جۇمىس توبىنىڭ قۇرامىندا ەڭبەك جانە حالىقتى الەۋمەتتىك قورعاۋ ءمينيسترى ب.ساپارباەۆ, ءبىلىم جانە عىلىم ءمينيسترى ك.ءشامشيدينوۆا, دەنساۋلىق ساقتاۋ ۆيتسە-ءمينيسترى ل.اقتاەۆا, قۇرىلىس جانە تۇرعىنۇي-كوممۋنالدىق شارۋاشىلىعى ىستەرى كوميتەتىنىڭ توراعاسى م.جايىمبەتوۆ بار.
جۇمىس ساپارىنىڭ باستاپقى ورنى قۇرىلىس الاڭى بولدى, ول جەردە «بالامەكەن» جوباسى بويىنشا از قامتىلعان وتباسىلار ءۇشىن 150 ءۇي, ونىڭ 100-ءى بيۋدجەت قاراجاتى ەسەبىنەن, 50-ءى ب.وتەمۇراتوۆتىڭ جەكە قورى قاراجاتىنان سالىنادى.
بۇدان ءارى گ.ابدىقالىقوۆا ب.ساپارباەۆپەن بىرگە 6 بالانى تاربيەلەپ وتىرعان كوپ بالالى وتباسى زارينا حامزاتوۆاعا باردى. اڭگىمە بارىسىندا ول باسشىلىققا كوپ بالالى انانى جۇمىسقا ورنالاستىرۋعا جاردەمدەسۋگە تاپسىرما بەردى.
كەلەسى ءىس-شارا «دوستىق ۇيىندە» ءوتتى. وسى جەردە ۇكىمەت دەلەگاتسياسى كوپ بالالى انالارمەن, از قامتىلعان وتباسىلارمەن, ەڭبەك ارداگەرلەرىمەن, مۇگەدەكتەرمەن, مۇعالىمدەرمەن, دارىگەرلەرمەن, قوعام وكىلدەرىمەن كەزدەستى. پرەمەر-ءمينيستردىڭ ورىنباسارى مەملەكەتتىك ساياساتتىڭ ءتۇيىندى باسىمدىعى حالىقتىڭ ءال-اۋقاتى ەكەنىن باسا ايتتى. ول ءۇشىن بۇگىنگى كۇنى ءومىر ساپاسى مەن دەڭگەيىن ارتتىرۋ بويىنشا قاجەتتى شارالار قولدانۋدا. سونىمەن قاتار باستى مىندەت حالىقتى جۇمىسپەن قامتۋ, ال الەۋمەتتىك ءالجۋاز ساناتتارعا جان-جاقتى مەملەكەتتىك قولداۋ كورسەتىلەدى.
بۇدان ءارى جۇمىس ساپارى قالا جانە اۋدان اكىمدەرى, كاسىپورىن, بيزنەس-قۇرىلىم جانە كاسىبي وداق باسشىلارىمەن جينالىسپەن جالعاستى. وندا الەۋمەتتىك جاۋاپكەرشىلىكتى العا تارتۋ, ءوڭىردىڭ از قامتىلعان جۇمىسكەرلەرى مەن تۇرعىندارىنا الەۋمەتتىك كومەك كورسەتۋ ماسەلەلەرى قاراستىرىلدى.
گ.ابدىقالىقوۆا ەكونوميكا سەكتورلارىن, بيزنەس-قوعامداستىقتى مەملەكەتتىڭ الەۋمەتتىك ساياساتىن ىسكە اسىرۋعا بەلسەندى قاتىسۋعا شاقىردى.
كەلەسى كەزەكتە قىزىلوردا وبلىسىنىڭ 2016-2019 جىلدارعا ارنالعان ءبىلىم بەرۋ مەن عىلىمدى دامىتۋدىڭ مەملەكەتتىك باعدارلاماسىن ءىسكە اسىرۋ بارىسى قاراستىرىلدى. وبلىستا 3-6 جاستاعى بالالاردى بالاباقشامەن قامتۋ 100%-دى قۇرادى, سوڭعى 6 جىلدا 69 ءبىلىم بەرۋ مەكەمەسى سالىندى, 79% كوللەدجدەر دۋالدى وقىتۋ جۇيەسى بويىنشا جۇمىس ىستەيدى. ۆيتسە-پرەمەر ءبىلىم جانە عىلىم مينيسترىمەن وڭىردەگى ءبىلىم بەرۋ سالاسىنداعى اعىمداعى جاعدايدى, وزەكتى ماسەلەلەردى جانە ونى شەشۋ جولدارىن قاراستىردى. بۇدان ءارى پەداگوگتار قاۋىمىنا 1 ماۋسىمنان باستاپ جالاقىنى 30%-عا ارتتىرۋ جايى ءتۇسىندىرىلدى. سونىمەن قاتار مۇعالىمنىڭ قوعامداعى بەدەلى مەن ءرولىن ارتتىرۋعا باعىتتالعان «پەداگوگ مارتەبەسى تۋرالى» زاڭ جوباسى تالقىلاندى.
پرەمەر-مينيستر مەن ەڭبەك جانە حالىقتى الەۋمەتتىك قورعاۋ مينيسترى قىزىلوردا قالاسىنىڭ جۇمىسپەن قامتۋ ورتالىعىنىڭ جۇمىسىن تەكسەردى. جاڭا فورماتتاعى اتاۋلى الەۋمەتتىك كومەكتى تاعايىنداۋ الگوريتمى تولىق قاراستىرىلدى. جالپى وبلىس ورتالىعىندا 2018 جىلى جۇمىسپەن قامتۋ شارالارىمەن 3,6 مىڭنان استام ادام قامتىلدى, 7,7 مىڭنان استام ادام جۇمىسقا ورنالاستىرىلدى, 225 ادامعا كرەديتتەر مەن گرانتتار بەرىلدى.
وڭىرگە جۇمىس ساپارىنىڭ سوڭىندا گ.ابدىقالىقوۆا ازاماتتاردى جەكە قابىلدادى. باسشىلىققا امانگەلدى نيتاليەۆتىڭ سوزىلمالى گەمودەاليزگە بايلانعان بالا كەزىنەن مۇگەدەك ۇلىنا ماتەريالدىق كومەك كورسەتۋ تاپسىرىلدى.
ءوز كەزەگىندە, ك.ءشامشيدينوۆا «شاعبان» بالاباقشاسىنىڭ, «IT-IMAQORDA» بالالار تەحنوپاركىنىڭ, №268 ورتا مەكتەپتىڭ جانە «اتامەكەن» وتباسىلىق ءۇلگىدەگى بالالار اۋىلىنىڭ وكىلدەرىمەن بىرقاتار كەزدەسۋ وتكىزدى. ل.اقتاەۆا بالالار اۋرۋحاناسىنىڭ, №6 ەمحانانىڭ دارىگەرلەرىمەن جانە مەدبيكەلەرىمەن كەزدەستى. ال م.جايىمبەتوۆ سىرداريا اۋدانىنا باردى.
