ساياسات • 19 ءساۋىر، 2019

سايلاۋ-2019: كانديداتتىڭ قازاق ءتىلىن جەتىك مەڭگەرگەنىن انىقتايتىن عالىمدار بەلگىلى بولدى

859 رەت كورسەتىلدى

بۇگىن قر ورتالىق سايلاۋ كوميسسياسى جانىنان 2019 جىلدىڭ 9 ماۋسىمىندا وتەتىن قر پرەزيدەنتىنىڭ كەزەكتەن تىس سايلاۋىندا قر پرەزيدەنتتىگىنە كانديداتتاردىڭ مەملەكەتتىك تىلدە ەركىن مەڭگەرگەنىن انىقتايتىن لينگۆيستيكالىق كوميسسيا قۇرىلىپ، ونىڭ مۇشەلەرى بەكىتىلدى. بۇل تۋرالى قازاقپارات حاا حابارلادى.

«سايلاۋ جاريالانعاننان كەيىن ورتالىق سايلاۋ كوميسسياسى ءبىلىم مينيسترلىگىمەن، جەتەكشى وقۋ ورىندارىنىڭ رەكتورلارىمەن بىرنەشە كەڭەس وتكىزدى. وسى كەڭەستەردىڭ قورىتىندىسىندا ورتالىق سايلاۋ كوميسسياسىنىڭ جانىنان قۇرىلاتىن لينگۆيستيكالىق كوميسسيانىڭ قۇرامىنا  مىنا ازاماتتاردى ۇسىنامىن: مىرزاتاي جولداسبەكوۆ - فيلولوگيا عىلىمدارىنىڭ دوكتورى، پروفەسسور، قر ۇعا اكادەميگى، ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى تۇركولوگيا كافەدراسىنىڭ مەڭگەرۋشىسى; ءادىل احمەتوۆ -  فيلولوگيا عىلىمدارىنىڭ دوكتورى، پروفەسسور، حالىقارالىق جوعارى مەكتەپ عىلىم اكادەمياسىنىڭ اكادەميگى; عاريفوللا  ەسىم - فيلوسوفيا عىلىمدارىنىڭ دوكتورى، پروفەسسور، قر ۇعا اكادەميگى; سەرىك قاسقاباسوۆ - فيلولوگيا عىلىمدارىنىڭ دوكتورى، پروفەسسور، قر ۇعا اكادەميگى، ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى قازاق ادەبيەتى كافەدراسىنىڭ مەڭگەرۋشىسى; گۇلتاس قۇرمانباي - فيلولوگيا عىلىمدارىنىڭ دوكتورى، پروفەسسور، نازارباەۆ ۋنيۆەرسيتەتى جانىنداعى «رۋحاني جاڭعىرۋ» مادەني ورتالىعىنىڭ ديرەكتورى; ەردەن قاجىبەك - فيلولوگيا عىلىمدارىنىڭ دوكتورى، پروفەسسور، قر ۇعا كوررەسپوندەنت-مۇشەسى، ا.بايتۇرسىن ۇلى اتىنداعى ءتىل ءبىلىمى ينستيتۋتىنىڭ ديرەكتورى. بۇل ازاماتتاردىڭ بارلىعى دا قازاق ءتىلى مەن ادەبيەتى سالاسىنداعى عالىمدار» دەدى كوميسسيا مۇشەلەرىنىڭ ءتىزىمىن جاريا ەتكەن قر ورتالىق سايلاۋ كوميسسياسىنىڭ مۇشەسى ءلاززات سۇلەيمەن. ونىڭ اتاپ وتۋىنشە، لينگۆيستيكالىق كوميسسيانىڭ وتىرىسى اشىق جانە جاريالى تۇردە وتەتىن بولادى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار