قازىرگى تاڭدا وبلىستىق قوعامدىق كەڭەس 38 قوعام قايراتكەرىن, ساياسي پارتيا فيليالدارىنىڭ باسشىلارىن, ەڭبەك ارداگەرلەرى مەن عالىمداردى بىرىكتىرەدى. ۇيىمنىڭ جانىنان ءتۇرلى باعىت بويىنشا التى تۇراقتى كوميسسيا قۇرىلدى.
«بۇگىن رەسمي باسىلىمدا ءوڭىردى دامىتۋ جوسپارى جاريالاندى. بۇل جوسپار تۇرعىنداردىڭ ۇسىنىستارى مەن الەۋمەتتىك زەرتتەۋلەردىڭ ناتيجەلەرىنە نەگىزدەلگەن. مەن وسى قۇجاتتا قاراستىرىلعان وبلىستى دامىتۋ شارالارىنا قاتىستى ۇسىنىستارىڭىز بەن ويلارىڭىزدى ەستىگىم كەلەدى»,- دەدى كەزدەسۋدى اشقان وڭداسىن ورازالين.
كەڭەس مۇشەلەرى اۋىلداردى گازداندىرۋ, بيۋدجەت قاراجاتىن ۇنەمدەۋ, جول قۇرىلىسى, اۋىل شارۋاشىلىعىن, كاسىپكەرلىك پەن ۇكىمەتتىك ەمەس ۇيىمداردى دامىتۋ بويىنشا بىرقاتار ۇسىنىستار ەنگىزدى.
«وسى كەزدەسۋگە باستاماشىلىق ەتكەنىڭىز ءۇشىن العىس ايتامىز.ء بىز ىنتىماقتاس بولىپ, بيلىك پەن قوعام اراسىنداعى قارىم-قاتىناستىڭ ءتيىمدى ارناسى بولۋعا دايىنبىز»,- دەدى كەڭەس توراعاسى, مەملەكەتتىك قىزمەت ارداگەرى باعلان بايماعمبەتوۆ.
كەزدەسۋ سوڭىندا وبلىس اكىمى قوعامدىق كەڭەس الدىنا وزەكتى الەۋمەتتىك پروبلەمالاردىڭ جاڭا شەشىمدەرى جانە جاستارمەن تاربيە جۇمىستارىن جۇرگىزۋدى كۇشەيتۋ سىندى بىرقاتار مىندەتتەر قويدى.
