ايماقتار • 16 ءساۋىر، 2019

باقىت سۇلتانوۆ: قاۋىپسىز ءبىلىم بەرۋ ورتاسىن قالىپتاستىرۋ – ءبىزدىڭ باستى مىندەتىمىز

776 رەتكورسەتىلدى

«بالاعا قاۋىپسىز قالا» ءبىلىم بەرۋ باسقارماسىنىڭ كەڭەسىندە مەكتەپتەگى، كوشەدەگى جانە الەۋمەتتىك جەلىلەردەگى بالالاردىڭ قاۋىپسىزدىگى ماسەلەلەرى تالقىلاندى دەپ حابارلايدى قالا اكىمدىگىنىڭ رەسمي سايتى.

باقىت سۇلتانوۆ: «2020 جىلعا قاراي بىز بارلىق الەۋمەتتىك نىسانداردى قاۋىپسىزدىك جۇيەلەرىمەن قامتۋدى جوسپارلاپ وتىرمىز» «بالاعا قاۋىپسىز قالا» ءبىلىم باسقارماسىنىڭ القا وتىرىسىندا مەكتەپتە، ۇيدە، كوشەدە جانە الەۋمەتتىك جەلىلەردە بالالاردىڭ قاۋىپسىزدىگى ماسەلەسى تالقىلاندى،  دەپ حابارلايدى قالا اكىمدىگىنىڭ رەسمي سايتى. №68 مەكتەپتە قالا اكىمى باقىت سۇلتانوۆتىڭ توراعالىعىمەن كەڭەس ءوتتى. 

«ءبىز قالانى 2020 جىلعا دەيىن دامىتۋ باعدارلاماسىن قابىلدادىق. ونىڭ نەگىزگى باعىتتارىنىڭ ءبىرى – قالا تۇرعىندارىنا قولايلى جاعدايلار جاساۋ جانە ازاماتتارىمىزدىڭ قاۋىپسىزدىگىن قامتاماسىز ەتۋ. ءبىرىنشى كەزەكتە قالانىڭ الەۋمەتتىك نىساندارىنداعى قاۋىپسىزدىكتى قامتاماسىز ەتۋ كەرەك»، – دەدى باقىت سۇلتانوۆ. 

اكىمنىڭ ايتۋىنشا بالالاردى وقۋ ورىندارىنا قاۋىپسىز جەتكىزۋدى قامتاماسىز ەتۋ قالا بيلىگىنىڭ ەرەكشە باقىلاۋىندا. 

«ادامدار تاڭەرتەڭ بالاباقشاعا، مەكتەپكە بالالارىن اپارعان كەزدە جولداردا قيىندىقتار تۋىنداپ جاتادى. وسىنىڭ سالدارىنان بالالاردىڭ، مۇعالىمدەردىڭ جانە اتا-انالاردىڭ سول كۇنى زاياعا كەتەدى دەپ ايتۋعا بولادى. سول سەبەپتى ءبىز بارلىق مەكتەپتەردى قاۋىپسىز اۆتوتۇراقتارمەن، نىسانعا كىرەتىن جولدارمەن قامتاماسىز ەتۋ ماقساتىندا، ولاردى ارالاپ شىقتىق»،  – دەدى ب. سۇلتانوۆ. 

قالالىق ءبىلىم باسقارماسىنىڭ باسشىسى ءانۋار جانعوزين قاتىسۋشىلارعا كامەلەتكە تولماعانداردىڭ بوس ۋاقىتىن ءتيىمدى ۇيىمداستىرۋ ارقىلى جاسوسپىرىمدەر اراسىنداعى قۇقىق بۇزۋشىلىقتاردىڭ الدىن الۋ تۋرالى ايتىپ بەردى. 

«ءبىز ءبىلىم بەرۋ پروتسەسىن مۇمكىندىگىنشە قىزىقتى ەتىپ ۇيىمداستىرىپ، بالالار بوس ۋاقىتىندا ىسپەن اينالىسۋىن قالايمىز. اتاپ ايتقاندا، وقۋشىلاردى جوبالىق جۇمىستارعا قاتىستىرامىز. وسىنداي جۇمىستىڭ ناتيجەسىندە بوس ۋاقىتتى دۇرىس ۇيىمداستىرۋ جاسوسپىرىمدەر اراسىنداعى قۇقىق بۇزۋشىلىقتى ازايتاتىندىعىن كورىپ وتىرمىز»، – دەدى ءانۋار جانعوزين. 

باسقارما باسشىسىنىڭ ايتۋىنا قاراعاندا، 2019 جىلدىڭ باسىنان ەلوردادا مەكتەپ پەن كوللەدج وقۋشىلارى جاسايتىن قۇقىقبۇزۋشىلىقتاردىڭ سانى وتكەن جىلدىڭ سايكەس كەزەڭىمەن سالىستىرعاندا 43% تومەندەگەن. 

«مەكتەپتەر مەن كوللەدجدەردىڭ جالپى كونتينگەنتىنىڭ بيىل 17%-عا وسكەنىن ەسكەرۋ كەرەك. بۇنى ۇلكەن جەتىستىك دەپ ايتۋعا بولادى»، – دەدى ءا. جانگوزين. 

القا وتىرىسىندا ينكليۋزيۆتىك ءبىلىم بەرۋدى دامىتۋعا ەرەكشە كوڭىل ءبولىندى. بۇگىن ەلوردالىق بالالاردىڭ 80% ارنايى بىلىممەن قامتىلعان. ولاردىڭ بارلىعى كەپىلدەندىرىلگەن كومەك الادى. جاڭا وقۋ جىلىندا ەلوردانىڭ ءبىلىم باسقارماسى بۇل كورسەتكىشتى 100% جەتكىزۋدى جوسپارلاپ وتىر. دالىرەك ايتقاندا، بۇل – 8 مىڭعا جۋىق بالا. 

تاربيە جۇمىسىنا دا اسا ءمان بەرىلدى. اتاپ ايتقاندا، ءبىلىم بەرۋ ۇيىمدارىنىڭ قالالىق جانە اتا-انالار قاۋىمداستىعىمەن ىنتىماقتاستىق ماسەلەلەرى قارالدى. اتا-انالاردىڭ مونيتورينگ توبى، ادالدىق دۇكەندەرى، سالاۋاتتى ءومىر سالتىنا قاتىستى ءىس-شارالاردى وتكىزۋ جانە باسقا دا وزەكتى ماسەلەلەر كوتەرىلدى. 

«بالاعا قاۋىپسىز قالا» ءبىلىم باسقارماسىنىڭ القا جينالىسىنا قازاقستان رەسپۋبليكاسى پارلامەنتى سەناتىنىڭ دەپۋتاتتارى، قازاقستان رەسپۋبليكاسىنداعى بالالاردىڭ قۇقىقتارىن قورعاۋ جونىندەگى كوميسسار ساۋلە ايتپاەۆا، قازاقستان رەسپۋبليكاسىنىڭ ءبىلىم جانە عىلىم ءمينيسترى كۇلاش ءشامشيدينوۆا، ءماسليحات دەپۋتاتتارى، ۇكىمەتتىك ەمەس ۇيىمداردىڭ، اتا-انالار مەن قالالىق قاۋىمداستىقتاردىڭ وكىلدەرى، ءبىلىم بەرۋ ۇيىمدارىنىڭ باسشىلارى جانە مەكتەپ وقۋشىلارى قاتىستى.

سوڭعى جاڭالىقتار

اۋدان ءومىرىنىڭ ايناسى

ايماقتار • بۇگىن، 07:27

ارمان الاسارماسىن

رۋحانيات • بۇگىن، 07:22

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار