فوتو: اشىق دەرەككوز
پارلامەنت پالاتالارىنىڭ بىرلەسكەن وتىرىسىنان كەيىن وتكەن بريفينگتە مينيستر ەلىمىزدەگى راستالعان گاز قورىنىڭ جاعدايى ءماز ەمەس ەكەنىن اشىق ايتتى. ونىڭ سوزىنشە, قازىرگى تومەن باعا جەكەمەنشىك كومپانيالار ءۇشىن ءتيىمسىز, سوندىقتان ولار گاز وندىرۋگە قىزىعۋشىلىق تانىتپاي وتىر.
ء«بىز ءالى دە گازدىڭ كوتەرمە باعاسىن كوتەرۋدى جوسپارلاپ وتىرمىز. باعا – ينۆەستورلار ءۇشىن ىنتالاندىراتىن ءارى تارتىمدى فاكتور. سوندىقتان وسى سالاعا ينۆەستور تارتۋ ءۇشىن بيىل تاعى ءبىر رەت گازدىڭ كوتەرمە باعاسىن كوتەرۋگە ءماجبۇر بولامىز», دەدى سەرىك جۇمانعارين.
ۆيتسە-پرەمەر ەگەر ىشكى ءوندىرىس باعانى كوتەرۋ ارقىلى ىنتالاندىرىلماسا, قازاقستاننىڭ سىرتتان كەلەتىن گاز يمپورتىنا تاۋەلدىلىگى ارتاتىنىن ەسكەرتتى. ال سىرتقى جەتكىزۋشىلەر باعا بەلگىلەۋ كەزىندە ەلىمىزدىڭ ىشكى الەۋمەتتىك جاعدايىن ەسكەرمەيدى.
ءمينيستردىڭ پايىمداۋىنشا, حالىق ءۇشىن گاز باعاسىن بولاشاقتا سالىستىرمالى تۇردە قولجەتىمدى دەڭگەيدە ساقتاۋدىڭ جالعىز جولى – ءوز ءوندىرىسىمىزدى ارتتىرۋ. ال بۇل تەك كوتەرمە تاريفتەردى ءوسىرۋ ارقىلى ينۆەستورلاردى قىزىقتىرۋمەن عانا جۇزەگە اسپاق.
