«بۇل ءبىز كۇتكەن جاعداي ەدى. ەندى 9 ماۋسىمدا بارلىق كۇشتى جۇمىلدىرىپ, حالىق بولىپ جاڭا پرەزيدەنتتى تاڭداۋعا ءتيىسپىز. بۇكىلحالىقتىق زاڭدى سايلاۋ وتكىزۋدىڭ, زاڭدى پرەزيدەنت سايلاپ الۋدىڭ ءدال وسى جەردە تاريحي ءمانى بار », -دەپ اتاپ ءوتتى راحمان الشانوۆ.
راحمان الشانوۆ, ءسوز اراسىندا وسىنداي ساياسي ناۋقان كەزىندە ايماقتار ورتالىقتان شالعاي ورنالاسقان ايماقتار الماتى, استانا ءتارىزدى باس قالالارداعى كوزقاراسقا قاراپ كوشىن تۇزەيتىنىن ايتىپ ءوتتى. «ءبىز, قوعامدىق كەڭەستىڭ مىنبەرىنەن سپيكەرلەردىڭ پىكىرىن حالىققا جەتكىزۋگە مۇمكىندىك بەرۋگە دايىنبىز», -دەپ ءسوز كەزەگىن ديپلومات, قوعام قايراتكەرى يكرام ادىربەكوۆكە بەردى.
يكرام ادىربەكوۆ ەڭ الدىمەن, 2019 جىلدىڭ 19 ناۋرىزىنان بەرگى ەلدىڭ قوعامدىق ساياسي ءومىردىڭ بارومەترتىندەگى وزگەرىستەرگە توقتالىپ ءوتتى. ديپلوماتتىڭ پايىمداۋىنشا, «ەلدە الداعى ءومىر قالاي بولادى؟» دەگەن الاڭ كوڭىل بار. وسىنداي كۇردەلى كەزەڭدە بيلىكتىڭ اۋىسۋىن زاڭداستىرىپ الۋ كەرەك. ۋاقىتشا بيلىكتى شەت ەل مويىندامايدى.
«قازىر حالىقارالىق قۇقىقتى ايناداي ءمولدىر دەپ ەشكىم ايتا المايدى. حالىقارالىق قۇقىق بۇزىلدى. الپاۋىت ەلدەر حالىقارالىق تالاپتاردى بەلدەن باسىپ, ۇستەمدىگىن ورناتۋعا تىرىسىپ جاتىر. الەمدىك ەكونوميكا سىر بەردى. اقش ەكونوميكاسى 2018 جىلدى 6 پايىزدىق وسىممەن اياقتادى. ەگەر, ەكونوميكا 7 پايىزدان ءتۇسىپ كەتسە, مەملەكەت بيۋدجەتتى ۇنەمدەۋگە تىرىسادى. ۇنەمدەۋ جۇمىس ورىندارىن, الەۋمەتتىك تولەمدەردى قىسقارتۋ دەگەن ءسوز
«بۇل 28 جىلدان بەرگى ەڭ تومەنگى كورسەتكىش. قىتايدىڭ دا الىس-جاقىن ەلدەرگە دەگەن ينۆەستيتسياسى كەيىنگە شەگەرىلىپ جاتىر. ءبىز وسىنداي كەزدە بيلىك اۋىستى. ءدال قازىر تۇراقتىلىقتىڭ جانە سەنىمنىڭ ماڭىزدى ەكەنىن ءبىز بىلەمىز», -دەپ اتاپ ءوتتى يكرام ادىربەكوۆ.
ودان ءارى سپيكەر قازىرگى پرەزيدەنت قاسىم-جومارت توقاەۆتى شيرەك عاسىردان بەرى بىلەتىنىن ايتىپ ءوتتى.
«قاسىم –جومارت توقاەۆ الداعى سايلاۋدىڭ ءادىل جانە اشىق وتەتىنىنە كەپىلدىك بەردى. ەلباسى نۇرسۇلتان نازارباەۆ قاسىم-جومارت توقاەۆتى ءوز ورنىنا تاعايىنداعاندا ونىڭ وسى تالاپتار ۇدەسىنەن شىعا الاتىن قايراتكەر ەكەنىن ايتتى. سەنىم ءبىلدىردى. وسىنداي قيىن كەزەڭدە قاسىم-جومارت كەمەل ۇلىنا سەنىم بىلدىرگەن دۇرىس شىعار», -دەپ ءسوزىن تۇيىندەدى يكرام ادىربەكوۆ.
ال كەزەكتى سپيكەر سەرگەي پونومارەۆ قازاقستاندىقتار ءۇشىن بۇل جولعى تاڭداۋدىڭ سالماعى اۋىر ەكەنىن ايتتى. سەبەبى ەلباسى , قازاقستاننىڭ تۇڭعىش پرەزيدەنتى نۇرسۇلتان نازارباەۆ الەمدىك دەڭگەيدە مويىندالعان تۇلعا. «سوندىقتان بۇل جولى قاتەلەسۋگە بولمايدى», -دەپ ءسوزىن تۇيىندەدى سەرگەي پونومارەۆ.
الماتى
