ءوز سوزىندە اتاپ وتكەندەي, پرەزيدەنتتىڭ ۇكىمەت, پارلامەنت جانە پارتيا باسشىلارىمەن اقىلداسا وتىرىپ قابىلداعان بۇل شەشىمى ەلدەگى تىنىشتىقتى, ساياسي-الەۋمەتتىك تۇراقتىلىقتى ساقتاۋ ماقساتىندا قابىلدانىپ وتىر دەپ ەسەپتەيمىز. دەموكراتيالىق قوعامدا رەتىمەن, تارتىبىمەن بولاتىن كەزەكتى سايلاۋ قازاقستان ءۇشىن سىندارلى جاڭا كەزەڭنىڭ باستاۋى بولماق.
قاسىم-جومارت كەمەل ۇلىنىڭ تۇڭعىش پرەزيدەنتىمىزدىڭ قاسىندا سەنىمدى سەرىگى ءارى ءىزباسار كومەكشىسى بولىپ كوپ جىلدار قىزمەت اتقارىپ كەلگەنى ءمالىم. عىلىم مەن تەحنولوگيانىڭ قارقىندى دامۋى, قازىرگى زامانداعى الەمدە بولىپ جاتقان الەۋمەتتىك-ەكونوميكالىق, مادەني جانە ساياسي وزگەرىستەر بىزگە دە كوپتەگەن تالاپ قويىپ وتىر. سول سەبەپتى ەل باسقارۋ ىسىندە مول ءتاجىريبە جيناپ, ەل ىشىندەگى ماسەلەلەرگە قانىق بولىپ جۇرگەن پرەزيدەنتىمىزدىڭ يگى باستامالارىنا حالىق بولىپ قولداۋ ءبىلدىرۋىمىز كەرەك دەپ ەسەپتەيمىن.
ەل بىرلىگى مەن بەيبىتشىلىگى – باستى قۇندىلىعىمىز! حالقىمىزدىڭ نەگىزگى ماقسات-مۇراتى وسى ەكەنى بارشاعا ايان. بەيبىت, توقشىلىق زامان بولماي, ونەر-ءبىلىم, مادەنيەتتىڭ دە دامۋى ەكىتالاي. سوندىقتان رەسپۋبليكامىزداعى تۇراقتىلىقتىڭ كەپىلى بولىپ وتىرعان قازىرگى ۇستانعان باعىتىمىز جالعاسىن تابادى دەپ ويلايمىن. بۇل سايلاۋ – ەلدەگى بەيبىتشىلىك پەن كەلىسىمدى ساقتاي وتىرىپ, الەۋمەتتىك-ساياسي جاڭعىرۋعا, الەمنىڭ وزىق ەلدەرى قاتارىنا قوسىلۋ جولىندا جاڭا دەموكراتيالىق ەركىن بولاشاقتى قۇرۋعا مۇمكىندىك بەرمەك.
ارمان جۇدەباەۆ,
قۇرمانعازى اتىنداعى قازاق ۇلتتىق كونسەرۆاتورياسىنىڭ رەكتورى
