تاراز وبلىسىنىڭ قۇتقارۋشىلارى جىلداعى داستۇرمەن بيىل دا سولتۇستىك قازاقستان جەرىنە تابان تىرەپ, سۋ تاسقىنىن ەڭسەرۋگە بەلسەنە كىرىسىپ كەتكەن. جەدەل-قۇتقارۋ جاساعىنىڭ جەتەكشىسى قۋانىش ابىلقاسىموۆتىڭ سوزىنە قاراعاندا, ولار قولايسىز جاعداي قالىپتاسقان جەرلەرگە, اتاپ ايتقاندا, ايىرتاۋ جانە ع. مۇسىرەپوۆ اۋداندارىنا ء وز ەرىكتەرىمەن سۇرانىپتى.
قىسقا ۋاقىتتىڭ ىشىندە جەرگىلىكتى اتقارۋشى ورىندارمەن, تۇرعىندارمەن ىنتىماقتاسا وتىرىپ, كوپتەگەن ءىس-شارالارعا قاتىسىپتى. شارىق جانە جەمباراق وزەندەرىندەگى قاۋىپتى سۋ ايدىندارى ماڭدارىندا بوگەسىندەر تۇرعىزىلىپ, ءبىر مىڭ تەكشە مەتردەن استام مۇز ويىلعان. مۇز قوزعالىسىن توقتاتۋدىڭ بارلىق مۇمكىندىكتەرى قاراستىرىلعان.
چيستوپولە اۋىلىنىڭ تۇرعىندارى دا كوك ءتۇستى فورماداعى قۇتقارۋشىلاردى قۋانا قارسى الدى. اقانبۇرلىق وزەنىندەگى كوپىردى جوندەۋ كەزىندە حالىقتىڭ قالىپتى ءومىر ءسۇرۋىن قامتاماسىز ەتە وتىرىپ, ادامدار مەن جۇكتەردى قايىقپەن تاسىمالداۋدى جۇزەگە اسىردى. سونىمەن قاتار كونستانتينوۆكا, گۋساكوۆكا, رۋزاەۆكادا تۇراتىن ادامداردىڭ قاۋىپسىزدىگى ويلاستىرىلىپ, قاۋىپ-قاتەرلەردىڭ جولى كەسىلدى.
«مەن قىزىلجار وڭىرىندەگى قۇتقارۋ شارالارىنا 2004 جىلدان بەرى اتسالىسىپ كەلەمىن. وسى سەبەپتى جەر جاعدايىن دا, ادامداردىڭ مىنەز-قۇلقىن دا جاقسى بىلەمىن. ءوزىمىزدى ۇيدە جۇرگەندەي سەزىنەمىز. قالىپتى جۇمىس ىستەۋگە بارلىق مۇمكىندىكتەر تۋدىرىلعان», دەيدى قۋانىش ابىلقاسىموۆ.
