جۇمىس توبىنىڭ قۇرامىنا ەڭبەك جانە حالىقتى الەۋمەتتىك قورعاۋ ءمينيسترى ب. ساپارباەۆ, ءبىلىم جانە عىلىم ءمينيسترى ك. ءشامشيدينوۆا, دەنساۋلىق ساقتاۋ ۆيتسە-ءمينيسترى ل. اقتاەۆا, قۇرىلىس جانە تۇرعىن-كوممۋنالدىق شارۋاشىلىق ىستەرى كوميتەتىنىڭ توراعاسى م. جايىمبەتوۆ كىردى.
جۇمىس ساپارىنىڭ باستاپقى پۋنكتى قۇرىلىس الاڭى بولدى, ول جەردە «بالامەكەن» جوباسى بويىنشا از قامتىلعان وتباسىلار ءۇشىن 150 تۇرعىن ءۇي سالىنادى, ونىڭ 100 – بيۋدجەت قاراجاتى ەسەبىنەن, 50 – ب. وتەمۇراتوۆا جەكە قورى قاراجاتىنان سالىنادى.
بۇدان ءارى گ. ابىقالىقوۆا ب. ساپارباەۆپەن بىرگە 6 بالانى تاربيەلەپ وتىرعان كوپبالالى وتباسى زارينا حامزاتوۆاعا باردى. اڭگىمە بارىسىندا ول وبلىس باسشىلىعىنا كوپ بالالى انانى جۇمىسقا ورنالاستىرۋدا جاردەمدەسۋگە تاپسىرما بەردى.
كەلەسى شارا «دوستىق ۇيىندە» ءوتتى. وسى جەردە ۇكىمەت دەلەگاتسياسى كوپبالالى انالارمەن, از قامتىلعان وتباسىلارمەن, ەڭبەك ارداگەرلەرىمەن, مۇگەدەكتەرمەن, مۇعالىمدەرمەن, دارىگەرلەرمەن, قوعام وكىلدەرىمەن كەزدەستى. ءوز سوزىندە پرەمەر-ءمينيستردىڭ ورىنباسارى مەملەكەتتىك ساياساتتىڭ باستى باسىمدىعى حالىقتىڭ ءال-اۋقاتى ەكەنىن باسا ايتتى. ول ءۇشىن بۇگىنگى كۇنى ءومىر ساپاسى مەن دەڭگەيىن ارتتىرۋ بويىنشا قاجەتتى شارالار قولدانۋدا. سونىمەن قاتار باستى مىندەت حالىقتى جۇمىسپەن قامتۋ بولىپ تابىلادى, ال الەۋمەتتىك ءالجۋاز ساناتتارعا جان-جاقتى مەملەكەتپەن قولداۋ كورسەتىلەدى.
ەلباسىنىڭ جاڭا الەۋمەتتىك باستتامالارىنا قولداۋ بىلدىرگەن كەڭەسكە قاتىسۋشىلار ءتۇسىندىرۋ سۇراقتارىنان باسقا, الەۋمەتتىك ساياساتتى جەتىلدىرۋ بويىنشا ۇسىنىستارىن ءبىلدىردى.
بۇدان ءارى جۇمىس ساپارى قالا جانە اۋدان اكىمدەرى, كاسىپورىنداردىڭ, بيزنەس قۇرىلىمداردىڭ جانە كاسىپوداقتاردىڭ باسشىلارى قاتىسقان جينالىسپەن جالعاستى. وندا بيزنەستىڭ الەۋمەتتىك جاۋاپكەرشىلىگىن دامىتۋ, ءوڭىردىڭ از قامتىلعان جۇمىسكەرلەرى مەن تۇرعىندارىنا الەۋمەتتىك كومەك كورسەتۋ ماسەلەلەرى قاراستىرىلدى.
گۇلشارا ابدىقالىقوۆا ەكونوميكانىڭ ناقتى سەكتورلارىن, بيزنەس–قاۋىمداستىقتاردى مەملەكەتتىڭ الەۋمەتتىك ساياساتىن ىسكە اسىرۋعا بەلسەنە قاتىسۋعا شاقىردى.
كەلەسى كەڭەستىڭ تاقىرىبى قىزىلوردا وبلىسىنىڭ 2016-2019 جىلدارعا ارنالعان ءبىلىم بەرۋ مەن عىلىمدى دامىتۋدىڭ مەملەكەتتىك باعدارلامسىن ىسكە اسىرۋ بارىسى قاراۋ بولدى.
وبلىستا 3-6 جاستاعى بالالاردى بالاباقشامەن قامتۋ 100% قۇرادى, سوڭعى 5 جىلدا 69 ءبىلىم بەرۋ مەكەمەسى سالىندى, كوللەدجدەردىڭ 79%-ى ءدۋالدى جۇيە بويىنشا جۇمىس ىستەيدى.
ۆيتسە-پرەمەر ءبىلىم بەرۋ مينيسترىمەن وڭىردەگى ءبىلىم بەرۋ سالاسىنداعى اعىمداعى جاعدايدى, وزەكتى ماسەلەلەردى جانە ونى شەشۋ جولدارىن قاراستىردى. سونىمەن قاتار پەداگوگ قاۋىمعا 1 ماۋسىمنان باستاپ جالاقىنى 30%-عا ارتتىرۋ بويىنشا تۇسىنىك بەرىلدى, سونداي-اق مۇعالىمنىڭ قوعامداعى بەدەلى مەن ءرولى ارتتىرۋعا باعىتتالعان «مۇعالىم مارتەبەسى تۋرالى» زاڭ جوباسى تالقىلاندى.
پرەمەر-ءمينيستردىڭ ورىنباسارى جانە ەڭبەك جانە حالىقتى الەۋمەتتىك قورعاۋ ءمينيسترى قىزىلوردا قالاسىنىڭ جۇمىسپەن قامتۋ ورتالىعىنىڭ جۇمىسىن تەكسەردى. جاڭا فورماتتاعى اتاۋلى الەۋمەتتىك كومەكتى تاعايىنداۋ الگوريتمى تولىق قاراستىرىلدى. جالپى, وبلىس ورتالىعىندا 2018 جىلى جۇمىسپەن قامتۋ شارالارىمەن 3,6 مىڭنان استام ادام قامتىلدى, 7,7 مىڭنان استام ادام جۇمىسقا ورنالاستىرىلدى, 225 ادامعا كرەديتتەر مەن گرانتتار بەرىلدى, 54 وتباسى كوشىرىلدى.
وڭىردەگى جۇمىس ساپارى سوڭىندا پرەمەر-ءمينيستردىڭ ورىنباسارى گ.ن. ابدىقالىقوۆا ازاماتتاردى جەكە قابىلدادى. اتاپ ايتقاندا, وبلىس باسشىلىعىنا امانگەلدى نيتاليەۆتىڭبالا كەزىنەن سوزىلمالى گەمودەاليز دەرتىنە شالدىققان مۇگەدەك ۇلى اسىلعا ماتەريالدىق كومەك كورسەتۋ تاپسىرىلدى.
ءوز كەزەگىندە, ءبىلىم جانە عىلىم ءمينيسترى ك. ءشامشيدينوۆا «شاعبان» بالاباقشاسىنىڭ, «IT-IMAQORDA» بالالار تەحنوپاركىنىڭ, № 268 ورتا مەكتەپتىڭ جانە «اتامەنكەن» وتباسىلىق ۇلگىدەگى بالالار اۋىلىنىڭ ۇستازدار قاۋىمىمەن بىرقاتار كەزدەسۋلەر وتكىزدى.
دەنساۋلىق ساقتاۋ ۆيتسە-ءمينيسترى ل. اقتاەۆا بالالار اۋرۋحاناسىنىڭ, №6 ەمحانانىڭ دارىگەرلەرىمەن جانە مەدبيكەلەرىمەن كەزدەستى. ال قۇرىلىس جانە تۇرعىن-كوممۋنالدىق شارشۋاشىلىق ىستەرى كوميتەتىنىڭ توراعاسى م. جايىمبەتوۆ سىرداريا اۋدانىنا باردى.
ۇىكمەتتىك دەلەگاتسيانىڭ جۇمىس ساپارى شىمكەنت قالاسىندا جانە تۇركىستان وبلىسىندا جالعاساتىن بولادى.
