ايماقتار • 19 ءساۋىر، 2019

الەۋمەتتىك كومەككە بولىنگەن قارجى قوماقتى

744 رەت كورسەتىلدى

وسكەمەندە Nur Otan پارتياسى وبلىستىق فيليالىنىڭ كونفەرەنتسياسى ءوتتى. پارتيا وكىلدەرى ەلوردادا وتەتىن كەزەكتەن تىس سەزگە قاتىساتىن دەلەگاتتاردى سايلادى.

جيىندا Nur Otan قولعا العان «باقىتتى وتباسى»، «قۇتتى مەكەن»، «حالىققا كومەك»، «اۋىل – ەل بەسىگى» ات­تى جو­با­لاردىڭ وڭىردە قالاي جۇزەگە اسىرىلىپ جاتقانى ءسوز بولدى. وبلىستىق فيليال توراعاسىنىڭ ءبىرىنشى ورىنباسارى انۋاربەك مۇحتارحانوۆ «حالىققا كومەك» جوباسى بويىنشا 3000 ادام پارتياعا جۇگىنىپ، 314 ادامنىڭ ماسەلەسى شەشىمىن تاپقانىن ايتتى. «باقىتتى وتباسى» جوباسى ارقىلى 38 مىڭ تۇرعىنعا اتاۋ­لى الەۋمەتتىك كومەك كورسەتۋ ءۇشىن 1،4 ملرد تەڭگە ءبولىنىپتى. «قۇتتى مەكەن» جوباسى اياسىندا وبلىستىق جانە اۋداندىق ماڭىزداعى جولداردى جوندەۋ ءۇشىن قوسىمشا 1،5-2 ملرد تەڭگە قاراستىرىلىپتى. «حالىقتى ساپالى اۋىز سۋمەن قامتۋ ءۇشىن 60 جوبا قولعا الىنباق. ال «اۋىل – ەل بەسىگى» جوباسىنىڭ اياسىندا 82 مىڭ گەكتار سۋارمالى جەردى يگەرۋ كوزدەلىپ وتىر. 2022 جىلعا دەيىن سىرتتان 36 مىڭ باس ءىرى قارا ساتىپ اكەلىنە­دى. وسىلايشا اۋىلدارىمىز كوركەيە تۇسەتىن بولادى»، دەدى ءا.مۇحتارحانوۆ.

جيىندا ءسوز العان سەمەيلىك كوپ بالالى انا شولپان چەگە­لەكوۆا وبلىسىمىزدا انالار مەن از قامتىلعان وتباسىلاردى قولداۋعا ەرەكشە كوڭىل ءبولىنىپ جاتقانىنا توقتالدى. «كوپ بالالى وتباسىلار مەن ارنايى كۇتىمدى قاجەت ەتەتىن بالالار تەگىن بالاباقشامەن، تەگىن مەكتەپ فورمالارىمەن قامتاماسىز ەتىلىپ جاتىر. تۇڭعىش پرەزي­دەنتى­مىز نۇرسۇلتان نازار­باەۆ­تىڭ ارقاسىندا مەكتەپ تۇلەك­تەرى كوللەدجدەردە اقىسىز نەگىزدە العاشقى تەحنيكالىق ءبىلىم الۋ مۇمكىندىگىنە يە بولعانىن ەرەكشە اتاپ وتكىم كەلەدى. مۇنداي ىسپەن ساناۋلى مەملەكەتتەر عانا ماقتانا الادى. مەن سەمەي قالاسىنداعى مەديتسينالىق ۋنيۆەرسيتەتتە مەملەكەتتىك گرانت ارقىلى ءبىلىم الىپ، مۆا عىلى­مي دارەجەسىنە يە بولدىم. قازىر­گى تاڭدا Phd دوكتورلىق جۇمى­سىمدى دايىنداپ جاتىرمىن. ءوز بالالارىما تاربيە بەرە وتىرىپ، كاسىبي باعىتتا تولىق دامۋ مۇمكىندىگىم بار»، دەيدى ول.

كونفەرەنتسيا بارىسىندا نۇر-سۇلتان قالاسىندا وتەتىن سەزگە شىعىس قازاقستان اتىنان باراتىن 49 دەلەگاتتىڭ ەسىمدەرى دە بەلگىلى بولدى.

 

وسكەمەن

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

سپورت جاڭالىقتارىنا شولۋ

سپورت • بۇگىن، 09:11

سۋرەتشىلەر ءۇيى اشىلدى

ايماقتار • بۇگىن، 09:08

بال بۇلاق بولىپ اقتى

ايماقتار • بۇگىن، 09:07

وڭايلىقپەن ەم قونبايدى

مەديتسينا • بۇگىن، 09:05

بارەكەلدى، ۆيكتوريا!

سپورت • بۇگىن، 09:02

ۇقساس جاڭالىقتار