سويتسە, ۇلى وتباسىلىق جانجالدان كەيىن ۇيىنەن بەلگىسىز جاققا كەتىپ قالعان. سودان بەرى ەشقانداي حابار بولماعان. اقىرى اۋداندىق پوليتسيا بولىمىنە جۇگىنۋىنە تۋرا كەلگەن. ءتارتىپ ساقشىلارى ونىڭ ءوتىنىشىن قابىلداپ, جەدەل- ىزدەستىرۋ شارالارىن ۇيىمداستىرعان. 30 جاستاعى جىگىتكە قاتىستى مالىمەتتەر بارلىق اۋماقتىق بولىمدەرگە جىبەرىلگەن. الايدا, ول تۋىستارىمەن ەشقانداي بايلانىسقا شىقپاعان. رەسەيگە دەيىن سۇراۋ سالىنعان.
ونىڭ ماسكەۋ قالاسىندا جۇرگەنى انىقتالىپ, جەدەل ۋاكىلدەر دەرەۋ سول جاققا اتتانعان. سويتسە, بەيباق انانىڭ ۇلى مۇندا تىركەۋگە تۇرىپ, جۇمىسقا ورنالاسقان. بىراق جاقىندارىنا حابار بەرۋگە اسىقپاعان.
«جەرلەس پوليتسيا قىزمەتكەرلەرىنە العىسىم شەكسىز. بالام ءبىر نارسەگە ۇرىنىپ قالدى ما دەپ قاتتى ۋايىمدادىم. تەلەفوننان قاشان داۋسىن ەستىگەنشە تىنىش جاتا المادىم», دەيدى گالينا بولوتاشۆيلي.
جىل باسىنان سولتۇستىكقازاقستاندىق پوليتسەيلەر ۇيلەرىنەن كەتىپ قالعان 26 ادامنىڭ جۇرگەن جەرلەرىن انىقتادى. ارالارىندا كامەلەتكە تولماعاندار دا بار.
