زاڭ جوباسىنىڭ نەگىزگى مىندەتتەرىنىڭ ءبىرى – «ءبىر ءۇي - ءبىر بىرلەستىك - ءبىر شوت» قاعيداتى بويىنشا «م ۇلىك يەلەرىنىڭ بىرلەستىگى» كوممەرتسيالىق ەمەس ۇيىمىنىڭ جاڭا نىسانىن قۇرۋ جولىمەن باسقارۋ ورگاندارىنىڭ قىزمەتىن رەتتەۋ».
ءمينيستردىڭ ايتۋىنشا, ۇسىنىلعان پرينتسيپ ءار ءۇيدى باسقارۋدىڭ جەكە ءتاسىلىن قاراستىرادى. ءار م ۇلىك مەنشىك يەلەرىنىڭ بىرلەستىگى ءوزىنىڭ اعىمداعى جانە جيناقتاۋشى شوتتارىن اشاتىن بولادى.
اتالعان شارا پاتەر يەلەرى كووپەراتيۆتەرى جانە باسقارۋشى كومپانيالار تاراپىنان قىزمەتتەر مەن تاريفتەردىڭ تۇرعىندارعا جۇكتەلمەۋىن جانە قارجىلارىنىڭ اشىق جۇمسالۋىن قامتاماسىز ەتەدى. سونداي-اق تۇرعىنداردىڭ باسقارۋ ءتاسىلىن تاڭداۋ قۇقىعى جەكە باسقارۋ ورگاندارى ارقىلى نەمەسە شارت نەگىزىندە باسقارۋشى كومپانيالار ارقىلى بەرىلەدى.
سونداي-اق, جوبادا كوندومينيۋم وبەكتىسىنىڭ ورتاق مۇلكىنە كۇردەلى جوندەۋ جۇرگىزۋدىڭ جاڭا مەحانيزمىن ەنگىزۋ ماسەلەسى قاراستىرىلعان.
«بۇل تۇرعىندارعا قاراجاتتىڭ ءتۇسۋىن جانە ماقساتتى جۇمسالۋىن باقىلاۋ ارقىلى تەك وزدەرىنىڭ ۇيىنە كۇردەلى جوندەۋگە قاراجات جيناۋعا مۇمكىندىك بەرەدى. كۇردەلى جوندەۋ جۇرگىزۋگە قاراجات جيناقتاۋ جانە جەڭىلدەتىلگەن قارىز الۋ مەحانيزمى ازىرلەندى. مىسالى, تۇرعىن ءۇي قۇرىلىس بانكىنىڭ ەسەبىنە سايكەس قارىزدار بويىنشا پايىزدىق مولشەرلەمە جىلىنا 2 پايىزدى قۇرايتىن بولادى», - دەپ اتاپ ءوتتى رومان سكليار.
بۇل سحەماعا جەرگىلىكتى اتقارۋشى ورگاندار دا قاتىسادى, ولار باسقارۋ ورگانىنىڭ ءوتىنىشى بويىنشا كۇردەلى جوندەۋ جۇرگىزۋ قاجەتتىلىگى تۋرالى شەشىم قابىلدايدى, جوبالىق-سمەتالىق قۇجاتتامانى ازىرلەۋدى ۇيىمداستىرادى, تەحنيكالىق تەكسەرۋ مەن ەنەرگيا ءاۋديتىن جۇرگىزەدى.
باسقارۋ ورگاندارى قىزمەتىنىڭ اشىقتىعىن ارتتىرۋ ءۇشىن زاڭ جوباسىندا بارلىق قاتىسۋشىلارعا بيزنەس-پروتسەستەردىڭ اشىقتىعىن قامتاماسىز ەتەتىن تۇرعىن ءۇي-كوممۋنالدىق شارۋاشىلىعىنىڭ اقپاراتتىق جۇيەسىن قۇرۋ قاراستىرىلۋدا.
اقپاراتتىق جۇيەدە تۇرعىندار ءۇي بويىنشا شىعىندار مەن تابىستاردى باقىلاپ, ەسەپتەۋلەر مەن ەسەپتەسۋدىڭ دۇرىستىعىن تەكسەرە الادى. سونىمەن قاتار, تۇرعىنداردىڭ ءوز باسقارۋ ورگانىنىڭ قىزمەتىنە مونيتورينگ جۇرگىزىپ, تۇرعىن ءۇي-كوممۋنالدىق شارۋاشىلىق ماسەلەلەرى بويىنشا وتىنىشتەر بەرۋگە مۇمكىندىكتەرى بولادى. بۇدان بولەك, تۇرعىندار ەلەكتروندى داۋىس بەرە الادى جانە ءۇيدىڭ بارلىق ماسەلەلەرى بويىنشا سىرتتا ءجۇرىپ تە قاتىسۋ مۇمكىندىگى تۋادى.
تۇرعىن ءۇي-قۇرىلىس كووپەراتيۆتەرىنىڭ قىزمەتىندەگى زاڭ بۇزۋشىلىقتاردى بولدىرماۋ ءۇشىن كووپەراتيۆ تەك ءبىر كوپ پاتەرلى تۇرعىن ءۇي ءۇشىن قۇرىلاتىن سحەما ۇسىنادى, كووپەراتيۆ مۇشەلەرىنىڭ سانى پاتەرلەردىڭ سانىنان اسپاۋى ءتيىس جانە قۇرىلىس مەملەكەتتىك تىركەۋدەن كەيىن جانە جالعا الۋ قۇقىعىنداعى نەمەسە مەنشىك قۇقىعىنداعى جەر ۋچاسكەسى بولعان سوڭ جۇزەگە اسىرىلاتىن بولادى.
زاڭ جوباسى اياسىندا جەرگىلىكتى اتقارۋشى ورگانداردىڭ تۇرعىن ءۇي ينسپەكتسياسىن الەۋمەتتىك ينفراقۇرىلىم وبەكتىلەرىندە گازبەن جابدىقتاۋ وبەكتىلەرىنىڭ قاۋىپسىز پايدالانىلۋىن, سونداي-اق قاۋىپتى تەحنيكالىق قۇرىلعىلاردى باقىلاۋ جانە قاداعالاۋ قۇزىرەتتىلىكتەرىن بەرۋ كوزدەلگەن.
بۇگىنگى كۇنى ليفت شارۋاشىلىعىنىڭ باسىم بولىگى ءوزىنىڭ نورماتيۆتىك پايدالانۋ مەرزىمىنەن اسىپ كەتتى. وسى ماسەلەنى شەشۋ ءۇشىن ليفتىلەردى اۋىستىرۋ جانە جوندەۋ جۇمىستارىن قارجىلاندىرۋ جەرگىلىكتى بيۋدجەت ەسەبىنەن جۇزەگە اسىرىلاتىن بولادى.
