناق, پسيحولوگيالىق تۇراقتىلىق سىناقتاماسى, اڭگىمەلەسۋ بويىنشا ءۇش كەزەڭنەن تۇردى. وبلىس پروكۋراتۋراسىنىڭ باسشىلىعى مەنى قوسقاندا ءتورت قىزمەتكەر اتتەستاتتاۋدى پرەزيدەنت جانىنداعى جوعارى اتتەستاتتاۋ كوميسسياسىنان ءوتىپ, لاۋازىمدارىمىزعا سايكەستىگى تۋرالى شەشىم قابىلداندى. ورتالىق اتتەستاتتاۋ كوميسسياسىندا وبلىس پروكۋراتۋراسىنىڭ باسشىلىق قۇرامىنداعى 28 قىزمەتكەر ءوتتى. ونىڭ ءۇشىنشى كەزەڭىندە 230 قىزمەتكەرمەن اڭگىمە جۇرگىزىلىپ, 209 قىزمەتكەر وتسە, 21 قىزمەتكەر ءسۇرىندى» دەدى.
نۇربول الدىباەۆ,
«ەگەمەن قازاقستان».
الماتى وبلىسى.
__________________
اياقتالىپ كەلەدى
باس پروكۋراتۋرانىڭ ورتالىق اتتەستاتتاۋ كوميسسياسى ارقىلى وتۋگە ءتيىستى قىزمەتكەرلەردى ساراپتاۋ اياقتالىپ كەلەدى. ورتالىق اتتەستاتتاۋ كوميسسياسىنان پروكۋراتۋرا ورگاندارىنىڭ بارلىعى 755 قىزمەتكەرى ءوتۋى كەرەك بولعان, ولاردىڭ 38-ءى نەمەسە 5 پايىزى جۇمىستان كەتۋلەرىنە, سونىڭ ءىشىندە 21 ادام قىزمەت مەرزىمىنىڭ اياقتالۋىنا, 2 قىزمەتكەر باسقا قىزمەتكە اۋىسۋىنا بايلانىستى اتتەستاتتاۋدان وتكەن جوق. 3 قىزمەتكەر جۇكتىلىگىنە بايلانىستى بوساتىلدى. سوندا بارلىعى 712 قىزمەتكەر اڭگىمەلەسۋگە جىبەرىلدى, ولاردىڭ ىشىندە اتتەستاتتاۋدان ءوتىپ, اتقارىپ وتىرعان قىزمەتىنە لايىقتى دەپ تانىلعانى – 637 نەمەسە 89,5 پايىز, ال 75 قىزمەتكەر نەمەسە 10,5 پايىزى اتقارىپ وتىرعان قىزمەتىنە لايىق ەمەس دەپ تانىلىپ: 57 قىزمەتكەرگە, سونىڭ ءىشىندە تەستىلەۋ كەزىندە ءتومەن باعا العان 3 قىزمەتكەرگە قىزمەتىن ءتومەندەتۋگە; 15 قىزمەتكەرگە باسقا جۇمىسقا اۋىسۋىنا; 3 قىزمەتكەردى پروكۋراتۋرا ورگانىنان بوساتۋعا ۇسىنىس جاسالدى. وبلىستاردا جانە استانا, الماتى قالالارىندا وڭىرلىك اتتەستاتتاۋ كوميسسياسى پروكۋراتۋرا ورگاندارىنىڭ قىزمەتكەرلەرىن كەزەكتەن تىس اتتەستاتتاۋدىڭ ءۇشىنشى كەزەڭىن وتكىزۋ بويىنشا جۇمىستارعا كىرىسىپ كەتتى, دەپ حابارلادى باس پروكۋراتۋرانىڭ باسپاسوز قىزمەتى.
