سايىسقا وزبەكستاننان, نۇر-سۇلتان, الماتى, شىمكەنت قالالارىنان, اقتوبە, قوستاناي, قاراعاندى جانە وبلىسىمىزدان مانەرلەپ سىرعاناۋشىلار كەلگەن. بايراقتى باسەكەدە 8 كوماندا, 150-گە جۋىق سپورتشى باق سىناستى.
– مانەرلەپ سىرعاناۋ – سپورتتىڭ ەڭ ادەمى ءتۇرى. بۇل جەردە نازىكتىك, ەرەكشە دارىن, شەبەرلىك قاجەت. ءبىزدىڭ ەلدە اتالعان سپورتتىڭ دامۋىنا جاعداي جاسالعان. وسى كۇنى 50-دەن اسا جاس وزدەرىن ەليزابەتتىڭ ءىزباسارلارى ساناپ, مانەرلەپ سىرعاناۋعا ماشىقتانۋدا. بۇگىنگى شارا قاتىسۋشىلارىنىڭ كوپتىگى وسىنىڭ ايعاعى, – دەدى وبلىس اكىمىنىڭ ورىنباسارى رۋسلان رۇستەموۆ.
جارىستىڭ اشىلۋ سالتاناتىندا جەرگىلىكتى ونەرپازدار ءان شىرقاپ, مەرەكەلىك كوڭىل-كۇي سىيلادى. مۇز ايدىنىنا ەليزابەت شىققاندا جۇرت ەرەكشە ىقىلاس تانىتتى. قارشاداي عانا قازاق قىزىنىڭ شىعار بيىگى كوپ ەكەندىگىنە تىلەكتەستىكتەرىن ءبىلدىردى.
قىزىلوردا وبلىسى
