اتالعان باسقوسۋعا وڭىردەگى «Jas Otan» جاستار قاناتىنىڭ بولىمشە جەتەكشىلەرى, جاستار ءىسى جونىندەگى كوميتەت جەتەكشىلەرى, ۇكىمەتتىك ەمەس ۇيىم مۇشەلەرى قاتىسىپ, ءوز ويلارىن ورتاعا سالدى.
كەزەكتەن تىس وتكىزىلگەلى وتىرعان پرەزيدەنت سايلاۋىنىڭ ەلىمىز ءۇشىن, ونىڭ ىشىندە جاستار ءۇشىن ماڭىزدى ەكەنىن ايتقان «Nur Otan» پارتياسى جامبىل وبلىستىق فيليالى «Jas Otan» جاستار قاناتىنىڭ توراعاسى ۋاليحان بولاتبەك بارلىق جاستاردى ەلىمىز ءۇشىن ماڭىزدى ساياسي وقيعاعا ءبىراۋىزدان قاتىسۋعا شاقىردى.
«ەلدىڭ بولاشاعىن ويلاعان ءاربىر جاس بۇل سايلاۋعا قاتىسىپ, ءوز كانديداتىنا داۋىس بەرۋى كەرەك. ەلىمىزدىڭ دامۋىنا ءوز ۇلەسىن قوسۋ ءار جاستىڭ باستى ماقساتى, ساياسي قۇندىلىعى بولۋ كەرەك دەپ ويلايمىن. ەڭ ماڭىزدىسى – تۇراقتىلىقتى ساقتاۋدا, تاريحي قۇنىدىلىقتاردى ناسيحاتتاۋدا, دەموكراتيالىق پرينتسيپتەردى قالىپتاستىرۋدا جاستار الدىڭعى قاتاردا بولۋ كەرەك دەپ ەسەپتەيمىن. بۇل سايلاۋ جاستاردىڭ بەلسەنە قاتىسىپ, ءوز بولاشاقتارىنا نىق قادام جاساۋعا مۇمكىندىك دەپ ويلامىن», دەيدى ول. سونىمەن قاتار, تاراز قالالىق ءماسليحاتىنىڭ دەپۋتاتى سەرىكبول بەرىكقوجا «پرەزيدەنتتىك سايلاۋ – قازاقستاندىق جاستاردىڭ قارىشتاپ دامۋىنا, وسۋىنە جانە ساياسي جاعدايعا بەيىمدەلۋىنىڭ باستى كەپىلى» تاقىرىبىندا ءسوز سويلەپ, جاستاردى جاۋاپتى ساياسي ناۋقانعا بەلسەنە قاتىسۋعا ۇندەدى.
