سەنىم سىناعى
سەيسەنبى, 24 ءساۋىر 2012 7:14
ەلباسى ن.نازارباەۆتىڭ حالقىمىزعا ارنايتىن جىل سايىنعى جولداۋلارى تاۋەلسىز قازاقستان دامۋىنىڭ ستراتەگيالىق ءمىندەتتەرىن ناقتى جۇزەگە اسىرۋدىڭ كەپىلدى كىلتىنە اينالىپ وتىرعانىن ءومىردىڭ ءوزى ايقىن دالەلدەۋدە. بۇل ەلىمىزدە جۇزەگە اسىرىلىپ جاتقان ۇلان-عايىر وزگەرىستەردىڭ بارلىعى الدىن الا تەرەڭ سارالانىپ تالدانعانىن, ونى ىسكە اسىرۋدىڭ مىقتى نەگىزدەرى قالانعانىن كورسەتەدى. پرەزيدەنتتىڭ «قازاقستان رەسپۋبليكاسى قۇقىق قورعاۋ ورگاندارىنىڭ قىزمەتكەرلەرىن كەزەكتەن تىس اتتەستاتتاۋدان وتكىزۋ تۋرالى» بيىلعى 8 ساۋىردەگى جارلىعى دا 2012 جىلعى «الەۋمەتتىك-ەكونوميكالىق جاڭعىرتۋ – قازاقستان دامۋىنىڭ باستى باعىتى» اتالعان جولداۋ تالاپتارىنان تۋىنداعان ماڭىزدى قادام دەپ بىلەمىز.
سەيسەنبى, 24 ءساۋىر 2012 7:14
ەلباسى ن.نازارباەۆتىڭ حالقىمىزعا ارنايتىن جىل سايىنعى جولداۋلارى تاۋەلسىز قازاقستان دامۋىنىڭ ستراتەگيالىق ءمىندەتتەرىن ناقتى جۇزەگە اسىرۋدىڭ كەپىلدى كىلتىنە اينالىپ وتىرعانىن ءومىردىڭ ءوزى ايقىن دالەلدەۋدە. بۇل ەلىمىزدە جۇزەگە اسىرىلىپ جاتقان ۇلان-عايىر وزگەرىستەردىڭ بارلىعى الدىن الا تەرەڭ سارالانىپ تالدانعانىن, ونى ىسكە اسىرۋدىڭ مىقتى نەگىزدەرى قالانعانىن كورسەتەدى. پرەزيدەنتتىڭ «قازاقستان رەسپۋبليكاسى قۇقىق قورعاۋ ورگاندارىنىڭ قىزمەتكەرلەرىن كەزەكتەن تىس اتتەستاتتاۋدان وتكىزۋ تۋرالى» بيىلعى 8 ساۋىردەگى جارلىعى دا 2012 جىلعى «الەۋمەتتىك-ەكونوميكالىق جاڭعىرتۋ – قازاقستان دامۋىنىڭ باستى باعىتى» اتالعان جولداۋ تالاپتارىنان تۋىنداعان ماڭىزدى قادام دەپ بىلەمىز.
اتتەستاتتاۋ – سەنىم سىناعى. تەرەڭىرەك بويلاساق, قوعامنىڭ ىرگەتاسىن نىقتايتىن تۇتقالاردىڭ بەرىكتىگى مەن زامان ۇدەرىسىندەگى مىندەتتەردى يگىلىككە اينالدىرۋداعى قابىلەت-قارىمنىڭ مىنسىزدىگىن ورنىقتىرۋ بولىپ تابىلادى. ال قۇقىق قورعاۋ ورگاندارى مەملەكەتتىك ءمۇددەلەردىڭ ىسكە اسىرىلۋىن جۇزەگە اسىرۋشى جاندى قۇرىلىم. سوندىقتان, وعان قوعامنىڭ, ادامنىڭ بيىك سەنىمىن ارقالاۋ جاۋاپكەرشىلىگى جۇكتەلگەن. ويتكەنى, حالىق ءوزىنىڭ كۇندەلىكتى تىرشىلىگىندە وسى قۇرىلىمدار ارقىلى مەملەكەت پەن بيلىك قاتىناسىنداعى الەۋەت پەن جاناشىرلىقتى ەلەستەتەدى. مەملەكەتتىك قۇرىلىستىڭ كۇردەلى كەزەڭىندە ولارعا دەگەن تالاپ پەن سۇرانىس وسە تۇسپەك. وسى تۇرعىدان العاندا, ەلباسى جارلىعى حالىق تاراپىنان اسا قاجەتتى شارا رەتىندە قابىلداندى.
جارلىقتا اتاپ كورسەتىلگەنىندەي, ءبىزدىڭ ەلىمىزدە باقىلاۋدىڭ كوپ دەڭگەيلى جۇيەسىن ونىڭ بارلىق كەزەڭىندە كوزدەيتىن ءىس-شارا ءبىرىنشى رەت وتكىزىلۋدە. بۇل شەشۋشى قادامدارعا بارۋ قاجەتتىگىن العا تارتاتىن جاعداي. اقمولا وبلىسىندا 3 مىڭنان استام پوليتسيا قىزمەتكەرى جۇمىس ىستەيدى. بۇل ايبىندى ساپتا قينالعاندا تىرەنىش, جان دۇنيەڭە دەمەۋ بولار ازاماتتار جەتكىلىكتى. دەگەنمەن, ساننىڭ ساپاعا اينالۋىن كوزدەيتىن زاماننىڭ كوزىمەن قاراعاندا, ونىڭ ىشىندە تالعامنان تومەن ءتۇسىپ جاتاتىنداردىڭ بارلىعى جاسىرىن ەمەس. ەلگە بەرگەن انتىنان اداسىپ, ابىرويىن توككەندەر دە كەزدەسەدى. ۇنەمى حالىقتىڭ ورتاسىندا ءجۇرەتىن قۇقىق قورعاۋ سالاسىنىڭ وكىلى ەڭ الدىمەن قازاقستان زاڭنامالارىن جەتىك ءبىلۋى ءتيىس. يىقتاعى پوگون ادالدىقتى, ادىلدىكتى, ءتارتىپتى, پسيحولوگيالىق سالقىنقاندىلىقتى مىندەتتەيدى. قاراپايىم ادامگەرشىلىك قاعيداتتارىن ساقتاماۋ ادام قۇقىقتارىن شەكتەۋگە الىپ كەلەدى. ونى مەملەكەتتىك بيلىك ورگاندارىنا, «نۇر وتان» حدپ وبلىستىق فيليالىنا ءتۇسىپ جاتقان سان الۋان ءوتىنىش-شاعىمدار مازمۇنى ايقىن اڭعارتادى.
قازىرگى وفيتسەر كادرلاردىڭ جاۋاپكەرشىلىگى ارتتىرىلۋى كەرەك. ولار جۇمىستىڭ ەسكى ادىسىنەن ارىلىپ, حالىققا, قىزمەتتىك تۇرعىداعى ادامدارعا جاقىنداي ءتۇسۋى ءتيىس. وركوكىرەك باسشىعا ەشكىم دە سىرىن اشىپ, ودان جاقسىلىق كۇتپەيتىنى انىق.
عالىم شويكين, «نۇر وتان» حدپ اقمولا وبلىستىق فيليالى توراعاسىنىڭ ءبىرىنشى ورىنباسارى, ساياساتتانۋ عىلىمدارىنىڭ كانديداتى.
اقمولا وبلىسى.
