ەلباسى نۇرسۇلتان نازارباەۆتىڭ «الەۋمەتتىك قامقورلىق» باستاماسىنىڭ ايماقتاعى ورىندالۋىمەن تانىسۋ جانە الەۋمەتتىك قولداۋ شارالارىنىڭ جۇزەگە اسۋ جولدارىن ءتۇسىندىرۋ ماقساتىندا جەتىسۋ جۇرتشىلىعىمەن كەزدەسكەن ۇكىمەت باسشىسىنىڭ ورىنباسارى تالدىقورعان قالاسىنداعى جۇمىسپەن قامتۋ ورتالىعىن ارالادى. جۇمىسپەن قامتۋ ورتالىعىندا ايماق تۇرعىندارىنا جۇمىسقا ورنالاستىرۋ, ەڭبەك نارىعىن زەرتتەۋ, جۇمىسسىزداردى قايتا داريالاپ, وقىتۋ سياقتى نەگنىزگى الەۋمەتتىك قىزمەتتىڭ بارلىق ءتۇرى كورسەتىلەدى. ورتالىقتىڭ جۇمىسى تولىقتاي تسيفرلى جۇيەگە كوشكەن. وسى ورتالىقپەن تانىسۋ بارىسىندا گۇلشارا ابدىحالىقوۆانىڭ نازارىنا الماتى وبلىسىنىڭ «الەۋمەتتىك كارتاسى» تانىستىرىلدى.
وبلىس اكىمى اماندىق باتالوۆتىڭ ايتۋىنشا, ايماقتاعى الەۋمەتتىك قولداۋدى قاجەت ەتەتىن تۇرعىنداردى قولداۋعا 3 ملرد تەڭگە كولەمىندە قوسىمشا قارجى بولىنگەن. بۇل قاراجات «الەۋمەتتىك كارتا» بويىنشا جۇمسالماق. الەۋمەتتىك قامتۋ نەگىزىندە كوپبالالى وتباسىلاردى باسپانامەن قامتۋ, وسى ساناتتاعى اۋلەتتىڭ بالالارىنىڭ جوعارى ءبىلىم الۋىنا جاعداي جاساۋ, جۇمىسپەن قامتۋ سياقتى شارالار جۇزەگە اسىرىلۋدا.
- وبلىس ورتالىعىندا كوپ بالالى وتباسىلار ءۇشىن كوپ قاباتتى ەكى ءۇيدىڭ جوباسىن ازىرلەۋ جۇمىسى باستالدى, كوتتەدج قالاشىعىنان دا ءۇي ءبولۋ مۇمكىندىكتەرى قاراستىرىلۋدا. سونداي-اق, «7-20-25» باعدارلاماسى بويىنشا دا قۇنى 1 ملن. تەڭگە بولاتىن تۇرعىن ءۇي سەرتيفيكاتى بەرۋدى باستادىق. قازىرگى قۇنى سەرتيفيكاتتىڭ جيىنتىق قورى 300 ملن تەڭگەگە جەتتى, - دەدى «الەۋمەتتىك كارتانى» تانىستىرۋ بارىسىندا وبلىس اكىمى اماندىق باتالوۆ.
ال از قامتىلعان جانە كوپ بالالى وتباسىلارىنىڭ بالالارىنا جوعارى وقۋ ورىندارىندا ءبىلىم الۋى ءۇشىن بولەنتىن گرانت سانىن تاعى دا جۇزگە كوبەيتۋ كوزدەلۋدە. بۇل ماقساتقا 44,3 ملن تەڭگە قارجى قاراستىرىلعان ەكەن. قازىر دە وبلىس اكىمىنىڭ ارنايى گرانتى بويىنشا 246 ستۋدەنت ءتۇرلى وقۋ ورىندارىندا وقىپ جاتىر. از قامتىلعان وتباسىلار بالالارى ءۇشىن مەكتەپتە ىستىق تاماقپەن ۇلەسى 100 پروتسەنتكە جەتتى. بۇگىندە وبلىس اۋماعىنداعى مەكتەپتەردە 32 مىڭ بالا تەگىن ىستىق تاماقپەن, مەكتەپ فورماسىمەن, جازعى دەمالىس كەزىندەگى دەمالىس لاگەرىمەن قامتاماسىز ەتىلىپتى.
«الەۋمەتتىك كارتا» بويىنشا ەندى تالدىقورعان قالاسىندا تۇراتىن كوپبالالى انالار قوعامدىق كولىكتە تەگىن جۇرەتىن بولدى. بۇعان دەيىن وسىنداي تەگىن جول ءجۇرۋ مۇمكىندىگىن وبلىس ورتالىعىنداعى 42 مىڭ مەكتەپ وقۋشىسى مەن ستۋدەنتتەر پايدالانىپ كەلگەن بولاتىن. قازىر وبلىس اۋماعىندا كوگىلدىر وتىن كوزىنە قوسىلۋ قارقىندى ءجۇرىپ جاتىر. تابيعي گازعا قوسۋ ءىسى بويىنشا دا الەۋمەتتىك جاعىنان از قامتىلعان وتباسىلارىنا جەڭىلدىك قاراستىرىلىپ وتىر ەكەن. بۇل ماقساتقا قازىنادان 500 ملن تەڭگە بولىنگەن.
جالپى ۇكىمەت مۇشەلەرىنىڭ نازارىنا ۇسىنىلعان جەتىسۋدىڭ «الەۋمەتتىك قورعاۋ» كارتاسى وبلىستاعى 253 اۋىلدىق وكرۋگ تۇرعىندارىنىڭ الەۋمەتتىك جاعدايىن زەردەلەۋ نەگىزىندە جاسالدى. قازىر اۋداندار بويىنشا بۇل ءتىزىم جەتىلدىرىلىپ, «ە-حالىق» اقپاراتتىق جۇيەسىنە قوسىلۋدا. سونداي-اق, بارلىق اۋداندا كوپبالالى جانە از قامتىلعان وتباسىلارىنا «ءبىر تەرەزە» قاعيداتىمەن قىزمەت كورسەتەتىن ورتالىقتار اشىلۋدا.
ۇكىمەت باسشىسىنىڭ ورىنباسارى گۇلشارا ابدىحالىقوۆا تالدىقورعان قالاسىنداعى حالىققا قىزمەت كورسەتۋ ورتالىعىنىڭ جۇمىسىمەن تانىسىپ, ونداعى الەۋمەتتىك قورعاۋ باعىتىندا كورسەتىلەتىن قىزمەت ساپاسىن باعالادى. سونداي-اق, ۆيتسە-پرەمەر قالاداعى كاسىپكەرلەرگە قىزمەت كورسەتۋ ورتالىعىندا تۇرعىندارمەن كەزدەسىپ, IT-تەحنولوگيا باعىتىندا ءبىلىم بەرەتىن مەكتەپ-ليتسەيدى ارالادى. جاڭادان قولدانىسقا بەرىلگەن تۇرعىن ۇيلەرگە قونىستانعان كوپبالالى وتباسىلاردىڭ شاڭىراعىنا باس سۇققاننان كەيىن گۇلشارا ابدىحالىقوۆا «Nur Otan» پارتياسى وبلىستىق فيليالىنىڭ قوعامدىق قابىلداۋ بولمەسىندە جەتىسۋلىق كوپبالى انالاردىڭ ءبىر توبى مەن از قامتىلعان وتباسى مۇشەلەرىن قابىلداپ, «الەۋمەتتىك قورعاۋ» باعدارلاماسى بويىنشا تولعاندىرعان سۇراقتارعا جاۋاپ بەردى.
الماتى وبلىسى
