ەسىل وزەنىنىڭ سۋى ارناسىنان اسۋى سالدارىنان چەليابى-ءنوۆوسىبىر باعىتىنداعى رەسپۋبليكالىق ماڭىزى بار تراسسانىڭ كەي بولىگىن قارعىن سۋ شايىپ كەتتى. جۇرگىنشىلەر ەندى اينالما جولمەن قاتىناۋعا ءماجبۇر. قاۋىپتى ايماقتار توتەنشە جاعدايلار جونىندەگى دەپارتامەنت ماماندارىنىڭ باقىلاۋىندا.
ەسىل وزەنىنىڭ سۋ دەڭگەيى ءبىر تاۋلىكتە 12 سانتيمەترگە دەيىن كوتەرىلىپ, نوۆونيكولسكوە ەلدى مەكەنىن جالعاستىراتىن كوپىر سۋ استىندا قالدى.پوكروۆكا, نيكولاەۆكا جانە ورنەك اۋىلدارىن دا سۋ باسۋ ىقتيمالدىعى باسىم.
«اقمولا وبلىسى جاعىنان ارتىق سۋدىڭ جىبەرىلۋى سەبەپتى سەرگەەۆ سۋ قويماسىندا سۋ دەڭگەيى 880 سانتيمەترگە جەتتى. 790 ميلليون تەكشە مەتر سۋ جينالدى»,دەيدى «قازگيدرومەت» رمم سقوف-نىڭ ديرەكتورى قىمبات مەرعاليموۆا.
پەتروپاۆلداعى سۋ تورابى دا لىقا تولىپ تۇر. ساياجايلاردى سۋ الىپ, زارەچنىي كەنتىنە تاقاۋ قالدى.
وبلىستىق توتەنشە جاعدايلار دەپارتامەنتىنىڭ باستىعى راميل كامالوۆتىڭ ايتۋىنشا, ول ايماقتاتارتىپ ساقشىلارى تاۋلىك بويى كەزەكشىلىك ەتەدى. رەسپۋبليكالىق ماڭىزى بار جولدى سۋ شايسا, اينالما جول پايدالانىلادى. بايلانىس ۇزىلمەيدى. «ەلەگيا», «ەلەكترون» ساياجايلارى دا سۋ استىندا قالۋى ىقتيمال. جىلدا كوكتەمگى سۋ تاسقىنىنان زارداپ شەگەتىن بىلعارى تەرى زاۋىتى ىقشاماۋدانىنىڭ تۇرعىندارىنا بيىل الاڭداۋعا نەگىز جوق. بىلتىرلارى تۇرعىزىلعان بوگەن كەز كەلگەن قاۋىپ-قاتەرگە توتەپ بەرە الادى.
زارەچنىي كەنتىنە جاقىن اۆتوجولدا كولىكتەردىڭ جۇرۋىنە شەكتەۋ قويىلدى.
سولتۇستىك قازاقستان وبلىسى
