جيىن بارىسىندا مينيسترلەر كوپ بالالى وتباسىلاردىڭ الەۋمەتتىك جاعىنان قورعالۋى, تۇرعىن ۇيمەن قامتۋ, دەنساۋلىق, ءبىلىم ماسەلەلەرىن تالقىلادى.
گۇلشارا ابدىحالىقوۆانىڭ ايتۋىنشا 2019 جىلدىڭ 1 شىلدەسىنەن باستاپ, مۇگەدەك بالاسى بار اتا-اناعا كۇتىم ءۇشىن جاردەماقى 31 183 تەڭگەدەن 41 578 تەڭگەگە وسكەن. تومەنگى جالاقى الۋشىلاردىڭ جالاقىسىنا قوسىلىپ, كوپ بالالى وتباسىلارعا جالعا ءۇي بەرىلەتىن بولماق. كوپ بالالىلار قاتارىنان 906 وتباسى شقو-دا باسپاعا ءزارۋ. 2025 جىلعا دەيىن بۇنداي وتباسىلارعا جەڭىلدىكپەن 2 پايىزدىق نەسيەمەن پاتەر بەرىلەدى نە بولماسا ءومىر باقي جالعا الىپ تۇرۋ ءۇشىن باسپانالار بەرىلۋى تۋرالى, ەكى ءتۇرلى نۇسقاداعى ۇلگىسى بار باعدارلاما بەكىتىلگەن ەكەن.
ايتا كەتۋ كەرەك, قازاقستاندا قازىرگى ۋاقىتتا تۇرعىن ءۇي قۇرىلىسى قارقىن الىپ وتىر. ءبىر عانا سەمەيدەگى قاراعايلى اۋدانىندا 25 كوپپاتەرلى ءۇي سالىنىپ, جاقىن ارالىقتا پايدالانۋعا بەرىلمەك. الداعى ۋاقىتتا بۇل جەردە 100 كوپپاتەرلى ءۇي سالىنباق.
ينۆەستيتسيا جانە دامۋ مينيسترلىگىنىڭ تۇرعىن ءۇي كوممۋنالدى شارۋاشىلىق جانە قۇرىلىس جونىندەگى كوميتەت توراعاسى مارحابات جايىمبەتوۆتىڭ ايتۋىنشا, قالاي دەسەك تە, جاڭا پاتەرگە كەز كەلگەننىڭ قولى تەز ارادا جەتە بەرمەيتىنى انىق. اسىرەسە, جالعىز باستى انالار, كوپ بالالى وتباسىلار جانە مۇگەدەك بالاسى بار وتباسىلار باسپاناعا ءزارۋ. ەڭ الدىمەن سولارعا جاعداي جاساۋ قاجەت.
ال ءبىلىم جانە عىلىم ءمينيسترى كۇلاش شامشيدينوۆانىڭ ايتۋىنشا, بۇگىندە ءۇش اۋىسىمدا وقىپ جاتقان مەكتەپتەرگە باستى نازار اۋدارۋ كەرەك. ولاردىڭ كوپشىلىگى اپاتتى ەسكىرگەن عيماراتتاردا وقىپ جاتىر. تاۋەلسىزدىك العان جىلدارى ەلىمىزدە 1672 مەكتەپ سالىنعان. 2020-2021 جىلدارى 190 مەكتەپ سالىنادى. بيىل شىعىس قازاقستان بويىنشا ەكى مەكتەپ سالىنىپ, پايدالانۋعا بەرىلمەك.
حالىق دەنساۋلىعى سالاسىنداعى وڭ وزگەرىستەر تۋرالى مينيستر ەلجان ءبىرتانوۆ بىلاي دەدى:
- پرەزيدەنت تاپسىرماسىنا وراي ەمحانالاردا العاشقى جاردەم قىزمەتىن ساپالى جولعا قويۋىمىز قاجەت. بۇگىندە مەديتسينا ماماندارى جەتىسپەي جاتىر. اسىرەسە, دارىگەرلەر. ءبىزدىڭ ەلدىڭ مەديتسينا ۋنيۆەرسيتەتتەرى جەتكىلىكتى تۇردە دارىگەرلەر دايارلاپ جاتسا دا, دارىگەرلەر جالاقى ازدىعىنان جەكەمەنشىك بىرەۋلەرگە كەتەدى. نە بولماسا, باسقا ماماندىققا اۋىسۋعا ءماجبۇر. بيىل شىعىس قازاقستان وبلىسى بويىنشا 22 مىڭ مەديتسينا قىزمەتكەرى جالاقىلارىنا ۇستەماقى الاتىن بولماق. ەگەر بۇرىندارى ءبىر دارىگەردىڭ جۇكتەمەسىنە 3000 پاتسيەنت كەلسە, ەندى ونى 1700-گە ازايتپاق.
جۇمىس ساپارى بارىسىندا مينيسترلەر توبى قالاداعى مەكتەپتەردى, كوللەدجدەردى دە ارالادى.
راۋشان نۇعمانبەكوۆا
«ەgemen Qazaqstan»
سەمەي
