قازىرگى تاڭدا اتامەكەن اۋىل وكرۋگىندە قاڭتار ايىندا ەگىلگەن قىرىققابات جينالىپ, رەسەيگە ەكسپورتتالۋدا. تۇركىستان وبلىسى اكىمىنىڭ ءباسپاسوز قىزمەتى ۇيىمداستىرعان پرەسس-تۋر كەزىندە باق وكىلدەرى العاشقى ەگىستىك القاپتا بولىپ, شارۋالاردىڭ جاي-كۇيىمەن تانىستى.جەتىسايلىق ديقاندار بيىلعى شارۋاشىلىق جۇمىستاردىڭ ناتيجەسى تابىستى باستالعانىن ايتۋدا.
«ءبىز قىرىققاباتتى قاڭتار ايىنىڭ 10 كۇنى ەكتىك. جابىندىنى دوعا ەتىپ جاپتىق. ارنايى دارۋمەندەرىن بەردىك. قازىر 40 ادامنان استام ادامدى جۇمىسپەن قامتىپ وتىرمىز. قىرىققاباتتىڭ كەلىسى 210 تەڭگگە باعالانۋدا. بۇل جەتىسايلىقتار ءۇشىن رەكوردتىق باعا. 3 گەكتار جەرگە 80 مىڭ ءتۇپ كەۆين جانە فاراون كوشەتتەرىن وتىرعىزدىق. العاشقى تەرىمدە-اق 20 توننا ءونىمدى رەسەي مەملەكەتىنە جونەلتىپ وتىرمىز», – دەدى «ىقىلاس» شارۋا قوجالىعى توراعاسى اراب ءراتوۆ.
بيىل اۋداندا كوكتەمگى دالا جۇمىستارى قارقىندى. قازىردىڭ وزىندە 40 مىڭ گەكتار جەر تىرمالانىپ, 25 مىڭنان استام گەكتار جەر قوپسىتىلدى. بيىل اۋدان بويىنشا 45 مىڭ گەكتارعا ماقتا ءشيتىن سەبۋ كوزدەلگەن. ماماندار بيىل جانار-جاعارماي مەن تىڭايتقىشتاردان تاپشىلىق بولمايتىنىن ايتۋدا.
