رۋحانيات • 18 ءساۋىر، 2019

جىراۋدىڭ باسىنا كەسەنە ورناتىلا ما؟­

855 رەت كورسەتىلدى

جاقىندا جارما اۋدانىنىڭ ورتالىعى – قالباتاۋ اۋىلىندا « ۇلى دالانىڭ جەتى قىرى – ۇلتتىق ۇلى قۇندىلىق» تاقىرىبىندا رەسپۋبليكالىق عىلىمي-تاجىريبەلىك كونفەرەنتسيا وتكەن ەدى.

الماتىداعى م.اۋەزوۆ اتىن­­­داعى ادەبيەت جانە ونەر ينستيتۋتى ابايتانۋ جانە ادەبيەت تاري­حى ءبولى­­مى­نىڭ مەڭگەرۋشىسى، پروفەسسور سەرىك­قازى قوراباي، سەمەي­دەگى شاكارىم اتىنداعى مەم­­لەكەتتىك ۋنيۆەرسيتەتىنىڭ پرو­فەسسورى، تاريحشى مۇح­تاربەك كارىموۆ، وسى وقۋ ورنىنداعى اقىندار مەكتە­بىنىڭ جەتەكشىسى ايمان اق­تا­نوۆا سەكىلدى عالىم­دار قا­­تىسقان شارا بارىسىندا جار­ما ءوڭىرىنىڭ ەسىمدەرى ەل­گە ايگىلى، داڭقتى تۇلعالارىن ۇلىق­­­تاۋ جايى جان-جاقتى ءسوز بول­دى. اسىرەسە ادەبيەت زەرت­تەۋشىسى سەرىكقازى قورا­­بايدىڭ ايت­قان ۇسىنىستارى كوپشىلىكتىڭ كوڭىلىنەن شىق­قانى انىق. بىرەۋ بىلەر، ءبى­رەۋ بىلمەس، «كۇلدىر دە كۇل­دىر كىسىنەتىپ، كۇرەڭدى مىنەر مە ەكەنبىز» دەپ جىر تولعاعان اتاقتى اقتامبەردى جىراۋدىڭ اباي اۋدانى قۇن­­­دىزدى اۋىلى شەتىندەگى جۇرەكادىر جوتاسىنا جەر­لەن­گەنى بەلگىلى.

س.قورابايدىڭ ايتۋىنشا،­ تۇلعاعا وتكەن عاسىردىڭ 80-­جىلدار شاماسىندا سول كەز­­دە­گى سە­مەي وبلىستىق پار­­تيا كو­مي­­تەتىنىڭ ءبىرىن­شى حات­شىسى كەشى­رىم بوزتاەۆ­تىڭ كۇش سالۋىمەن ءتورت قا­بىر­عالى، شاعىن بەيىت تۇر­­عى­زىلىپتى. «ول ۋا­قىتتا ءۇل­كەن كەسەنە تۇرعىزۋعا رۇقسات بە­­رى­لمەدى عوي. اقتامبەردى جى­­­­راۋدىڭ كەڭەس زامانىندا سا­­لىن­عان بەيىتىن ەڭسەلى كەسەنەگە اينالدىرۋ – بارشامىز ءۇشىن ۇلكەن پارىز. ءبىر وكىنىشتىسى، نە سەمەيدە، نە وسكەمەندە جى­راۋ اتىندا كوشە جوق. اتاق­تى تۇبەك جانە سابىرباي اقىنداردىڭ دا بەيىتتەرى جەرمەن جەكسەن بولىپ كەتكەن. مۇلدە بەلگى جوق. ەرتەڭ مۇلدە ەسكەرۋسىز قا­لادى عوي. ايت­­­پاقشى، جار­ما اۋدانىنىڭ ور­تالىعى – قالباتاۋدا ت.باي­قوش­قار ۇلى دەگەن كوشە بار. شىنىن ايتسام، مۇنى ەشكىم ءتۇسىن­بەيدى. وسىنى تۇبەك اقىن كوشەسى دەپ دۇرىستاپ اتاۋ كەرەك. ول زاماندا اقىندى ەشكىم ت.باي­­قوش­قار ۇلى دەپ اتاعان جوق قوي»، دەي­دى عالىم.

زەرتتەۋشى سونىمەن قا­تار ۇشبيىك اۋىلىندا سىبان­نان شىققان 17 اقىنعا مۋزەي اشىلسا، قالباتاۋداعى كوشەلەردىڭ بىرىنە «ون جەتى اقىن» اتاۋى­ بەرىلسە، جار­ما اۋدانىندا « ۇلى بابالار ىزىمەن» اتتى عى­لى­­مي-تا­نىمدىق ەكسپەديتسيا ۇيىم­­داس­تىرىلسا، اقتام­بەردى جىراۋ، اقتايلاق بي، دۋلات، سا­­بىرباي، تۇبەك اقىن­دارعا اۋداندىق ولكە­­تانۋ مۋزەيىنەن ارنايى بۇ­رىشتار جاساقتالسا، ولار­دىڭ ولەڭدەرىن جاتقا ايتۋ­دان وقۋشىلار اراسىندا اۋدان­­دىق سايىس وتكىزىلسە، وسى تۇل­عالاردىڭ ەسىمدەرى ءوس­­­­­­كە­مەن، سەمەي، استانا قا­لا­­­لارىنداعى كوشەلەرگە بە­رىلسە دەگەن ۇسى­­نىس­تارىن جەت­­­­­كىزدى. «جارما ءوڭى­رىنەن شىق­­­قان قازاق تسيرك ونەرىنىڭ نە­گىزىن سالۋشىلاردىڭ ءبىرى، «اعاشاياق» اتانىپ كەتكەن نازاروللا ءجۇندىباي ۇلىنىڭ 200 جىلدىعى بىلتىر ەس­كەرۋ­سىز قالدى. شالاباي اۋى­لىنىڭ ماڭىندا جەرلەن­گەن تۇلعانىڭ جاتقان جەرىندە دە ەش بەلگى جوق»، دەيدى س.قوراباي. 

شىعىس قازاقستان وبلىسى، جارما اۋدانى، قالباتاۋ اۋىلى
سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار