اتقارۋشى بيلىك جانە قۇقىق ساياساتى
بەيسەنبى, 17 مامىر 2012 8:19
تۇڭعىش رەت ءوتىپ تۇرعان زاڭگەرلەر سەزى زاڭگەرلەر ءۇشىن جاعىمدى جاڭالىق بولىپ وتىر جانە ۇلكەن جاۋاپكەرشىلىك تە جۇكتەيدى. ارينە, ەلىمىزدىڭ قۇقىقتىق دامۋى ءۇشىن زاڭداردىڭ ءاردايىم ۋاقىت تالابىنا قاراي جەتىلدىرىلىپ وتىرعانى ماقۇل. دەمەك, بۇل سەزد زاڭنامانى جەتىلدىرىلۋگە جانە ادامدار قۇقىعىنىڭ قورعالۋىنا, زاڭداردىڭ جۇزەگە اسۋىنا وزىندىك ۇلەس قوسادى.
بەيسەنبى, 17 مامىر 2012 8:19
تۇڭعىش رەت ءوتىپ تۇرعان زاڭگەرلەر سەزى زاڭگەرلەر ءۇشىن جاعىمدى جاڭالىق بولىپ وتىر جانە ۇلكەن جاۋاپكەرشىلىك تە جۇكتەيدى. ارينە, ەلىمىزدىڭ قۇقىقتىق دامۋى ءۇشىن زاڭداردىڭ ءاردايىم ۋاقىت تالابىنا قاراي جەتىلدىرىلىپ وتىرعانى ماقۇل. دەمەك, بۇل سەزد زاڭنامانى جەتىلدىرىلۋگە جانە ادامدار قۇقىعىنىڭ قورعالۋىنا, زاڭداردىڭ جۇزەگە اسۋىنا وزىندىك ۇلەس قوسادى.
ەلىمىز تاۋەلسىزدىگىن العان 20 جىلدىڭ ىشىندە قازاقستان قۇقىقتىق جاعىنان كوپ العا دامىدى. قازاقستاندا قازاق حالقىمەن بىرگە تاتۋ-ءتاتتى ءومىر ءسۇرىپ جاتقان بارلىق ۇلىستىڭ وكىلدەرى, ياعني قازاقستان ازاماتتارى ەشنارسەگە ءزارۋ ەمەس. اتا زاڭىمىز ولارعا ادامنىڭ باقىتتى بولۋى ءۇشىن ءومىر ءسۇرۋ, وقۋ, دەمالۋ, ەڭبەك ەتۋ سياقتى بارلىق قۇقىن بەردى.
قازاقستان رەسپۋبليكاسىنىڭ 2010-2020 جىلدارعا ارنالعان قۇقىقتىق ساياسات تۇجىرىمداماسىنا سايكەس ۇلتتىق زاڭنامالاردى جاڭعىرتۋ جانە جەتىلدىرۋ جونىندە شارالار قابىلدانىپ, جۇمىستار جۇرگىزىلۋدە. ءبىزدىڭ ەلىمىزدە قۇقىقتىق جۇيەنىڭ نەگىزى – اركىمنىڭ كونستيتۋتسيالىق قۇقىعى بولىپ تابىلادى. بيلىكتىڭ دەموكراتيالىق ۇستانىمدارى زاڭنامالىق, اتقارۋشىلىق جانە سوت تارماعىنا ءبولىنىپ, ايقىندىققا يە بولدى. سونىمەن بىرگە, ولاردىڭ قىزمەتى ءبىرىمەن ءبىرى بايلانىستى. ەل كونستيتۋتسياسىنا جانە دە وزگە زاڭ اكتىلەرىنە وزگەرىستەر مەن تولىقتىرۋلار ەنگىزىلۋىنە وراي, مەملەكەتتىك بيلىك جۇيەسىندەگى مەملەكەتتىك ورگانداردىڭ ورنى مەن اتقارار ءرولىنىڭ ماڭىزى ارتا ءتۇستى.
قازىرگى ۋاقىتتا اتقارۋشى بيلىكتىڭ بارلىق قۇقىق سالاسىنداعى جاڭارۋ ۇدەرىسىنە قاتىسۋى وزەكتى ءىستىڭ ءبىرى بولۋدا. قازاقستان تاۋەلسىزدىگىن العان جىلداردىڭ بارلىعىندا بۇگىنگى ىقپال ەتىپ وتىرعان زاڭدار بىرنەشە مارتە تۇزەتۋدەن ءوتتى, سوعان سايكەس ءتۇرلى شارالار جۇزەگە استى. ەسكىرگەن, تيىمدىلىگى ازايعان نورمالار الىنىپ تاستالدى. مۇنىڭ بارلىعى دا ەلىمىزدىڭ قۇقىقتىق ءوسۋ جولىنداعى جاسالعان جۇمىستىڭ كورىنىسى دەۋگە بولادى. ءبىز وزىق ەلدەردىڭ قاتارىنان كورىنۋىمىز ءۇشىن زاڭدىق جانە قۇقىقتىق نورمالاردى بارىنشا رەتتەپ, ولاردى جەتىلدىرۋىمىز كەرەك. سول ءۇشىن الداعى ۋاقىتتا نورما شىعارماشىلىق قىزمەتتى دامىتۋ جانە ونى ساپالىق دەڭگەيگە كوتەرۋ ءۇشىن قاجەتتى شارالار جۇزەگە اسىرىلاتىن بولادى. ول دەگەنىمىز – بولاشاققا زاڭدىق-جوبالىق قىزمەتتى جوسپارلاۋ, نورماتيۆتىك-قۇقىقتىق اكتىلەر جوباسىنىڭ عىلىمي ساراپتاماسىن ەنگىزۋ.
جانار قاجىعاليەۆا,
قوستاناي وبلىسى اكىمى اپپاراتى مەملەكەتتىك-قۇقىقتىق ءبولىمىنىڭ باس ينسپەكتورى.
