جەلى قولدانۋشىلارى كادرداعى ازاماتقا كۇش قولدانىلعانىن جازىپ, رەزونانس تۋدىردى. ۆەدومستۆو مالىمەتىنشە, 6 مامىر كۇنى اقتاۋ قالالىق پوليتسيا باسقارماسىنىڭ ارنايى قابىلداۋ ورنىندا اكىمشىلىك قۇقىق بۇزۋشىلىق جاساعانى ءۇشىن 15 تاۋلىككە قامالعان ازامات مەكەمەنىڭ ىشكى ءتارتىبىن بۇزعان. سونداي-اق ول پوليتسيا قىزمەتكەرلەرىنىڭ زاڭدى تالابىنا باعىنباي, اگرەسسيا تانىتقان.
«الەۋمەتتىك جەلىلەردە تاراعان كۇش قولدانۋ تۋرالى اقپارات شىندىققا سايكەس كەلمەيدى. پوليتسيا قىزمەتكەرلەرىنىڭ زاڭسىز ارەكەتتەرى راستالعان جوق», دەپ حابارلادى ۆەدومستۆو.
قوعامدىق ورىنداردا تۇمشالانىپ ءجۇرۋ: الماتى پوليتسياسى داۋلى ۆيدەوعا قاتىستى مالىمدەمە جاسادى
وسى فاكتى بويىنشا ازاماتقا قر اكىمشىلىك قۇقىق بۇزۋشىلىق تۋرالى كودەكسىنىڭ 667-بابى – قۇقىق قورعاۋ ورگانى قىزمەتكەرىنىڭ زاڭدى تالابىنا باعىنباۋ دەرەگى بويىنشا حاتتاما تولتىرىلعان.
جەلىدە تاراعان ۆيدەوداعى جىگىت اسكەرگە ءوز ەركىمەن بارا جاتقانىن ايتتى
قازىرگى تاڭدا ماتەريال سوتقا جولدانعان.
نۇربولات امانبەك
