وڭىرلىك كاسىپكەرلەر پالاتاسى عيماراتىندا قىزمەت كورسەتۋدىڭ 5 ايماعى جۇمىس ىستەيدى. «قارجىلاندىرۋ» ايماعىندا «اتامەكەن» ميكروقارجى ۇيىمى, اگرارلىق نەسيەلەندىرۋ كورپوراتسياسى, «دامۋ» كاسىپكەرلىكتى قولداۋ قورى, «كاسپي» اكك جانە ەكىنشى دەڭگەيلى بانكتەر قىزمەتتەرى ۇسىنىلعان بولسا, «وتكىزۋ» ايماعىندا بيزنەسكە ارنالعان ماركەتينگ, بۋحگالتەر قىزمەتى, ەكسپورتتىق سۇيەمەلدەۋ, تاۋار وتكىزۋ تىزبەكتەرى, مەملەكەتتىك ساتىپ الۋ, CT KZ سەرتيفيكاتىن بەرۋ, بيزنەس جانە ساۋدا سالاسىن باسقارۋ باعىتتارى بويىنشا قىزمەتتەر كورسەتىلەدى. ال, «تسيفرلى قىزمەت كورسەتۋ» ايماعىندا «Atameken services» پورتالى ارقىلى كاسىپكەرلەر ونلاين رەجيمىندە 8 باعىت بويىنشا قاجەتتى قىزمەت تۇرلەرىن الا الادى, وقۋ كۋرستارىنا قاتىسىپ, جوبالارىن قارجىلاندىرۋعا ءوتىنىش جىبەرە الادى. 2018 جىلدىڭ تامىزىنان بۇگىنگە دەيىن 544 ادام وسى قىزمەت تۇرىنە جۇگىنگەن. سونداي-اق, «قۇقىقتىق سۇيەمەلدەۋ» ايماعىندا كاسىپكەرلەردىڭ قۇقىعىن جانە زاڭدى مۇددەلەرىن قورعاۋ قىزمەتى ۇسىنىلادى. كاسىپكەرلەر اراسىنداعى داۋلاردى سوتقا دەيىن مەدياتورلار كومەگىمەن شەشۋ ماسەلەسى نازاردا. 2018 جىلى كاسىپكەرلەر پالاتاسىنىڭ ارالاسۋىمەن 2,2 ملرد تەڭگە كولەمىندە كاسىپكەرلەردىڭ قۇقىقتارى قورعالدى. وسى كەزەڭدە 133 كاسىپكەر قۇقىقتىق كومەك سۇراپ حابارلاسقان بولسا, سونىڭ 53%-ى وڭ شەشىمىن تاپتى. «وقىتۋ» ايماعىندا «اتامەكەن» كاسىپكەرلەرگە ارناپ وقۋ كۋرستارىن جۇرگىزەدى, سونداي-اق, جۇمىسپەن قامتۋ, بوس جۇمىس ورىندارى مونيتورينگى جايلى ماعلۇماتتار بەرىلەدى. وتكەن جىلى كاسىپكەرلەر پالاتاسىنىڭ مۇرىندىق بولۋىمەن 2011 ادام ءبىلىم الىپ, جالپى سوماسى 1,3 ملرد تەڭگە كولەمىندە 338 جوبا قارجىلاندىرىلدى.
-«بيزنەسكە ارنالعان ۇكىمەت» جوباسى ارقىلى ءار كاسىپكەر ءوزىنىڭ بيزنەسىن دامىتۋ, بىلىكتىلىكتى جوعارىلاتۋ مەن قارجىلاندىرۋعا قاتىستى كونسۋلتاتسيالار مەن قىزمەت كورسەتۋدىڭ كەڭ اۋقىمىن الا الادى. كاسىپكەرلەرگە بارلىق قىزمەتتەردى ءبىر جەردەن الۋعا جاعداي جاسالعان. ەڭ باستىسى كاسىپكەرلەر, ورىن العان ماسەلەنىڭ كۇردەلىلىگىنە قاراماستان, قايدا بارىپ, جۇگىنۋ قاجەت ەكەنىن ناقتى بىلەدى. «بيزنەسكە ارنالعان ۇكىمەت» ارقىلى ءبىز كاسىپكەرلەرگە ارنالعان بىرىڭعاي حاب قۇرامىز, بۇل جۇمىس, جالپى العاندا, ەل ەكونوميكاسىنا وڭ اسەر ەتەتىن بولادى. «اتامەكەن» كەلەشەكتە اتالعان جوبانى رەسپۋبليكانىڭ بارلىق وڭىرلەرىندە مۋلتيپليكاتتاۋدى جوسپارلاپ وتىر», – دەپ اتاپ ءوتتى «اتامەكەن» قر ۇكپ باسقارما توراعاسى ا. مىرزاحمەتوۆ.
جۇمىس ساپارى بارىسىندا قازاقستان پرەزيدەنتى قاسىم-جومارت توقاەۆ وڭىردە «باستاۋ» جوباسى ارقىلى كاسىپ اشقان ىسكەرلەرمەن كەزدەستى. سولاردىڭ ءبىرى- التىنگۇل قاۋقاروۆا. ول كاسىپكەرلىك نەگىزدەرىنەن ءبىلىم الىپ, شەتپە اۋىلىندا بالاباقشا اشتى. بارلىعى 10 ملن تەڭگە نەسيە «اتامەكەن» وڭىرلىك ميكرو قارجىلىق ۇيىمىنان ءبولىندى. تۇپقاراعان اۋدانىنان ايتورە بۇحاەۆا ستوماتولوگيالىق كابينەت اشتى. ەندى تۇرعىندار اۋدان اۋماعىنان ۇزاماي-اق كەشەندى ەم قابىلداي الادى. قۇرىق اۋىلىنان جاس كاسىپكەر كومەكباي قويباعار تۇيە شارۋاشىلىعىن قولعا الدى. قازىر اۋىل حالقىن ءسۇت ونىمدەرىمەن قامتاماسىز ەتىپ وتىر.
2018 جىلى «باستاۋ» بويىنشا 1056 ادام وقۋعا قاتىستى, ونىڭ ىشىندە 305-ءى جەكە كاسىبىن باستاپ, 1 مىڭعا جۋىق جۇمىس ورنىن اشتى.
جالپى ماڭعىستاۋ وبلىسىندا 2018 جىلى كاسىپكەرلىك سالاسىنا بەرىلگەن نەسيە كولەمى 11,9 ملرد تەڭگەنى قۇرايدى. جالپى سوماسى 4,8 ملرد تەڭگە 424 جوبانى سۋبسيديالاۋعا ءبولىندى. «بيزنەستىڭ جول كارتاسى-2020» باعدارلاماسى بويىنشا 168 جوباعا 3,3 ملرد تەڭگە ءبولىندى, ال «نۇر كاپيتال» باعدارلاماسى شەڭبەرىندە 44 جوباعا 845,4 ملن تەڭگە جۇمسالدى. ال, شاعىن نەسيە رەتىندە 710 جوباعا 7,1 ملرد تەڭگە بولىنگەن.
ماڭعىستاۋ وبلىسى
