«مەملەكەتتىڭ بۇگىنگى باسشىسى قاسىم-جومارت توقاەۆتىڭ جارلىعىمەن ۇستىمىزدەگى جىلدىڭ 9 ماۋسىمىندا كەزەكتەن تىس پرەزيدەنت سايلاۋى وتەدى. قاسىم-جومارت كەمەل ۇلىنىڭ بۇل شەشىمى, ياعني پرەزيدەنت سايلاۋىنىڭ ءوتۋى ەلەمىزدەگى دەموكراتيا مەن تىنىش, بەرەكەلى ءومىردىڭ كەپىلى بولادى. پرەزيدەنتتى حالىق سايلايدى, حالىق تاڭدايدى. سوندىقتان سايلاۋعا بارلىق تۇرعىندار ءبىر كىسىدەي قاتىسۋى ءتيىس» دەدى دينارا وتەباەۆا.
قازاقستان تاۋەلسىزدىگىن العاننان كەيىن قازاقستاندا ازاماتتىق قوعام بەلسەندىلىگى ارتا ءتۇستى. ۇكىمەتتىك ەمەس سەكتور جەتەكشىلەرى ءتۇرلى قوعامدىق كەڭەستەرگە, ماجىلىستەرگە شاقىرىلا باستادى. ۇكىمەتتىك ەمەس ۇيىمدار وسىلاي تۇرعىندار ويلاندىراتىن الەۋمەتتىك ماسەلەلەردىڭ شەشىمىن تابۋىنا ءوز ۇلەسىن قوساتىن دەڭگەيگە جەتتى. ولار وزدەرى دە الەۋمەتتىك جوبالاردى جۇزەگە اسىرا باستادى.
قازىر ولار وزدەرىن مەملەكەت پەن حالىقتىڭ اراسىنداعى كوپىر سەزىنەدى. وسى باسقوسۋدا دا ەلىمىزدە وتەتىن بۇل سايلاۋ جونىندە ءوز پىكىرلەرىن ايتتى.
«ءبىزدىڭ ازاماتتىق قوعام بەلسەندىلەرى قوعامدى بىرىكتىرۋ, يگى ىسكە جۇمىلدىرۋ باستى ماقساتىمىز ەكەنىن تۇسىنەمىز. سول ءۇشىن 9 ماۋسىمدا ەلىمىزدە وتەتىن كەزەكتەن تىس سايلاۋعا تۇرعىنداردىڭ بارلىعى كەلىپ ءوز داۋىسىن بەرىپ, تاڭداۋىن جاساۋى ءتيىس. ونداي بەلسەندىلىك ءبىزدىڭ ەلىمىزدىڭ, بالالارىمىزدىڭ بولاشاعى ءۇشىن كەرەك ەكەنىن ءتۇسىنۋى ءتيىس. ايتپاقشى, قازىر سايلاۋدا دەموكراتيا بولمايدى, ءبارى الدىن الا دايىندالعان دەگەن سياقتى ۇشقارى اڭگىمەلەر ايتاتىندار بار. ولار قاتەلەسەدى, سونداي ادامدار الدىمەن كەلىپ, داۋىسىن بەرسىن, بەلسەندىلىك كورسەتسىن, سوندا الگىندەي كەرجاق پىكىرلەردەن دە قوعام ادا بولادى» دەيدى «دەنساۋلىققا جول» قوعامدىق ۇيىمىنىڭ اتقارۋشى ديرەكتورى ءلاززات توميلوۆسكايا.
