قىلمىستىق احۋال قالىپتى

سارسەنبى, 6 ماۋسىم 2012 7:06

باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋجونىندەگى كوميتەتى 2012 جىلدىڭ 5 ايىندا ەلدەگى تىركەلگەن قىلمىسدەڭگەيى وتكەن جىلدىڭ وسىنداي كەزەڭىمەن سالىس­تىرعاندا 78,0%, ونىڭىشىندە اۋىر قىلمىس 27,0 % وسكەندىگىن حابارلادى.

ونىڭ سىرى بۇرىن ەسەپتەن نە­عۇرلىم كوبىرەك جاسىرىلاتىن قىل­مىس تۇرلەرىنىڭ كورسەتكىشى ەندى ناق­تى قوسىلعان كورىنەدى. ماسەلەن, ۇر­لىق – 102,6% (34 775-تەن 70 454-كە), بۇزا­قى­لىق – 127,2% (2 851-دەن 6 478), الاياقتىق – 88,2% (4 415-تەن 8 309-عا), توناۋ – 48,2% (5 855-تەن 8 677-گە) وسكەندىگى ەسكەرىلگەن. ءسويتىپ, قىل­مىس­تاردىڭ بۇل تۇرلەرى جالپى ءتىر­كەل­گەن قىلمىستاردىڭ 83%-ىن قۇ­راي­دى. ونىڭ ىشىندە اسا اۋىر قىل­مىس ءتۇر­لەرى 1,3%, اۋىر – 11,7%, اۋىر­لىعى ور­تاشا 79,2%, اسا اۋىر ەمەس 7,8% بولىپ وتىر. ەلىمىزدىڭ بار­لىق ايماق­تا­رىندا قىلمىستىڭ مۇنداي ءوسۋ دەڭ­گەيىن بيىلدان باستاپ قۇقىق قورعاۋ ورگاندارىندا ارىز بەن وتىنىشتەردىڭ بارلىق ءتۇرىن ءبىر­ىڭعاي تىركەۋدىڭ ەن­گىزىلۋىمەن, سون­داي-اق قىلمىستاردى, ونىڭ ىشىندە ورتاشا جانە جەڭىل قىلمىستاردى اشۋداعى كورسەتكىش قۋ ۇردىسىنەن باس تارتۋمەن تۇسىندىرۋگە بولادى.

 جالپى ەلىمىزدەگى قىلمىستىلىق احۋالى قالىپتى دەۋگە بولادى. ءويت­كەنى اۋىر قىلمىستار دەڭگەيى 2,8%, كىسى ءولتىرۋ 3,6% تومەندەدى. ءسويتىپ, تىركەۋدىڭ اشىقتىعى مەن قىلمىستىڭ اشىلۋ كورسەتكىشىن كوتەرمەلەۋگە مۇددەلىلىكتىڭ جوقتىعى قىلمىس­تار­دى تىركەۋدىڭ ناقتىلىعىن قامتاما­سىز ەتتى, دەپ حابارلادى باس پرو­كۋ­راتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ ءباسپاسوز قىزمەتى.