«مەرەيلى وتباسى» ۇلتتىق بايقاۋىنا قۇجاتتار قابىلداۋ باستالدى

«بايقاۋدىڭ ماقساتى – ونەگەلى قۇندىلىقتاردى جاڭعىرتۋ, بالالاردى تاربيەلەۋدە اتا-انانىڭ جاۋاپكەرشىلىگىن ارتتىرۋ, وتباسى قۇندىلىقتارىن كەڭىنەن ناسيحاتتاۋ, قازاقستاندىق وتباسىنىڭ جاعىمدى ءيميدجىن ۇگىتتەۋ», – دەلىنگەن بايقاۋدىڭ ۇيىمداستىرۋشىلارى تاراتقان حابارلامادا. 

كونكۋرس قر ۇكىمەتىنىڭ 2014 جىلعى 5 ناۋىرىزداعى №181 قاۋلىسىمەن بەكىتىلگەن «مەرەيلى وتباسى» ۇلتتىق كونكۋرسىن وتكىزۋ قاعيدالارىنا سايكەس جۇزەگە اسىرىلادى. 

قاتىسۋعا ءوتىنىم تومەندەگى قۇجاتتارمەن بىرگە بەرىلەدى: 

1) اتا-انالاردىڭ (قورعانشىلاردىڭ, قامقورشىلاردىڭ) جەكە باسىن كۋالاندىراتىن قۇجاتتاردىڭ كوشىرمەلەرى, بالالاردىڭ تۋ تۋرالى كۋالىكتەرىنىڭ كوشىرمەلەرى; 

2) اسىراپ الۋشى (قورعانشى) وتباسىلار ءۇشىن - جەرگىلىكتى ۋاكىلەتتى ورگاننىڭ كامەلەتكە تولماعان بالاعا قورعانشىلىقتى (قامقورشىلىقتى) بەلگىلەۋ تۋرالى شەشىمىنەن ءۇزىندى كوشىرمە; 

3) نەكە قيۋ تۋرالى كۋالىكتىڭ كوشىرمەسى (بار بولسا); 

4) اتا-انالارىنىڭ بىرەۋى قايتىس بولعان جاعدايدا, قايتىس بولۋ تۋرالى كۋالىكتىڭ كوشىرمەسى (بار بولسا); 

5) بالالاردى تاربيەلەگەنى ءۇشىن العان كوتەرمەلەۋلەردىڭ, بەلگىلى ءبىر جەتىستىكتەرى ءۇشىن العان كوتەرمەلەۋلەردىڭ بار ەكەنىن كۋالاندىراتىن قۇجاتتاردىڭ كوشىرمەلەرى; 

6) بالالاردىڭ, اتا-انالاردىڭ (قورعانشىلاردىڭ, قامقورشىلاردىڭ) جۇمىس (وقۋ) ورنىنان انىقتامالار جانە مىنەزدەمەلەر; 

7) ۇسىنىمدار (ارىپتەستەرىنىڭ, كورشىلەرىنىڭ, دوستارىنىڭ); 

8) وتباسى مۇشەلەرىنىڭ ەڭبەكتەگى, سپورتتاعى, شىعارماشىلىق, زياتكەرلىك, عىلىمي جوعارى جەتىستىكتەرىن كۋالاندىراتىن قۇجاتتاردىڭ كوشىرمەلەرى.   

كونكۋرسقا قاتىسۋعا ءوتىنىم بەرۋ ءۇشىن قۇجاتتار تۇپنۇسقامەن تاپسىرىلۋى قاجەت. 

كونكۋرسقا قىزمەتى قازاقستان رەسپۋبليكاسىنىڭ اۋماعىندا تىيىم سالىنعان ۇيىمداردىڭ قۇرامىنا كىرەتىن (كىرگەن) مۇشەلەرى بار جانە بۇرىن سوتتالعان مۇشەلەرى بار وتباسىلار كونكۋرسقا قاتىسا المايدى. 

بايقاۋعا قاتىسۋ ءۇشىن ءوتىنىم مەن قۇجاتتار نۇر-سۇلتان قالاسىنىڭ الماتى, بايقوڭىر, ەسىل, سارىارقا اۋدان اكىمدىكتەرىندە جانە (نەمەسە) نۇر-سۇلتان قالاسىنىڭ قوعامدىق دامۋ ىستەرى باسقارماسىندا (بەيبىتشىلىك كوشەسى, 11, 526 كابينەت) قابىلدانادى. كونكۋرسقا قاتىسۋعا وتىنىمدەر ءتيىستى قۇجاتتار قوسا تىركەلگەن ارنايى نىسان بويىنشا قالالىق كوميسسيالارعا 2019 جىلعى مامىردىڭ 3-نە دەيىن بەرىلەدى. 

قوسىمشا اقپاراتتى الۋ ءۇشىن 55-66-98, 55-67-08, 55-67-01, 8 701 145 90 34 بايلانىس نومىرلەرىنە حابارلاسۋعا بولادى.