كۇن تارتىبىندە ەكى ماسەلە قارالدى. ءبىرىنشىسى – 2019 جىلعا ارنالعان تەحنيكالىق جانە كاسىبي ءبىلىمى بار كادرلاردى دايارلايتىن ءبىلىم بەرۋ مەكەمەلەرىنىڭ ءتىزىمىن بەكىتۋ; ەكىنشىسى – قىسقا مەرزىمدى ءبىلىم الۋ ءۇشىن ءوتىنىش بەرگەن ادامداردىڭ ءتىزىمىن بەكىتۋ.
جۇمىسپەن قامتۋ جانە الەۋمەتتىك قورعاۋ باسقارماسىنىڭ ءباسپاسوز قىزمەتىندە بەلگىلى بولعانداي, ءبىلىم بەرۋ مەكەمەلەرىنىڭ ءتىزىمى 2017-2021 جىلدارعا ارنالعان «ەڭبەك» ءونىمدى جۇمىسپەن قامتۋدى جانە جاپپاي كاسىپكەرلىكتى دامىتۋ جونىندەگى مەملەكەتتىك باعدارلاماسى اياسىندا ەڭبەك نارىعىنىڭ قاجەتتىلىكتەرىن ەسەپكە الىنا وتىرىپ قۇرىلعان.
كوميسسيا شەشىمى بويىنشا 200 ورىن «ەسەپتەۋ تەحنيكاسى جانە باعدارلامالىق قامتاماسىز ەتۋ» ماماندىعىنا, 150 ورىن – «تاماقتانۋدى ۇيىمداستىرۋ» ماماندىعىنا, 100 ورىن – «دانەكەرلەۋ», 100 ورىن – «ليفت شارۋاشىلىعى جانە ەكسكالاتورلار, ليفت بويىنشا ەلەكترومەحانيك», 75 ورىن – «قۋات كوزىمەن قامتاماسىز ەتۋ», 50 ورىن – «تىگىن ءوندىرىسى مەن كيىمدى ءپىشۋ», 50 ورىن – «نان, ماكارون جانە كونديتەر ءوندىرىسى», 50 ورىن – «ماركەتينگ», 50 ورىن – «اۆتوكولىكتەرگە تەحنيكالىق قىزمەت كورسەتۋ جانە جوندەۋ», 50 ورىن – «ىشكى سانيتارلىق-تەحنيكالىق قۇرىلعىلاردىڭ, جەلدەتۋ مەن ينجەنەرلىك جۇيەلەردىڭ مونتاجى مەن ەكسپلۋاتاتسياسى» ماماندىعىنا, سونداي-اق, 25 ورىننان «عيماراتتار مەن قۇرىلىمداردىڭ قۇرىلىسى مەن ەكسپلۋاتاتسياسى», «گازبەن جابدىقتاۋ», «ەت جانە ەت ونىمدەرىن ءوندىرۋ», «جول قوزعالىسىن ۇيىمداستىرۋ», «شاشتاراز جانە ساندىك كوسمەتيكا», «لوگيستيكا», «بۇرعىلاۋ جانە مەتالل وڭدەۋ» ماماندىقتارىنا ءبولىندى.
