«رۋحاني جاڭعىرۋ» باعدارلاماسىنداعى باسىم باعىتتاردىڭ ءبىرى – «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى اياسىندا زاماناۋي يگىلىكتەردى يگەرىپ, وسكەلەڭ ۇرپاقتى ءبىلىمنىڭ بيىگىنە جەتەلەۋدى ماقسات ەتە وتىرىپ, الەم تىلدەرىنەن دۇنيەجۇزى تاريحى, ادەبيەت تەورياسى, حالىقارالىق قۇقىق جانە بيزنەس, قازىرگى زامانعى پەداگوگيكا, ونەر تاريحى, ينتەرنەت پسيحولوگياسى, ستراتەگيالىق مەنەدجمەنت, ماركەتينگ نەگىزدەرى, ۇيىمدىق مىنەز-ق ۇلىق, مەديا جانە بيزنەس-كوممۋنيكاتسيا, ادام رەسۋرستارىن باسقارۋ, ديپلوماتيا, ورينتاليزم جانە سەميوسفەرا بويىنشا قر ءبىلىم جانە عىلىم مينيسترلىگىنىڭ تاپسىرىسىمەن اۋدارىلعان جاڭا وقۋلىقتار تانىستىرىلدى.
ءال-فارابي اتىنداعى قازۇۋ كىتاپحاناسىندا وتكەن كونفەرەنتسيا بارىسىندا
قر پرەزيدەنتى اكىمشىلىگى ىشكى ساياسات ءبولىمىنىڭ مەڭگەرۋشىسى, «رۋحاني جاڭعىرۋ» باعدارلاماسىن جۇزەگە اسىرۋ جونىندەگى ۇلتتىق كوميسسيا حاتشىسى ايدا بالاەۆا 30 وقۋلىقتان تۇراتىن بيىلعى جاڭا وقۋلىقتار توپتاماسى قازاقستاندىق وقۋ ورىندارىنىڭ مازمۇندىق الەۋەتىن تانىمال الەمدىك ۋنيۆەرسيتەتتەر دەڭگەيىنە شىعارۋعا باستاعان يگى قادام دەپ ءوتتى.
«ۇلتتىق اۋدارما بيۋروسىنىڭ» مالىمەتى بويىنشا, «ماكگروحيل» باسپاسىنان شىققان 2 تومدىق «پانوراما: دۇنيەجۇزى تاريحى» وقۋلىعى تاريحتى وقىتۋدا بىزدە قالىپتاسقان فورماتسيالىق ۇستانىم مەن ۇعىمدى بۇزىپ, ادامزات دامۋىن ءبىز ءۇشىن مۇلدە جاڭا تۇرعىدان تانىستىرادى.
باتىس ادەبيەتشىلەرى دايىنداعان, كىرىسپە جانە 4 تومدىق انتولوگيادان تۇراتىن «ادەبيت تەوريسيا» توپتاماسى ادەبيەتتانۋدى باسقا سالالارمەن بايلانىستىرا وتىرىپ, وعان اناعۇرلىم كەڭ كوزقاراس قالىپتاستىرادى. جيناق ادەبيەتتەگى ورىس ءفورماليزمى, سترۋكتۋراليزم, فەنومەنولوگيا, پوستسترۋكتۋراليزم, پسيحواناليز ۇعىمدارى, پوستوتارشىل جانە تانسۇلتتىق تانىم تۋرالى تۇسىنىك بەرسە, بەدەلدى زاڭگەر مامان, ءارى تانىمال عالىم مالكولم شونىڭ 2 تومدىق «حالىقارالىق قۇقىق» وقۋلىعى وسى سالاداعى دۇنيە ءجۇزى تانىعان اسا قۇندى كىتاپتىڭ ءبىرى. وقۋلىق حالىقارالىق قۇقىق سالاسىنا شولۋ جاسايدى, قۇقىق جۇيەلەرىن سالىستىرا وتىرىپ, سالاداعى تەوريا مەن تاجىريبە جايلى جان-جاقتى تۇسىنىك قالىپتاستىرادى.
جاڭا زامانعا لايىق پەداگوگ ماماندار دايىنداۋعا قاجەت وقۋلىقتار قاتارىندا «وقىتۋ تەورياسى: ءبىلىم بەرۋ كوكجيەگى», «پەداگوگيكانى تسيفلىق داۋىردە قايتا زەردەلۋ» جانە كوپشىلىك وقىرمانعا اسا قىزىقتى بولاتىن كەمبريدج ۋنيۆەرسيتەتى دايىنداعان «ينتەرنەت پسيحولوگياسى» وقۋلىقتارىمەن قاتار ەكونوميكا جانە كاسىپكەرلىك باعىتتاعى ءبىلىم بەرۋگە قاجەتتى وقۋلىقتار بار.
اۋدارما جۇمىسىنا قازاقستاننىڭ الدىڭعى قاتارلى وقۋ ورىندارىنىڭ عالىمدارى, تاجىريبەلى اۋدارماشىلار, ءتىلشى جانە ادەبيەتشى-رەداكتورلاردان تۇراتىن ءۇش جۇزدەن استام مامان تارتىلعان. وقۋلىق ماتىندەرى بىرنەشە مارتە ادەبي جانە عىلىمي رەداكتسيادان ءوتتى. جوبا اياسىندا الەمدەگى وقۋلىق شىعارۋعا ماماندانعان «Cambridge University Press», «Oxford University Press», «Pearson», «Cengage», «Penguin Random House», «McMillan» جانە باسقا دا ءىرى حالىقارالىق باسپا ۇيلەرىمەن ارىپتەستىك قارىم-قاتىناس ورنادى. حالىقارالىق باسپا ۇيلەرىمەن ارىپتەستىك قارىم-قاتىناس ورنادى.
