فوتو: ەرلان ومار/egemen.kz
سەرىك جۇمانعارين الدىن الا ايتىلعان كەز كەلگەن قارجىلىق كورسەتكىش كەيىن رەسمي ۇستانىم رەتىندە قابىلداناتىنىن ايتىپ, ناقتى سانداردى اتاۋدان باس تارتتى. ونىڭ سوزىنشە, مەملەكەتتىك ورگاندار ۇسىناتىن باستاپقى ەسەپتەر كەيىن قايتا قارالىپ, قىسقارتىلادى.
«بىزگە كەز كەلگەن كولەمدەگى سوما ۇسىنىلۋى مۇمكىن. بىراق قارجى-ەكونوميكالىق بلوكتىڭ مىندەتى – سول شىعىنداردى ازايتۋ. ادەتتە ۇلتتىق ەكونوميكا جانە قارجى مينيسترلىكتەرىنەن وتكەننەن كەيىن كورسەتكىشتەر ەداۋىر قىسقارادى. ارتىق شتاتتار قىسقارتىلىپ, نەگىزسىز شىعىندار مەن جالاقى كولەمى قايتا قارالادى», دەدى ۆيتسە-پرەمەر پارلامەنت پالاتالارىنىڭ بىرلەسكەن وتىرىسىنان كەيىن وتكەن بريفينگتە.
ۆيتسە-پرەزيدەنت جانە حالىق كەڭەسى: جاڭا اتا زاڭ جوباسى ۆارشاۆادا تانىستىرىلدى
ونىڭ ايتۋىنشا, جاڭا قۇرىلىمداردى قارجىلاندىرۋدىڭ نەگىزگى تەتىگى رەتىندە ۇكىمەت رەزەرۆىن پايدالانۋ مۇمكىندىگى جوعارى.
ەسكە سالايىق, بيىل قاڭتار ايىندا وتكەن ۇلتتىق قۇرىلتايدىڭ V وتىرىسىندا مەملەكەت باسشىسى قاسىم-جومارت توقاەۆ قازاقستاندا حالىق كەڭەسى قۇرىلاتىنىن مالىمدەگەن ەدى. جاڭا ورگان قازاقستان حالقى اسسامبلەياسى مەن ۇلتتىق قۇرىلتايدىڭ فۋنكتسيالارىن بىرىكتىرىپ اتقارادى.
سونىمەن قاتار پرەزيدەنت ەلدە ۆيتسە-پرەزيدەنت لاۋازىمىن ەنگىزۋدى ۇسىنعان بولاتىن.
ۆيتسە-پرەزيدەنتتى تاعايىنداۋ ءتارتىبى: قۇرىلتايدىڭ ءرولى مەن جاڭا لاۋازىمنىڭ ماڭىزى
