ايماقتار • 19 ءساۋىر، 2019

تۇركىستان جاستارى نۇر-سۇلتان قالاسىنا 1000 ءتۇپ قىزعالداق سىيلادى

767 رەت كورسەتىلدى

بۇگىن استانا قالاسىنىڭ نۇر-سۇلتان اتانۋ قۇرمەتىنە جانە جاستار جىلىنا وراي تۇركىستان وبلىسىنىڭ جاستارى ەلورداعا 1000 ءتۇپ قىزعالداق گ ۇلىن سىيعا تارتتى. بۇل تۋرالى تۇركىستان وبلىسى اكىمىنىڭ ءباسپاسوز قىزمەتى حابارلادى.

قىزعالداقتىڭ وتانى – تۇركىستان تورىندە وسكەن اسەم گۇلدەر ەلوردانىڭ «بوتانيكالىق باعىنا» وتىرعىزىلادى. قازاق دالاسىنىڭ كوركى - قىزعالداقتاردى  تۇركىستاندىق جاستار «اقسۋ-جاباعىلى الاۋى، شۇبايقىزىل جالاۋى!» اتتى قىزعالداق فەستيۆالىندە تارتۋ ەتتى. 

مۇنداي ەرەكشە سىيلىق جاساۋداعى ماقسات – تاريحى تەرەڭدە جاتقان قىزعالداقتىڭ ءمانىن كوپشىلىككە جەتكىزۋ. سەبەبى، قازاق دالاسىنا كورىك بەرگەن قىزعالداقتى اتا-بابامىز جۇماق گ ۇلىنە بالاعان. ءساۋىر ايىنىڭ سوڭىندا گۇلدەپ، 15 كۇن عانا ء"ومىر سۇرەتىن" قىزعالداق قازاقتار ءۇشىن ناۋرىزدىڭ سيمۆولى بولىپ سانالادى. 

جالپى، قازاق دالاسىندا قىزعالداق گ ۇلىنىڭ 32 ءتۇرى كەزدەسەدى. ونىڭ 12-ءسى ەندەميكالىق، ياعني، تەك قازاق جەرىندە عانا وسەتىن ءتۇر بولىپ سانالادى. وسىدان بولار، قازاقستان «قىزعالداقتىڭ وتانى» اتانعان. عالىمدار دالەلدەگەندەي، اتالمىش گۇل قازاق دالاسىنان بۇكىل جەر جۇزىنە تارالعان. 
تۇركىستان وڭىرىندە كوپتەپ كەزدەسەتىن قىزعالداقتىڭ بەينەسى قوجا احمەت ياساۋي كەسەنەسىندەگى جۇقا كىرپىشتەردە، وتىرار دالاسىنداعى  ورتاعاسىرلىق قىشتاردان دا كورىنىس بەرەدى. ازىرەت سۇلتان كەسەنەسىندەگى ايگىلى تايقازاندا دا قىزعالداق بەينەلەنگەن. كونە نانىم بويىنشا،  قىزعالداق ءسوزىنىڭ ماعىناسى – اللاعا جانە ادامعا دەگەن ماحاببات. ءتىپتى ونىڭ سۇلۋلىعىنا قىزىققان حالىق «پاتشالار گ ۇلى» دەپ تە اتاعان. 
ايتا كەتەيىك، 2018 جىلدان باستاپ تابيعاتىمىزدىڭ كوركەم سىيلارىنىڭ ءبىرى قىزعالداقتى دارىپتەپ، كەيىنگى ۇرپاققا بار ماڭىزدىلىعىن جەتكىزۋ ماقساتىندا «اقسۋ-جاباعىلى الاۋى، شۇبايقىزىل-جالاۋى!» اتتى قىزعالداقتار فەستيۆالىن وتكىزۋ تۇركىستان وڭىرىندە داستۇرگە اينالعان. 
ەلوردانى نازىكتىك پەن سۇلۋلىققا تولتىرۋعا نيەتتەنگەن  تۇركىستاندىق جاستار بىرەگەي سىيدىڭ نۇر-سۇلتاندىقتارعا ۇنايتىنىنا سەنىمدى. 
سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار