الدىمەن «قازىعۇرت» يندۋستريالدى ايماعىنا ايالداعان ءوڭىر باسشىسى ونداعى كاسىپورىندار مەن وندىرىلەتىن ءونىم تۇرلەرىمەن تانىستى. اۋەلى ايماقتا ورنالاسقان سۋسىن وندىرەتىن كورىك جشس-نا باردى. الكوگولسىز تابيعي شىرىندى سۋسىندار شىعاراتىن كاسىپورىن 2017 جىلدان باستاپ جۇمىس ىستەيدى. قازىرگى تاڭدا كاسىپورىن تاۋلىگىنە 8 توننا سۋسىن وڭدەيدى. وندا 21 ادام تۇراقتى جۇمىسپەن قامتىلعان.
ودان كەيىن ومىرزاق شوكەەۆ شاراپحانا اۋىل وكرۋگىندە ورنالاسقان «قازىعۇرت نۇرى» جشس-ءنىڭ جىلىجايىندا بولدى. جالپى ايماعى 2,9 گەكتاردى قۇرايتىن قىزاناق پەن قيار وسىرەتىن شارۋاشىلىقتى ارالادى. 2001 جىلدان باستاپ جۇمىس ىستەپ كەلە جاتقان سەرىكتەستىكتىڭ توراعاسى امانجول اشىرباەۆتىڭ ايتۋىنشا, جىلىجايدان وتكەن جىلى جالپى 340 توننا ءونىم الىنعان. الداعى ۋاقىتتا ءونىم كولەمىن ۇلعايتۋ جوسپارلانۋدا. جىلىجايدا 12 ادام تۇراقتى جۇمىسپەن قامتىلسا, ماۋسىم كەزىندە ولاردىڭ سانى 30-35 ادامعا دەيىن جەتەدى. ايلىق جالاقىلارى 55-70 مىڭ تەڭگە كولەمىندە. شارۋاشىلىق جۇمىسىمەن تانىسقان ءوڭىر باسشىسى شارۋالارعا جىلىجاي كەشەنىنە قاجەتتى جابدىقتاردى وتاندىق وندىرۋشىلەردەن الۋ قاجەتتىگىن ايتتى.
سونداي-اق, وبلىس اكىمى قازىعۇرت اۋدانىنا ساپارى اياسىندا 70 گەكتار جەرگە قارقىندى باۋ شارۋاشىلىعىن دامىتىپ وتىرعان «بىرلىك» اوك وندىرىستىك كووپەراتيۆىنىڭ جۇمىسىن ارالاپ كوردى. وندا قازىر المانىڭ «گولدەن», «دەليشەس», «رەد دەليشەس», «گالا فۋدجي», «گرەني», «سميت» سىندى تۇرلەرى وسەدى. ايماق باسشىسى الما باۋ كولەمىن ۇلعايتۋ ماقساتىندا قوجالىق يەسىنە تۇركىستان قالاسىنان جەر تەلىمى بەرىلەتىنىن ايتتى. سونداي-اق, قارقىندى باۋ كولەمىن كوبەيتۋدە اۋدان باسشىلىعىنا كاسىپكەرلەر ءۇشىن مەملەكەتتىك قولداۋ مەن جەر ماسەلەلەرىن دەر كەزىندە شەشۋ قاجەتتىگىن تاپسىردى.
بۇدان باسقا, «قايىپ اتا» جشس قوجالىعىنىڭ جۇمىس بارىسىمەن تانىسقان وبلىس اكىمى ومىرزاق شوكەەۆ شەتەلگە ەت ءونىمىن ەكسپورتتاۋ ءۇشىن قوجالىقتى ارنايى رەەستر تىزىمىنە قوسىپ, قولداۋ كورسەتىلەتىنىن جەتكىزدى. «قايىپ اتا» جشس-ءنىڭ مال بورداقىلاۋ كەشەنى قازىعۇرت اۋدانىنداعى جاڭابازار اۋىلىندا ورنالاسقان. كەشەندە بۇگىندە 5 مىڭعا جۋىق ءىرى قارا بورداقىلانۋدا. كەشەندە وسىرىلەتىن ءتورت ت ۇلىكتىڭ ەتى ەكولوگيالىق جاعىنان تازا ءارى ساپالى بولعاندىقتان سۇرانىس وتە جوعارى. سوندىقتان سەرىكتەستىك ەت ءوندىرىپ قانا قويماي, ونى شەت ەلدەرگە ەكسپورتتاۋ جۇمىسىن دا قولعا العان.
