قازاق حالقىنىڭ تاريحىن تەرەڭىرەك زەردەلەۋدى ماقسات ەتكەن «بابالار ىزىمەن» عىلىمي ەكسپەديتسياسى ءوز ساپارىن جالعاستىرادى. ساپار ىسقاقوۆ باستاعان توپ بۇل جولى گرۋزيا, ازەربايجان يران جانە تۇركيا ەلدەرىن ارالاپ, وسى مەملەكەتتەرمەن قازاق ۇلتىنىڭ تاريحي بايلانىسىن زەرتتەيدى
گرۋزيادا ەكسپەديتسيا مۇشەلەرىن ەل پرەزيدەنتى سالوم
زۋرابيشۆيلي قابىلدايدى. كەزدەسۋدە تاراپتاردىڭ بىرلەسكەن زەرتتەۋ جۇرگىزۋ جوسپارى
تالقىلانباق. سونىمەن قاتار ازەربايجان, يران جانە تۇركيا ەلدەرىندە ەتنيكالىق
قازاقتارمەن كەزدەسۋلەر ۇيىمداستىرىلىپ, ءتۇرلى جادىگەرلەر مەن كىتاپتار,
ارحەولوگيالىق ەسكەرتكىشتەردىڭ تاريحى تەرەڭنەن زەرتتەلىپ, ولاردى ساقتاۋ جولدارى
قاراستىرىلادى. «گرۋزيانىڭ پرەزيدەنتىمەن كەزدەسكەن ۋاقىتتا وعان قوياتىن تىلەگىم,
گرۋزيانىڭ اۋماعىندا وتە كوپ بالبالدار تۇرىك تۇقىمدى ەلدەر, ونىڭ ىشىندە
قىپشاقتاردىڭ. اسىرەسە مىناۋ بۇرىنعى سوعىس ۋاقىتىندا قايتقان ادامداردىڭ باسىنا
قوياتىن بەلگىلەر, قۇلپىتاس دەپ ايتۋعا بولادى. ولار ءار تۇرمەن ىستەگەن. ادامنىڭ
جانۋارلاردىڭ. سولار كوبىسى قازىر دۇرىس ساقتالماي جاتىر. كوبىسى ۇرلانىپ جاتىر,
قيراپ جاتىر. ەندى سولاردى ۇكىمەتتىڭ قورعاۋىنا الۋ. ءبىزدىڭ ينستيتۋتتار
بىرىمەن-ءبىرى قاتىناس جاساۋى كەرەك. ولاردا كوپ جاتقان ماتەريالدار بار. ول ءۇشىن ەسكى
گرۋزين ءتىلىن ءبىلۋ كەرەك. قانشاما اقپاراتتار جاتىر. ءبىز ونى بىلمەي وتىرمىز», –
دەيدى ساپار ىسقاق ۇلى.
الماتى
