جاعدايدى جاقسارتادى
سارسەنبى, 20 ماۋسىم 2012 7:53
ىشكى ىستەر مينيسترلىگىنىڭ جەكە قۇرامىن كەزەكتەن تىس اتتەستاتتاۋدانوتكىزۋ ماسەلەسى بۇگىندە قوعامدا كەڭ تالقىلانۋدا. ءىشكى ىستەرورگاندارىنىڭ ارداگەرلەرى ىلگەرى دامىتاتىن باستامالار مەنتۇبەگەيلى وزگەرىستەردىڭ الدىڭعى قاتارىنداعى بەلسەندى توپ رەتىندە,زاڭنىڭ بۇزىلۋىن بولدىرماۋ ماقساتىندا اتتەستاتتاۋ كوميسسياسىنىڭجۇمىسىنا بەلسەندى تۇردە قاتىسۋدا.
سارسەنبى, 20 ماۋسىم 2012 7:53
ىشكى ىستەر مينيسترلىگىنىڭ جەكە قۇرامىن كەزەكتەن تىس اتتەستاتتاۋدانوتكىزۋ ماسەلەسى بۇگىندە قوعامدا كەڭ تالقىلانۋدا. ءىشكى ىستەرورگاندارىنىڭ ارداگەرلەرى ىلگەرى دامىتاتىن باستامالار مەنتۇبەگەيلى وزگەرىستەردىڭ الدىڭعى قاتارىنداعى بەلسەندى توپ رەتىندە,زاڭنىڭ بۇزىلۋىن بولدىرماۋ ماقساتىندا اتتەستاتتاۋ كوميسسياسىنىڭجۇمىسىنا بەلسەندى تۇردە قاتىسۋدا.
كەڭ كولەمدەگى شارانىڭ باستى ماقساتى – كادرلىق ساياساتتى نىعايتۋ, ەلىمىزدىڭ ىشكى تۇراقتىلىعىنا, قۇقىق تارتىبىنە, زاڭنىڭ ساقتالۋىنا جاۋاپتى ادامداردىڭ كاسىبي دەڭگەيىن جەتىلدىرۋ. ءىىم بۇل اتتەستاتتاۋدى جالپى پوليتسيا قىزمەتىن, شىن ءمانىندە, ءتيىمدى ەتۋگە مۇمكىندىك بەرەتىن شارا دەپ قابىلداۋدا. سەبەبى, 2011 جىلى استانا, الماتى, اقتوبە, جاڭاوزەن, تاراز قالالارىنداعى ورىن العان وقيعالار بارىسى قىسىلتاياڭ جاعدايلاردا پوليتسيانىڭ تالاپقا ساي قىزمەت ەتۋگە دايىن ەمەس ەكەندىگىن, ياعني كەيبىر پوليتسيا قىزمەتكەرلەرىنىڭ كاسىبي جانە پسيحولوگيالىق دەڭگەيىنىڭ ءالسىز ەكەندىگىن كورسەتتى. ۇرىسقا دايىندىق تاجىريبەسىنىڭ جوقتىعى, ارينە ماڭىزدى فاكتور, الايدا بۇل سىلتاۋ ەمەس.
ساراپتاما كورسەتكەندەي, قورعانۋدىڭ قاراپايىم ەرەجەلەرىن ساقتاعان جاعدايلاردا قىزمەتكەرلەردىڭ ءولىمىن بولدىرماۋعا بولاتىن ەدى. ۇستىنە نىساندىق فورما كيگەن ءاربىر قىزمەتكەر ءۇشىن قاجەتتى توزىمدىلىك پەن بايسالدىلىق, ءوزىن-ءوزى ۇستاي ءبىلۋ قاسيەتتەرى قازىرگى بۋىندا ازايىپ بارا جاتقانداي. مۇنى مەن جۇمىس ءتاجىريبەمە سۇيەنىپ ۇلكەن جاۋاپكەرشىلىكپەن ايتىپ وتىرمىن. مەنىڭ كەڭەس ميليتسياسىنداعى جۇمىس تاجىريبەم 31 جىلدى قۇرايدى. سوڭعى بەس جىلدا ءىىو جانە ءىا ارداگەرلەر كەڭەسىنە توراعالىق جاساپ كەلەمىن.
كادر ساياساتى ارقاشاندا باسشىلىق قۇرام مەن قول استىنداعىلاردىڭ, مەملەكەتتىك قۇرىلىمدار مەن اتقارۋشى بيلىكتىڭ, ەڭ باستىسى, حالىق پەن ولاردىڭ قۇقىعى مەن بوستاندىعى سەنىپ تاپسىرىلىپ, قورعاۋ قاتارىندا تۇرعانداردىڭ اراسىنداعى ءوزارا قارىم-قاتىناستىڭ كۇردەلى تىزبەگىندە ماڭىزدى بولىگى بولعان جانە بولىپ قالا بەرمەك. ارينە, سوڭعى كەزدەرى ىشكى ىستەر ورگاندارىنا كەزدەيسوق, پايداكۇنەم ادامداردىڭ كەلۋ دەرەكتەرى ورىن الىپ جاتقاندىعى ەشكىمگە دە قۇپيا ەمەس.
بۇقارالىق اقپارات قۇرالدارىندا مەملەكەت بەرگەن وكىلەتتىكتى پايدالانىپ, پوليتسيا قىزمەتكەرلەرىندە جات قىلىقتارمەن كوزگە ءتۇسىپ, وزدەرىن تەرىس پيعىلدى ساناسىزدار ەتىپ كورسەتۋ دەرەكتەرىن دە ءجيى كەزدەستىرۋگە بولادى. جەكە قۇرامدى اتتەستاتتاۋ ىرىكتەۋدىڭ, كۋرسانتتاردى, وفيتسەرلەردى, سەرجانتتار قۇرامىن وقىتۋدىڭ جاڭا ءتيىمدى تالاپتارىن انىقتاۋعا جانە بۇعان قوسا ومىرلىك ۇستانىمدارى جەكە باستارىنىڭ قامىن ويلايتىن, ارام نيەتتەرىن جۇزەگە اسىرۋ ءۇشىن كەلگەن قىزمەتكەرلەردەن پوليتسيانىڭ قاتارىن تازارتۋعا دا مۇمكىندىك بەرەدى.
2011 جىلدىڭ ءساۋىر ايىنان باستاپ شىعىس قازاقستان وبلىستىق ءىىد-دە ىشكى ىستەر ورگاندارىنا قىزدار مەن جاس ءجىگىتتەردى قابىلداۋعا باق ارقىلى تاپسىرىس بەرۋ تاجىريبەسى جۇزەگە اسىرىلۋدا. وسى ارقىلى حالىق اراسىندا اشىقتىق قامتاماسىز ەتىلىپ, ىرىكتەۋگە ەرەكشە دايىندىعى بار لايىقتى جاستار تارتىلادى. بولاشاق پوليتسەيلەرگە قويىلاتىن تالاپتار نەگىزدى ءارى اسا قاجەتتى بولعانى ءجون. بۇگىنگى كۋرسانتتاردان, ياعني ەرتەڭگى پوليتسەيلەردەن قىلمىستىڭ اشىلۋى, قۇقىق بۇزۋشىلىقتىڭ الدىن الۋ ساپاسى جوعارى دەڭگەيدە تالاپ ەتىلەتىن بولادى. مۇنىڭ ءبارى جالپى العاندا ەلىمىزدەگى تۇراقتىلىققا تىكەلەي بايلانىستى. كەزەكتەن تىس اتتەستاتتاۋ قىزمەتتىك, دەنە شىنىقتىرۋ جانە جاۋىنگەرلىك دايارلىقتى جەتىلدىرۋ بويىنشا كادر اپپاراتى جۇمىسىنداعى ءالسىز تۇستاردى انىقتاۋى ءتيىس, بۇل ءوز كەزەگىندە مىندەتتەرىنە سالاق قىزمەتكەرلەردەن ارىلۋعا ءمۇمكىندىك بەرەدى.
نۇرلىبەك ۇدەرباەۆ,
شىعىس قازاقستان وبلىسى ءىىو جانە ءىا ارداگەرلەر كەڭەسىنىڭ توراعاسى.
وسكەمەن.
