رۋحانيات • 17 ءساۋىر، 2019

«ءاسانالى ءاشىموۆ ونەر مەن مادەنيەتتى قولداۋ قورى» قۇرىلدى

754 رەت كورسەتىلدى

قوعامنىڭ كەلەشەكتەگى دامۋىنىڭ ەڭ الدىڭعى شارتى ونەر مەن مادەنيەتتىڭ وركەندەۋىمەن قاتار جۇرەتىن بولعاندىقتان، ۇلتتىڭ رۋحاني قۇندىلىعى مەن حالىقتىق قازىناسىن تانىتۋعا قىزمەت ەتەتىن بۇل سالالار ارقاشان قولداۋدى قاجەت ەتەدى.

 مەملەكەت پەن مادەنيەتتىڭ مامىلەلى ديالوگى رەتىندە ءتۇرلى جوبالاردى جۇزەگە اسىراتىن  ماڭىزدى ءارى ىرگەلى باعدارلامالار قابىلدانىپ، جۇمىس ىستەپ كەلە جاتقانىمەن رۋحانياتقا قامقور بولاتىن جەكە تۇلعالار مەن توپتاردىڭ دا جاۋاپكەرشىلىگى، وڭ كوزقاراسى قاجەت. مادەنيەتتى قارجىلاندىرۋ بيۋدجەتتىك مەكەمەلەرمەن بىرگە كوممەرتسيالىق، قايىرىمدىلىق باستامالارىمەن قاتار جۇرگىزىلسە، ونەردە جۇرگەن ناقتى تالانتتار مەن ۇلتتىق ماڭىزعا يە قاجەتتى جوبالاردىڭ جولى دا بايلانباي، جارىققا شىعىپ، جەتىستىگىمەن تانىلۋىنا تاپتىرماس مۇمكىندىك بولاتىنى ءسوزسىز. قايىرىمدىلىق شارۋالارىمەن شۇعىلداناتىن، مەتسەناتتىعى ءمارت مىنەزىنە اينالىپ كەتكەن جەكەلەگەن اتىمتاي جومارت ازاماتتار بولعانىمەن، مۇنداي بيىك ماقساتتى ۇستانىپ قۇرىلعان قورلار ءبىزدىڭ قوعامىمىزدا جوقتىڭ قاسى. سوندىقتان جاڭادان قۇرىلعان «ءاسانالى ءاشىموۆ ونەر مەن مادەنيەتتى قولداۋ قورى» قوعامدىق قورى – ەلىمىزدەگى وسى باعىتتاعى العاشقى قور رەتىندە قابىلدانىپ وتىر.

قازاقستاننىڭ ەڭبەك ەرى، كسرو حالىق ءارتىسى، كسرو مەملەكەتتىك سىيلىعىنىڭ لاۋرەاتى ا.ءاشىموۆتىڭ اتىمەن بايلانىستى قۇرىلىپ وتىرعان قوعامدىق قوردىڭ سالتاناتتى اشىلۋ ءراسىمى ءوتىپ، جينالعان زيالى قاۋىم مەن كاسىپكەرلەرگە ماقساتى-مىندەتىن تانىستىردى. قور تەك.

«ءاسانالى ءاشىموۆ ونەر مەن مادەنيەتتى قولداۋ قورى» جاس تالانتتارعا دەمەۋشىلىك جاساپ، مادەنيەت پەن سپورتقا جاناشىرلىق تانىتۋمەن عانا شەكتەلمەيدى. كەلەلى مىندەتتەردى اتقارۋدى كوزدەپ وتىرعان قور قىزمەتىنىڭ بىرقاتارىن سانامالاساق: حالىق ءارتىسىنىڭ جەتەكشىلىگىمەن اكتەر شەبەرلىگى مەكتەبى، مۋزەي، تەاتردى توپتاستىرعان ءاسانالى ءاشىموۆ اتىنداعى ورتالىق قۇرىلىسىن باستاۋ، قازاقستاننىڭ ونەرى مەن مادەنيەتىن دامىتۋ ءۇشىن تەاتر مەن كينوعا ەلەۋلى ۇلەس قوسقان كوريفەيلەردى قولداۋ، كومەك كورسەتۋ. سونداي-اق جىل سايىن ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ ەڭ ۇزدىك تالانتتى ستۋدەنتىنە ستيپەنديا تاعايىنداۋ، الىس جانە شەتەلدىك وقۋ ورىندارىندا تاجىريبە الماسۋعا جىبەرۋ، قازاقستاندا وتكىزىلەتىن بەس كينوفەستيۆالدەگى «ۇزدىك ەر ادام وبرازى» اتالىمى ءۇشىن جۇلدە تىگۋ، ەلىمىزدە وتەتىن حالىقارالىق ايتىس جەڭىمپازدارىنىڭ بىرىنە قور اتىنان ارنايى جۇلدە بەرۋ، جالپى ا.ءاشىموۆتىڭ شىعارماشىلىق جولىن جالعاستىرۋدى قولداۋ – جوبا جۇمىسىنداعى باستى باعىتتاردىڭ قاتارىندا.

قور ساحنا ساڭلاعىنىڭ ونەرىن قادىرلەيتىن زامانداستارى، ۇزەڭگىلەس سەرىكتەرىنىڭ ۇسىنىسىمەن قۇرىلىپ وتىر. جاڭادان تۇساۋى كەسىلىپ وتىرعان قور قۇرىلتايشىلىعى مەيىرجان ورازباەۆ، ەرجان تاتىشەۆ، دينارا ابسالىق سەكىلدى بەلگىلى كاسىپكەرلەردەن قۇرىلسا، حالىق ءارتىسىنىڭ جارى باعدات ءاشىموۆا قۇرىلتايشى مىندەتىمەن بىرگە، قور ءتورايىمى رەتىندەگى جاڭا قىزمەتىن باستاماق. بۇعان قوسا قور جۇمىسىنىڭ جانىنان تابىلىپ، كەڭەس بەرۋمەن اينالىساتىن اقىلداستار القاسى دا قۇرىلدى. قور جۇمىسىن جۇرگىزۋ قاجىرلى قايرات پەن ۇزدىكسىز جۇمىستى قاجەت ەتەدى. ۇكىمەتكە عانا يەك ارتپاي، ۇلت مادەنيەتىنىڭ جۇگىنە ارقاسىن توسەپ، ءبىر مۇقتاجىن وتەۋدى مۇرات تۇتىپ كەلگەن قوردىڭ جۇمىسىنا كوپشىلىك ساتتىلىك تىلەپ، قورجىنىنا العاشقى كومەگى رەتىندەگى قوماقتى قاراجاتىن سالىپ كەتتى.


الماتى


سوڭعى جاڭالىقتار

جارىس پەن تابىس

ەكونوميكا • بۇگىن، 00:00

اقىلدىڭ ازابى

تاريح • كەشە

مەيرامحانالار جانە پاندەميا

كوروناۆيرۋس • كەشە

جۇرت جاعاجاي ىزدەپ ءجۇر

ايماقتار • كەشە

ۇقساس جاڭالىقتار