ايماقتار • 19 ءساۋىر، 2019

تۇركىستان وبلىسىندا 160-قا جۋىق ۇلگىلى اۋىل پايدا بولادى

792 رەت كورسەتىلدى

ەلباسىمىز «Nur Otan» پارتياسىنىڭ كەزەكتى XVIII سەزىندە «اۋىل – ەل بەسىگى» جوباسىن جۇزەگە اسىرۋعا 90 ملرد. تەڭگە ءبولۋدى تاپسىردى. وسىعان وراي، قازاقستان رەسپۋبليكاسىنىڭ ۇلتتىق ەكونوميكا مينيسترلىگى تاراپىنان رەسپۋبليكا بويىنشا جالپى 1753 پەرسپەكتيۆتى ەلدى مەكەننىڭ تىزبەسى انىقتالىپ، ونىڭ ىشىندە تۇركىستان وبلىسىنان 159 ەلدى مەكەن ەنىپ وتىر. بۇل تۋرالى تۇركىستان قالاسىندا «Nur Otan» پارتياسى وبلىستىق فيليالىنىڭ كەزەكتەن تىس حححVIII كونفەرەنتسياسىندا وبلىس اكىمىنىڭ ورىنباسارى ەربول سادىر مالىمدەدى.

«Nur Otan» پارتياسى ۇيىمداستىرعان كونفەرەنتسياعا پارتيا توراعاسىنىڭ ءبىرىنشى ورىنباسارى ن.جولداسوۆ پەن وبلىستىق ءماسليحات حاتشىسى ق.بالابيەۆ پەن ءماسليحات دەپۋتاتتارى جانە باستاۋىش پارتيا ۇيىمدارى مەن «جاس وتان» جاستار قاناتىنىڭ مۇشەلەرى، بۇقارالىق اقپارات قۇرالدارىنىڭ وكىلدەرى قاتىستى.

جيىن بارىسىندا پارتيا توراعاسى ن.نازارباەۆتىڭ پارتيانىڭ كەزەكتى XVIII سەزىندە بەرگەن تاپسىرمالارىن – «حالىققا كومەك»، «باقىتتى وتباسى»، «اۋىل – ەل بەسىگى»، «قۇتتى مەكەن» ۇلتتىق جوبالارىن ىسكە اسىرۋ بارىسى مەن  «نۇر وتان» پارتياسىنىڭ كەزەكتى ءحىح سەزىنە دەلەگاتتارىن سايلاۋ تۋرالى ماسەلەلەر قارالدى.

بايانداما بارىسىندا وبلىس اكىمنىڭ ورىنباسارى ەربول سادىر  پارتيا سەزىندە ۇسىنىلعان «باقىتتى وتباسىن» جۇزەگە اسىرۋ تۋرالى مىندەت جۇكتەلگەنىن ايتىپ. وسى باعىتتا «Nur Otan» پارتيياسىنىڭ وبلىستىق فيليالالىمەن بىرلەسىپ، كوپبالالى وتباسىلارعا قولداۋ كورسەتۋ شارالارىن جانداندىرۋ كەرەكتىگىن ايتتى.

 «پارتيا سەزىندە «باقىتتى وتباسى»، «حالىققا كومەك»، «اۋىل – ەل بەسىگى» جانە «قۇتتى مەكەن» جوبالار ۇسىنىلعان بولاتىن. بۇگىندە ول باعىتتا جۇمىستار باستالىپ كەتتى. بۇل جوبالاردا ەلدىڭ الەۋمەتتىك جاعدايىن كوتەرۋ، وڭىرلەردى دامىتۋ، ءىرى قالالاردان باستاپ، ەلدى مەكەندەردى تۇلەتۋ شارالارى قامتىلعان. 2019 جىلى وبلىسىمىزدا جوبا اياسىندا ءىس-شارالاردى ىسكە اسىرۋ ءۇشىن رەسپۋبليكالىق بيۋدجەتتەن 3 669،4 ملن. تەڭگە ءبولىنىپ، وبلىس بويىنشا 6 ەلدى مەكەن: بايدىبەك اۋدانى بايدىبەك اتا ەلدى مەكەنى، قازىعۇرت اۋدانى قىزىلقيا ەلدى مەكەنى، وتىرار اۋدانى قوعام ەلدى مەكەنى، سارىاعاش اۋدانى بەرەكە ەلدى مەكەنى، كەلەس اۋدانى اباي جانە كەنتاۋ قالاسى ىنتىماق ەلدى مەكەندەرىن قارجىلاندىرۋ جوسپارلانۋدا» دەدى ە.سادىر.

جيىندا 23 ءساۋىر كۇنى نۇر-سۇلتان قالاسىندا وتەتىن «Nur Otan» پارتياسىنىڭ كەزەكتى ءحىح سەزىنە قاتىسۋشى دەلەگاتتار سايلاندى.

 «Nur Otan» پارتياسى تۇركىستان وبلىستىق فيليالىنىڭ ءباسپاسوز-قىزمەتى

سوڭعى جاڭالىقتار

ۇقساس جاڭالىقتار