ساپار بارىسىندا ولار قالانىڭ سول جاعالاۋىنداعى قۇرىلىس بارىسىمەن جانە احۋالدىق ورتالىقتىڭ جۇمىسىمەن تانىسىپ, ايماقتىق IT-پارك پەن قىزىلوردا وبلىستىق ولكەتانۋ مۇراجايىندا بولدى.
قىزىلوردا وبلىسىنىڭ اكىمى ق.كوشەرباەۆپەن كەزدەسۋ بارىسىندا ءتۇرلى سالالارداعى ىنتىماقتاستىق پەرسپەكتيۆالارى تالقىلاندى.
- سىزدەردىڭ وڭىرلەرىڭىزدى ارالاپ كورگەندەگى اسەرىم وتە جاقسى. قالانىڭ دامۋ قارقىنى, بولاشاعى مىقتى ەكەنىن اڭعاردىم. وبلىس اكىمى ايماقتىڭ مەكتەپ تۇلەكتەرى رەسەيلىك جوعارى وقۋ ورىندارىندا ءبىلىم الىپ جاتقانىن ايتتى. ايماق باسشىلىعى حالىقتىڭ ءومىرىن جاقسارتۋعا تىرىساتىنى ايقىن كورىنەدى, – دەدى رف الماتىداعى باس كونسۋلى ەۆگەني بوبروۆ.
ال, تاجىكستاننىڭ الماتىداعى باس كونسۋلى باحودۋر نازير:
- وبلىس اكىمىمەن كەزدەسۋدە ءبىز ىنتىماقتاستىقتىڭ بىرقاتار ماڭىزدى ماسەلەلەرىن تالقىلادىق. الداعى ۋاقىتتا ەكى ەلدىڭ مادەنيەتىمەن تانىسۋ ءۇشىن ەكى ەل اراسىندا ءتۋريزمدى نىعايتىپ, بىرلەسە جۇمىس ىستەيتىن بولامىز, - دەدى.
