ايماقتار • 16 ءساۋىر، 2019

قوستاناي وبلىسىندا تابىلعان مالدىڭ يەسىنە ايىپپۇل سالىندى

740 رەتكورسەتىلدى

امانگەلدى اۋدانىنداعى شارۋا قوجالىعىنىڭ جەتەكشىسى پوليتسياعا 18 باس جىلقىسىن تاپپاي جۇرگەنى تۋرالى بىرنەشە رەت ارىز تۇسىرگەن.

پوليتسەيلەر تاۋىپ اكەپ بەرگەننەن كەيىن دە شارۋا مالىن تاعى دا ورىستە قاراۋسىز قالدىرعان. ىقتياتتىلىق تانىتپاعان سوڭ، مالىن تاعى دا تاپپاي قالعان.

پوليتسەيلەر شارۋانىڭ جىلقىلارىن قۇمكەشۋ اۋىلىنان 18 شاقىرىم الىستاپ كەتىپ قالعان جەرىنەن تاۋىپ اكەلگەن سوڭ، مالىن قاراۋسىز قالدىرعانى جانە قر ۆەتەريناريا تۋرالى زاڭنامالارىن ساقتاماعانى ءۇشىن وعان «قر اكىمشىلىك قۇقىق بۇزۋشىلىق تۋرالى» زاڭىنىڭ 406 - بابى، 1- ءبولىمىنىڭ 2- تارماعىنا سايكەس 20 ايلىق كورسەتكىش كولەمىندە ايىپپۇل سالدى.

سونىمەن قاتار پوليتسەيلەر تۇرعىندارعا مالىن تۇستەپ بەلگىلەپ، وعان ەن سالۋعا، ۇزىن اياقتى مالعا GPS جۇيەسىن سالدىرۋعا كەڭەس بەرەدى. ويتكەنى جوعالعان مالدى ىزدەۋ پوليتسەيلەرگە قارجى جاعىنان دا، ۋاقىت جاعىنان دا ۇلكەن كۇشكە تۇسەدى. ولار وسى تەككە كەتكەن ۋاقىتتى باسقا دا قىلمىستاردى اشۋعا جۇمسار ەدى.

وبلىستا وتكەن جىلى جانە 2019 جىلدى العاشقى ءۇش ايىندا مالدى ورىستە قاراۋسىز قالدىرۋدىڭ 91 فاكتىسى تىركەلگەن، ونىڭ جارتىسىندا عانا مال تابىلعان.

قوستاناي

سوڭعى جاڭالىقتار

ۇقساس جاڭالىقتار