حالىقارالىق كونفەرەنتسيانىڭ ماقساتى – وزگەرىستەرگە تولى كەزەڭدە جاستار بويىندا پاتريوتيزم سەزىمىن كۇشەيتۋ, ەل دامۋىنا قوسار ۇلەسىن ارتتىرىپ, جاقسىلىققا جۇمىلدىراتىن جىگەرلى كۇش ءارى ۇلتتار ىنتىماقتاستىعىندا ۇيىتقى, مەملەكەت تۇتاستىعىنا كەپىل بولاتىن جاسامپازدىعىن قالىپتاستىرۋ.
جاستاردىڭ قوعامنىڭ قوزعاۋشى كۇشى ەكەنىن كورەگەندىكپەن ەسكەرىپ, ولاردىڭ ينتەللەكتۋالدىق قۋاتى مەن قايرات-جىگەرى ەل دامۋىنا ماڭىزدى سەرپىن بەرەتىنىن بيىلعى جىلدى «جاستار جىلى» دەپ جاريالاعان كەزدە ەلباسى ن.نازارباەۆ باعىت-باعدارىن دا ايقىنداپ, قۇتتى جىلدىڭ قاقپاسىن ايقارا اشىپ بەرگەن بولاتىن. اقپارات جانە قوعامدىق دامۋ ۆيتسە-ءمينيسترى م.ءازىلحانوۆ: «نۇر-مۇباراك ەگيپەت يسلام مادەنيەتى ۋنيۆەرسيتەتى» – جاس ۋنيۆەرسيتەت جانە جاستاردىڭ سۇيىكتى وقۋ ورداسى. ءبىز ەلباسىنىڭ باستاماسىن قولداي وتىرىپ, جاستارعا سەنىم ارتپاق نيەتپەن «جاستاردىڭ قوعام دامۋىنداعى ءرولى» اتتى حالىقارالىق كونفەرەنتسيانىڭ شىمىلدىعىن تۇرگەلى وتىرمىز. جوعارى ءبىلىمدى كاسىبي ماماندار دايارلاپ وتىرعان وقۋ ورنىنا الداعى ۋاقىتتا دا مەملەكەت تاراپىنان كومەك كورسەتە بەرەمىز. قوعامداعى بۇگىنگى كوپ سۇراقتار بىلىمسىزدىكتەن تۋىنداپ وتىر. قازىردىڭ وزىندە تەرىس ۇگىت-ناسيحاتتىڭ قۇربانىنا اينالىپ, سيريادان ءبىر-اق شىققان 300-دەن استام وتانداسىمىز ءوز ەلىنە قايتۋعا نيەت ەتىپ وتىر. قايتىپ كەلگەننەن كەيىن دە ولاردىڭ وي-ساناسىن قالىپقا كەلتىرۋ, قوعامعا قايتا بەيىمدەۋ قاجىرلى ەڭبەكتى تالاپ ەتەدى. وسى ورايدا ءبىز نۇر-مۇباراك ۋنيۆەرسيتەتىنىڭ ۇستازدارى مەن ستۋدەنتتەرىنە, تەولوگ ماماندارعا, يسلامتانۋ بىلگىرلەرىنىڭ كومەگىنە ارقا سۇيەپ, يەك ارتامىز», دەدى.
جاستاردىڭ دىنگە بەت بۇرۋىنىڭ ماڭىزى زور. ءبىلىمدى, يماندى, كوزى اشىق ماماندار باسى اشىلماعان كۇردەلى ساۋالداردىڭ ورتاسىندا قالىپ وتىرعان بۇگىنگى قوعام ءۇشىن اسا قاجەت. قمدب توراعاسى, باس ءمۇفتي سەرىكباي قاجى ورازدىڭ بايانداماسى اسىرەسە جاستار ءۇشىن وتە اسەرلى قابىلداندى. «جاستىق شاقتىڭ ءار ءساتى التىنعا دا, جاۋھارعا دا, كەز كەلگەن اسىلعا دا ايىرباستاۋعا كەلمەيتىن قايتالانبايتىن وتە قۇندى ۋاقىت. مۇمكىندىككە باي ماڭىزدى كەزەڭدى قالاي پايدالاناسىڭدار, سول كوزقاراس, سول ۇستانىم مەملەكەتتىڭ, ەلدىڭ بولاشاعىنا ءسوزسىز اسەر ەتەتىن بولادى. جاستىق شاق – اسپاندا ءبىر جارق ەتىپ جوق بولاتىن جۇلدىز سەكىلدى كەزەڭ, وسىنى دۇرىس پايدالانىڭدار. بۇل شاق تۋرالى دىنىمىزدە دە جان-جاقتى, كەرەمەت ايتىلعان ويلار بار. ول بىلىمگە ۇمتىلۋ, وقۋ, ىزدەنۋ, كوكىرەككە ءتۇيۋ سەكىلدى ءوزى ءۇشىن دە, ءومىر سۇرگەن ورتاسى ءۇشىن دە پايدالى ماقساتتارعا جۇمسالۋى ءتيىس» دەدى باس ءمۇفتي.
وتاندى قورعاۋ ءدىندى قورعاۋدان دا جوعارى تۇراتىنىن ەگيپەتتەن كەلگەن ۆيتسە-مينيستر اس-سەيد حۋسەين ابدۋلباري ەرەكشە اتاپ ءوتتى. جاستاردىڭ بويىندا, اسىرەسە, وتانسۇيگىشتىك قاسيەت باسىم بولۋى كەرەك. مەملەكەت مىقتى بولسا, ءدىننىڭ دە ارى قاراي وركەن جايۋىنا مۇمكىندىك تۋماق. ەلى بار, جەرى بار, تۋى بار ادامعا الدىمەن وتانىن ءسۇيۋ ماڭىزدى. سوندىقتان دا مەملەكەت تۇرعىندارى ەڭ الدىڭعى كەزەكتە وتانىن قورعاۋعا كۇش سالۋى كەرەك. ال وتانىڭدى تاستاپ نەمەسە ساتىپ, باسقا ەلگە كەت دەپ ءدىن ەشقاشان ۇيرەتپەيدى. وتاندى قۇرمەتتەۋ, قورعاۋ, وتاندا ءوسىپ-ءونۋ – دۇنيەگە كەلىپ, ءمان-ماعىنا ىزدەگەن, باقىت اڭساعان ادام ءۇشىن قاسيەتتى پارىز ەكەنىن ارابتىڭ تەولوگ مامانى جان-جاقتى ءىلىم-ءبىلىم مىسالىمەن جاقسى ءتۇسىندىردى.
«قوعام دامۋىنداعى جاستاردىڭ ءرولى» اتتى حالىقارالىق كونفەرەنتسياعا قاتىسقان نۇر-مۇباراك ەگيپەت يسلام مادەنيەتى ۋنيۆەرسيتەتىنىڭ رەكتورى مۇحامماد اش-شاححات ال-جيندي, قازاقستانداعى بۇۇ قوعامدىق اقپارات بيۋرو جەتەكشىسى ابدۋراحيم مۋحيدوۆ, وزبەكستان حالىقارالىق يسلام اكادەمياسىنىڭ رەكتورى, پروفەسسور شۋحرات ەۆكوشەۆ, حالىقارالىق كۋۆەيت ۋنيۆەرسيتەتىنىڭ رەكتورى اسان ورمۋشەۆ, ERCIYES ۋنيۆەرسيتەتى, PھD دوكتورى يۋنۋس اپايدىن, ق.ا.ياساۋي اتىنداعى عىلىمي-زەرتتەۋ ورتالىعىنىڭ ديرەكتورى, پروفەسسور دوساي كەنجەتاي سياقتى بىلىكتى ءدىن ماماندارى بايانداما جاساپ, قوعام مەن جاستار ماسەلەسىنە بايلانىستى ءوربيتىن كەلەلى اڭگىمەنى كونفەرەنتسيانىڭ ەكىنشى بولىمىندەگى پلەنارلىق ماجىلىستە جالعاستىردى. ال تۇسكى ۇزىلىستە كونفەرەنتسيا قوناقتارى ۋنيۆەرسيتەتتە وتكەن ناۋرىز مەرەكەسىنە قاتىسىپ, ۇلتتىق سپورت ويىندارى مەن ونەرلى ستۋدەنتتەردىڭ جانە قازاقستان ونەر جۇلدىزدارىنىڭ كونتسەرتىن تاماشالادى.
الماتى
