ايماقتار • 19 ءساۋىر، 2019

تۇركىستان: كەنتاۋدا قۇرعاق ءسۇت وڭدەيتىن ءوندىرىس تسەحى اشىلادى

831 رەت كورسەتىلدى

«تۇران» شارۋا قوجالىعى تاۋلىگىنە 40 توننا ءونىم وڭدەۋگە قاۋقارلى. 15-16 توننا سيىر ءسۇتىن قابىلداپ، ودان ءسۇت ونىمدەرىنىڭ بارلىق ءتۇرىن شىعارادى. بۇل تۋرالى تۇركىستان وبلىسى اكىمنىڭ ءباسپاسوز قىزمەتى حابارلادى.

تۇركىستان وبلىسى كەنتاۋ قالاسى قاراشىق اۋىلدىق وكرۋگىندە اۋىلشارۋاشىلىق جۇمىستارى قارقىندى.  اتاپ ايتقاندا مۇندا «تۇران» شارۋا قوجالىعىنىڭ اتقارعان جۇمىستارى اۋقىمدى. اتالمىش  شارۋاقوجالىق 1994 جىلى قۇرىلعان. بۇگىندە شارۋا قوجالىقتا ءجىپ وڭدەۋ جانە ماقتا ماي تسەحى مەن ءسۇت وڭدەيتىن تسەح جۇمىس ىستەيدى. قوجالىققا قاراستى ءسۇت زاۋىتىندا ءسۇت ونىمدەرىنىڭ بارلىق ءتۇرى شىعارىلادى.  كاسىپورىن تاۋلىگىنە 40 توننا ءونىم وڭدەۋگە قاۋقارلى. 15-16 توننا سيىر ءسۇتىن قابىلداپ، ودان ءسۇت ونىمدەرىنىڭ بارلىق ءتۇرىن شىعارادى.

سونىمەن قاتار، تامشىلاتىپ سۋارۋعا پايدالاناتىن قۇبىر تسەحى جۇمىس ىستەيدى. سونداي-اق، شارۋاقوجالىق جىل سايىن 30 ميلليونعا دەيىن تابىس كوزىن تابۋدا. جوعارى دەڭگەيدەگى  ەليتالىق ءشيتتى تۇقىمىن جىلىنا 430 تونناعا دەيىن جەتكىزىپ وتىر. قوجالىق يەسى  2018 جىلى 413 گەكتار جەرگە ءشيتتى ماقتا ونىمدەرىن ەگىپ جوعارى ءونىم العانىن ايتۋدا.

«الداعى ۋاقىتتا گەرمانيا مەملەكەتىندە ورنالاسقان «Textima Export Import GmbH»  فيرماسىنان جالپى قۇنى 3 ميلليون اقش دوللار تۇراتىن ءجىپ يگەرۋ جابدىقتارىن اكەلىپ ورناتۋدى  جوسپارلاپ وتىرمىن.  شارۋا قوجالىقتا ارنايى تەحنيكالار تۇراتىن ورىن بار.  بۇگىنگى تاڭدا 23 تراكتور، ونىڭ 4 متز – 1221 جانە 3 John Deere ماقتا جيناۋ كومباينى بار.  قۇرعاق ءسۇت وڭدەيتىن ءوندىرىس تسەحىنىڭ قۇرىلىس جۇمىستارى تولىعىمەن اياقتالدى. قازىر وعان قاجەتتى حالىقارالىق ستاندارتتارعا سايكەس كەلەتىن قوندىرعىلارمەن جابدىقتالۋ ۇستىندە.  تاياۋ كۇندەرى ىسكە قوسىلاتىن بولادى» ، – دەدى «تۇران» شارۋا قوجالىعىنىڭ توراعاسى حابيبۋللا  ازيموۆ.

«تۇران» شارۋاقوجالىعى 50-60 جاس ارالىعىنداعى اۋىل تۇرعىندارىن جۇمىسپەن قامتىپ وتىر. بيىل قوجالىققا 170 باس اسىلتۇقىمدى سەممەنتال تۇقىمدى ءىرى قاراسىن ءوسىرۋدى قولعا العان.  اۋىلدىڭ الەۋمەتتىك جاعدايىن، تۇرعىنداردىڭ تۇرمىسىن تۇزەۋ ءۇشىن جانە ءسۇت ونىمدەرىن ارتتىرۋ ماقساتىندا ىقم-دى كاسىپكەر اۋىل تۇرعىندارىنا نەسيە جولىمەن كومەك بەرىلىپ جاتىر. ال،  تۇرعىندار بولسا، مالدىڭ قۇنىن كاسىپكەرگە 3 جىلدىڭ ىشىندە ءسۇت ارقىلى وتەپ بەرەتىن بولادى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار