قوستاناي شەكارا وتريادىنىڭ «قايراق-اۆتو» بولىمشەسىندە 58 جاستاعى قازاقستاندىق ۇستالدى. ول رەسەي ارقىلى گەرمانياعا قاراي جول تارتقان ەكەن. قىزمەتتىك يت بۇل ازاماتتى ەسىرتكى تاسىمالداۋشى رەتىندە مەڭزەدى. جەكە الىپ شىعىپ تەكسەرۋ بارىسىندا شەكاراشىلار ونىڭ كۇرتەشەسىنىڭ ىشكى قالتاسىنان وسىمدىك تەكتى كەپتىرىلگەن جاسىل زات ورالعان تۇيىنشەك تاۋىپ, ونىڭ «ماريحۋانا» ەسىرتكىسى ەكەندىگى انىقتالدى.
ۇستالعان ازامات ايعاق زاتىمەن قارابالىق اۋداندىق پوليتسيا بولىمىنە تاپسىرىلدى.
پەتروپاۆل شەكارا وتريادىنىڭ «مامليۋتكا تەمىرجول» بولىمشەسىندە شەكارا ناريادىنىڭ قىزمەتتىك ءيتى «قاراعاندى-ماسكەۋ» باعىتىنداعى № 83 جولاۋشىلار پويىزىنىڭ ۆاگوندارىنىڭ ءبىرىنىڭ اجەتحاناسىنان اجەتحانا قاعازدارىنا ورالعان «گاشيش» ەسىرتكىسىن تاۋىپ, پەتروپاۆلوۆسك جەلىلىك پوليتسيا بولىمىنە تاپسىردى.
