فوتو: اشىق دەرەككوز
سانجار ابىشەۆ لوندوندا مەكتەپ جاسىنان بەرى تۇرادى. ول ۇلىبريتانياداعى اتاقتى Malvern College كوللەدجىن جانە ۋنيۆەرسيتەتتى تامامداعان.
ساياسي دوداعا كونسەرۆاتيۆتى پارتيانىڭ وكىلى رەتىندە ءتۇسىپ, باستى باسەكەلەستەرى – لەيبوريستەردەن 350 داۋىسقا وزىپ شىقتى. ناتيجەسىندە ول ۆەستمينستەر قالالىق كەڭەسىنىڭ (Westminster City Council) اتقارۋشى ورگانىنا مۇشە بولىپ ەندى. بۇل جاڭالىقتى كاسىپكەر قانات كوپباەۆ ءوزىنىڭ الەۋمەتتىك جەلىسىندە قۋانا حابارلادى.
«سانجار ابىشەۆ مەنىڭ دوسىمنىڭ ۇلى. قازاق وتباسىنان شىققان, بريتان ەليتاسىندا ەشقانداي تانىس-تامىرى جوق جىگىت تەك ءبىلىمى مەن ەڭبەگىنىڭ ارقاسىندا وسىنداي دارەجەگە جەتتى. بۇل – ونىڭ ۇلكەن ساياسي جولىنىڭ باستاماسى عانا دەپ سەنەمىن. ءوز اۋدانىڭا, قالاڭا جانە قازاق ەلىنە پايداڭدى تيگىزە بەر», دەپ جازدى كاسىپكەر.
ايتا كەتەيىك سەنت-دجەيمس اۋدانى – لوندوننىڭ ەڭ بەدەلدى ءارى تاريحي ايماقتارىنىڭ ءبىرى ساناتىندا. ول بۋكينگەم سارايىنا جاقىن, پيكاديللي مەن رەگەنت-ستريت كوشەلەرىنىڭ اراسىندا ورنالاسقان. بۇل اۋداندا كورولدىكتەگى ەڭ قىمبات جىلجىمايتىن م ۇلىكتەر مەن تاريحي سەنت-دجەيمس ساياباعى بار.
اسىلجان قۇرمانعالي
