«دانا – نەمىس تۇقىمداس اسىل تەكتى وۆچاركا, بىلايشا ايتقاندا, «اريستوكراتكا». مىنەزى جۋاس, سالماقتى, تىلالعىش, ءىز كەسۋدە الدىنا قارا سالمايدى. بوس ۋاقىتىندا اسىر سالىپ ويناعاننان گورى جالعىز قىدىرعاندى ءتاۋىر كورەدى. تۇرىنە قاراساڭ, ويلانىپ جۇرەتىن سىقىلدى». بۇل – دانانىڭ يەسى, ينسپەكتور-كينولوگ ادىلبەك قوجاحمەتوۆتىڭ بەرگەن مىنەزدەمەسى.
دانا ىرىكتەۋ كەزەڭىندە-اق بىردەن كوزگە تۇسكەن. شوپكە شاشىپ تاستالعان 20 ءتۇيىر ازىقتىڭ ءبارىن تاۋىپ, «5» دەگەن ەڭ جوعارى باعاعا يە بولعان.ءتىل الۋ داعدىسىن ۇيرەتەتىن دايىندىقتان دا ەش مۇدىرمەگەن. استاناداعى كينولوگيالىق ورتالىقتا «ماماندىعىن جەتىلدىرىپ» كەلگەننەن كەيىن ءىز كەسۋ قۇرامىنا قابىلدانعان.
«دانا يىستەردى تالداپ جۇمىس جاسايتىن, سوندىقتان, تاپتالعان ىزدەردىڭ ءوزىن اداسپاي, ەش قيىندىقسىز تاباتىن», دەيدى ادىلبەك قوجاحمەتوۆ.
ءيىسشىل ءيتتىڭ كومەگىمەن 8 ادام ءولتىرۋ, 14 توناۋ جانە 500-دەي ۇرلىق اشكەرەلەنگەن. 9 جىل قىزمەت ەتۋ – يت ءۇشىن ۇلكەن مەرزىم, ونى «زەينەتكە» شىعارۋ شەشىمى قابىلدانىپ, ورنىن «الما» اتتى وۆچاركا الماستىردى.
جىل باسىنان بەرى وڭىردە ءىز الۋعا ۇيرەتىلگەن يتتەر 288 رەت پايدالانىلىپ, 183 قىلمىستى اشىلعان.
