وتىرىستى قازاقستان رەسپۋبليكاسىنىڭ سىرتقى ىستەر ءمينيسترى ب.ب.اتامقۇلوۆ اشتى. سىرتقى ساياسي ۆەدومستۆوcىنىڭ باسشىسى جدجت الدىندا تۇرعان مىندەتتەردىڭ ماڭىزدىلىعىن جانە كاسپي تەڭىزىندەگى ىنتىماقتاستىقتىڭ كەڭ اۋقىمدى ماسەلەلەرى بويىنشا تاراپتاردىڭ قاراۋىندا جاتقان بەس جاقتى كەلىسىمدەر جوبالارىن ىسكە اسىرۋدى كۇشەيتۋ قاجەتتىگىن اتاپ ءوتتى. 2019 جىلى تۇرىكمەنستاندا كاسپي ەكونوميكالىق فورۋمىن وتكىزۋدىڭ ماڭىزدىلىعى اتاپ ءوتىلدى.
كەلىسسوزدەرگە ازەربايجان رەسپۋبليكاسىنىڭ (باسشىسى - ح.ا. حالافوۆ), يران يسلام رەسپۋبليكاسىنىڭ (باسشىسى - ر. نازار احاري), قازاقستان رەسپۋبليكاسى (باسشىسى - ز.ا. امانجولوۆا), رەسەي فەدەراتسياسىنىڭ (باسشىسى – ي.ب. براتچيكوۆ) جانە تۇرىكمەنستاننىڭ (باسشىسى - م.گ. اتادجانوۆ) دەلەگاتسيالارى قاتىستى.
تاراپتار كاسپي تەڭىزىندە باستاپقى تىك سىزىقتاردى بەلگىلەۋ ادىستەمەسى تۋرالى كەلىسىم جوباسىن تالقىلاۋدى جالعاستىردى جانە ونىڭ بىرقاتار ەرەجەلەرى بويىنشا كەلىستى. وسى قۇجاتتىڭ تالقىلانۋى كەلەسى وتىرىستا جالعاساتىن بولادى.
كەزدەسۋ بارىسىندا تاراپتار كاسپي تەڭىزىندەگى ىنتىماقتاستىقتىڭ ءتۇرلى اسپەكتىلەرى بويىنشا شولۋ وتكىزىپ, بەسىنشى كاسپي ءسامميتىنىڭ قورىتىندىلارى بويىنشا قول جەتكىزىلگەن ۋاعدالاستىقتاردى جۇزەگە اسىرۋ تۋرالى پىكىر الماستى.
دەلەگاتسيالار كەلىسسوزدەردىڭ ناتيجەسىن جوعارى باعالاپ, كەزدەسۋدى ۇيىمداستىرۋدىڭ جوعارى دەڭگەيى ءۇشىن قازاقستان رەسپۋبليكاسىنا ۇلكەن ريزاشىلىعىن ءبىلدىردى.
كاسپي تەڭىزى ماسەلەلەرى جونىندەگى جوعارى دەڭگەيدەگى جۇمىس توبىنىڭ كەلەسى كەزدەسۋى 2019 جىلعى شىلدەدە يران يسلام رەسپۋبليكاسىندا وتەتىن بولادى.
